Donald Trumpekin lehiatuko den hautagai demokrata aukeratzeko prozesua, abian
Iowa estatuko boto-emaileek astelehenean emango diote hasiera, AEBetako hauteskunde primarioen prozesuari. Hilabeteak iraungo diru prozesuak baina uztailean, geldialdia egingo dute demokratek, eta abuztuan, errepublikarrek. Bakoitzak bere konbentzioa ospatuko du, eta prozesua presidentetzarako hauteskundeekin amaituko da azaroaren 3an.
Hauek dira Donald Trumpi presidentetza lehiatuko dioten hautagai demokrata nagusiak:
JOE BIDEN
Sleepy Joe (Joe lotia), Trumpek mespretxuz deitzen dion bezala, lider gisa iritsi da 'caucus'etara boto asmoan, Real Clear Politics orri espezializatuak egiten dituen inkesten arabera. Iowako inkestek, ordea, Vermont estatuan aurkeztutako Bernie Sanders senatariaren atzetik kokatzen dute.
Barack Obamaren presidenteorde izandakoak (2009-2017) moderatu itxura eman du, 2016ko hauteskundeetan galdutako botoak berreskuratzeko gai den progresista bakarra bera dela nabarmentzeko.
BERNIE SANDERS
Hainbat une polemiko izan ditu kanpainan, Elizabeth Warren demokrataren aurkako adierazpen matxistengatik eta Tom Steyer hautagaia era desegokian agurtzeagatik, besteak beste. Hala ere, badirudi aurten, 2016an Hillary Clinton Estatu idazkari ohiak garaitu zuenean baino askoz ere aukera gehiago dituela azaroko hauteskundeetan izendatua izateko.
Iowako inkestek irabazle jotzen dute (2016an galdu egin zuen arren). Astelehenean garaipena lortuko balu, Bidenek inkesta nazionaletan ateratzen dion 5,4 puntuko aldea murriztea erraztuko litzaioke.
Bere zakartasuna eta estatubatuar askorentzat oso ezkerrekoak izan daitezkeen politikak -ordaintzaile bakarreko osasun-sistema publiko bat sortzea, adibide- dira Sandersen puntu ahulak.
ELIZABETH WARREN
Massachusettseko senatariak arlo guztietarako plan bana duen hautagai gisa saldu du bere burua. Iowako inkestetan laugarren jotzen dute, eta inkesta nazionalek hirugarren. Sandersen politikengandik urruntzen saiatu da orain arteko kanpainan -harekin politika ugari partekatzen dituen arren-, eta Sandersen kontra, emakume bat ezin dela AEBetako presidente izan esan ziola salatu du.
Herrialde osoko inkestak kontuan hartuta, Bidenengandik 13 puntura egongo litzateke. Warren askoz ere hobeto kokatuta zegoen urrian; izan ere, politika aurrerakoiei esker -unibertsitateko ikasleen zorrak % 75 murriztu nahi zituen eta sindikatuak babestu-, inkestetan lehena izatera iritsi zen, baina atzera egin du azken hilabeteetan.
PETE BUTTIGIEG
South Bend (Indiana) hiriko alkatea, hautagai gazteena da, 38 urterekin. Militar ohia da eta lehen presidente homosexuala izango litzateke. Kristau elizkoia da eta alderdiaren alde moderatuko kide da. Washingtonen politikan duen esperientziarik eza haize-bolada freskotzat aurkezten du Buttigiegek, eta ez ahultasun gisa.
Dena dela, Itsas Armadako teniente erretiratu honek latindar eta afroamerikar komunitateen botoa erakartzeko arazoak dituela erakutsi du.
MICHAEL BLOOMBERG
Zaila da Michael Bloombergen iragarki bat telebistan, ordenagailuan edo mugikorreko pantailan ikusi ez duen estatubatuar bat topatzea.
New Yorkeko alkate ohia (2001-2013) eta milioiduna, azaroan aurkeztu zen demokraten primarioetara, inork espero ez zuela. Lehiara berandu iritsi den arren, filantropo honek dagoeneko gastu errekorra hautsi du, 250 milioi dolar baino gehiago gastatu baititu kanpaina honetan.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.