Hamarkada berriaren atarian
Arlo ekonomikoan, ez dirudi hasiko den hamarkada berrian aldaketa handirik egongo denik. Ameriketako Estatu Batuen eta Txinaren arteko gerra komertziala urrundu da, azken bi urteotan munduko merkatuak kezkatuta eduki ondoren. Bi herrialdeek lortu berri duten akordioak arrisku hori aldendu du. Akordiorik gabeko brexitaren arriskua ere urrundu da. Ondorengo egunetan, Londresko Gobernuak eta Bruselak adostutako hitzarmena Erresuma Batuko Parlamentuak berrestea espero da.
Ameriketako Estatu Batuen eta Europar Batasunaren arteko merkataritza-gerra baten arriskuak, ordea, hor dirau, Trump presidenteak egindako adierazpen gogorren ondoren.
Mundu-mailako atzeraldi ekonomiko baten arriskua ere badago, Estatuen eta enpresen zorren maila oso handia delako, eta bankuen interes-tasak, berriz, oso txikiak direlako. Finantza-krisi batek mundu-mailan porrot-kate bat eragin dezake, nahiz eta ez den izango batzuek aurreikusten duten "crash" erraldoia.
Datorren hamarkadan "baby boom" garaian jaiotako umeak jubilatuko dira. Beraz, jubilatuen kopuruak sekulako igoera izango du. Langileen kopurua txikiegia izango da ekonomiaren premia guztiei erantzuteko. Arazo horri irtenbidea bilatzea izango da helburu nagusietako bat. Kualifikatutako migrazioak garrantzia handia izango du.
Klima-aldaketaren eta horren ondorioen aurkako borroka
Aldaketa klimatikoari eta haren ondorioei aurre egiteak garrantzi handia izango du datorren hamarkadan. Herrialde batzuetan hiri berriak itsasotik urrun eraikitzeko azterketak egiten ari dira dagoeneko. Aldi berean, energia-iturri berriztagarrien, garbien eta merkeen garapena indartuko da.
Europar Batasunari dagokionez, euroaren krisia, migrazioaren krisia eta brexitaren krisia gainditu ondoren, Europak integrazio handiago baten alde egin beharko du, finantza-arloko oreka handiagoa lortu, eta defentsa propioa eraiki. Horretarako, demokratizazio handiagoa behar du, eta Europako Parlamentuak herritarren benetako ordezkaria bihurtu behar du. Horrek zentsua eman diezaioke Europako herritartasunari, azken urteotako populismoei aurre eginez modu horretan.
Zure interesekoa izan daiteke
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.