‘Sea Watch 4’ ontziak erreskateak berrabiarazi nahi ditu Mediterraneo erdialdean
Larunbat honetan habiatu da Burrianako (Castello) portutik Mugarik Gabeko Medikuak (MGM) Gobernuz Kanpoko Erakundeak (GKE) parte hartzen duen Sea Watch 4 erreskate ontzia, COVID-19aren ondorioz hartu beharreko neurrietara egokitu ostean. Ontziak Libiatik Europara igarotzen saiatzen ari diren pertsonak erreskatatzen jarraituko du.
Sea Watch 4 itsasontzi humanitarioa larunbat arratsaldean abiatu da Burrianako portutik (Castellon) Libiarantz. Ontzia Mugarik Gabeko Medikuen GKEek eta Sea Watchek pleitatu dute, eta 30 bat lagun atera dira ontzira, tripulazio, erreskate talde eta osasun zerbitzuen artean. Espedizioaren helburu nagusia lauzpabost egunen buruan Libia aurreko nazioarteko uretara iristea da, bertan ez baitabil erreskate ontzirik duela zenbait hilebetetik.
Ekimena 500 erakundek sortu dute, eta Mediterraneo erdialdeko uretan erreskate lanak berriz hastea du helburu, orain arte Europar Batasunak geldiarazita, koronabirusaren pandemia dela eta. Apirilean, Mediterraneoan bilaketa eta erreskate ontziak erretiratzeko eskatu zien Alemaniak bere GKE guztiei. Egun batzuk geroago, Italiak eta Maltak gauza bera egiten zuten, ontziei beren portuak itxiz.
Nahiz eta erakunde humanitarioek ezin izan duten eremu horretan lan egin, Libiatik Europara bidean jarraitu dute migratzaileek. Izan ere, urteko lehen seihilekoan, laukoiztu egin da Mediterraneo itsasoa zeharkatzen saiatu diren pertsonen kopurua.
Pandemiaren beste ondorio bat izan da dagoeneko martxan zeuden hainbat misio geldiarazi egin dituztela. Une honetan, ez dabil bilaketa eta erreskate ontzirik Mediterraneo erdialdean. Munduko pasabiderik hilgarriena da Mediterraneokoa, ekainean soilik, 101 pertsona hil ziren zeharkatu nahian.
MGMek sei urte daramatza erreskate lanetan Mediterraneoan, 50.000 pertsonari baino gehiagori lagundu diete, eta une honetan "Mediterraneo zentralean egongo den eta erreskate ahalmena duen bakarra ontzi hori izango da", gaur egun Italiako portuetan "hainbat arrazoi administratibogatik", lau ontzi daudelako bertan "geldiarazita", Mila Font Valentziako Erkidegoko MGMen delegatuak azaldu duenez.
Albiste gehiago mundua
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Gaur ehunka mila pertsona atera dira Israelgo kaleetara manifestazio jendetsuetan, baina ez masiboetan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoaren inguruan, baina ez du ebidentziarik eskaini bere defentsa frogatzeko. Erasoetan, 20 pertsona hil zituzten, tartean bost kazetari.
Netanyahuren aurkako protesta jendetsua Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte eta herrialdeko errepide garrantzitsuenetako batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Hiru hildako eta 10 zauritu inguru utzi ditu Kajiki tifoiak Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du lurra, 90 eta 117 km/h arteko haizeekin eta 150 km/h-ko ufadekin.
Hondar-ekaitz ikusgarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBtako aireportu garrantzitsuenetakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.
Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.
Bayrouren hordagoa: bere Gobernua erorarazi lezakeen konfiantza mozioa egin du
Urte politikoaren hasiera malkartsu dator Frantziako Estatuan, bereziki aurrekontuak direla eta. François Bayrou lehen ministroak 40.000 milioi euroko murrizketak iragarri zituen 2026ko kontuetarako, eta hautsak harrotu zituen. Gauzak horrela, gaur jakinarazi du konfiantza mozioa egingo duela Asanblea Nazionalean, irailaren 8an.