Armin Laschet kontinuista, Angela Merkelen CDU alderdiko presidente berria
Armin Laschet Ipar Renania-Westfalia Landerreko lehen ministro zentrista Batasun Kristau Demokratako (CDU) presidente berri izendatu dute gaur alderdiko ordezkariek. Beraz, Angela Merkel Alemaniako kantzilerraren alderdia zuzenduko du.
Laschet kontinuismoaren ordezkaria da, eta Jens Spahn Osasun ministroaren babesa du. Hautagaiak garaipena lortu du bozketa telematikoaren bigarren itzulian. Friedrich Merz eskuindarrari gailendu zaio.
Hirugarren hautagaia, Norbert Rottgen zentrista, lehiatik kanpo geratu da bozketaren lehen itzulian.
Laschet, alderdiko presidenteordea, Merzen atzetik sailkatu da lehen itzulian, baina bigarren bozketan 521 boto erdietsi ditu. Merzek, ostera, 466 boz eskuratu ditu. Merz Angela Merkel kantzilerraren etsai historikoa da.
Honenbestez, ildo kontinuista nagusitu da. Alderdiak eskuinera biratzea saihestu dute CDUko ordezkariek.
Laschetek tonu oso pertsonalean mintzatu zaie alderdikideei bozketa baino lehen. Bere familia meatzaria gogora ekarri du, Merz aberatsetik desberdindu nahian. Polarizazioaz, estremismoez eta Ameriketako Estatu Batuetan gertatutakoaz ohartarazi du irabazleak, hau da, kargua utzi behar duen Donald Trump presidentearen jarraitzaileek Kapitolioaren aurka egindako erasoa gogorarazi du.
Hiru hautagaiak CDUren biltzarrean. Argazkia: EFE
Alderdikideek hiru hautagaiei egin dizkieten galderetan, Spahnek Lascheti babesa eman dio; izan ere, haren aldeko boza eskatu du. Atzo, alderdikideak agurtzeko hitzaldian, Merkelek “talde espiritua” aipatu zuen dagoeneko, bikote horri babes argia emanez.
Hiru hautagaiak modu birtualean aurkeztu dira 1.001 ordezkariren aurrean, 20 bat minutuko hitzaldiekin. Ondoren lehen bozketa telematikoa egin dute, eta gero berdinketa hausteko bigarrena.
Irailaren 26ko hauteskunde orokorrei begira, bloke kontserbadorearen hautagaia definitzeko behin betiko pausoa izan da CDUren buruzagi berria aukeratzea.
Hamarkadetan zehar, hautagaitza Bavariako Batasun Sozial Kristauarekin (CSU) adostu dute. Zentzu horretan, Markus Soder Bavariako lehen ministro eta CSUko buruzagiak kantziler izateko asmoa duela diote zurrumurruek.
Bavariako agintaria, Spahn ministroarekin batera, politikari balioztatuenen artean dago. Angela Merkelek soilik du babes handiagoa herritarren artean.
Zure interesekoa izan daiteke
Adimen artifizialaren gobernantza eztabaidagai Indian: Silicon Valleyeko erraldoiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.