Draghik onartu egin du Gobernua osatzea, eta ministro zerrenda aurkeztu du
Mario Draghi Italiako lehen ministro izendatuak azkenean onartu egin du kargua hartzea, eta Sergio Mattarella presidenteari ministroen zerrenda aurkeztu dio.
Bihar eguerdian izango da kargua hartzeko ekitaldia, Quirinal Jauregian, eta estatuburuak dagoeneko sinatu ditu Gobernu berriaren izendapenen dekretuak. 23 ministrok osatuko dute Gobernua, eta horietako 15 politikariak dira, eta 8, teknikariak.
Egungo sei ministrok beren postuetan jarraituko dute, tartean Roberto Speranza Osasun ministroak, Luigi Di Maio Atzerri ministroak eta Luciana Lamorgese Barne ministroak. Teknikarien kasuan, Marta Cartabia Auzitegi Konstituzionaleko epaileak Justizia Ministerioaren ardura hartuko du.
Giuseppe Conteren koalizio gobernuak porrot egin zuen koalizio barruko zatiketarengatik, Matteo Renzi Italia Biziaren buruzagiak Europako funtsen erabileraren inguruan desadostasunak agertu eta bere ministroak gobernutik atera ostean. Conteren Gobernua gutxiengoan geratu zen horrela.
Conte babesten zuten alderdiekin gobernu berria osatzea zen Mattarellaren lehenengo aukera, baina saiakerek porrot egin zuten. Mattarelak, orduan, Draghiri eskatu zion gobernu teknokrata bat osatzea, 2011n Mario Montirekin gertatu zen bezala.
Zure interesekoa izan daiteke
Irango protestetan "manifestariak hiltzen badituzte" herritarrak "erreskatatuko" dituela ohartarazi du Trumpek
Irango Gobernuak bere programa nuklearra berriro garatzen saiatzen ari dela adierazi du Trumpek azken egunotan, eta balizko bonbardaketekin erantzuteko prest agertu da, ekainean Israelekin egin bezala.
Zazpi pertsona hil dira Iranen, egoera ekonomikoak okerrera egin duela salatzeko deitutako hainbat manifestaziotan
Manifestazioak igandean hasi ziren Teheranen, eta dozenaka hiritara zabaldu dira azken egunotan, besteak beste, Isfahan, Kerman, Kermanshah, Hamadan eta Qom hirietara. Iran krisi ekonomiko larrian dago, urteko % 42ko inflazioarekin.
Txina medikamentuen eta antisorgailuen BEZa kobratzen hasi da, jaiotza-tasa estimulatzeko
Pekinek 30 urte baino gehiagoz indarrean egon den salbuespen fiskal bat ezabatu du krisi demografikoaren erdian.
Gutxienez 40 hildako eta 115 zauritu, gehienak larri, Suitzako Crans Montana eski-estazioan izandako sute batean
"Le Constellation" tabernan ospatzen ari ziren urte berriko festan piztu da sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.
Zohran Mamdanik New Yorkeko alkate kargua hartu du
Alkate demokratak gauerdiaren ostean hartu du kargua, hiriko metro geltoki historiko batean egindako ekitaldi batean. New Yorkeko alkate gisa egin dituen lehen adierazpenetan, "ohorea eta pribilegioa" dela nabarmendu du.
Indarrean da Israelek Gazan jarduten duten 37 GKEri jarritako betoa
Israelek nazioarteko erakunde humanitarioei (Mugarik Gabeko Medikuak eta UNRWA) lizentziak kendu dizkie, eta jarduera etetea eta martxoaren 1a baino lehen Gazatik alde egitea exijitu die, erregistro-prozesu polemiko bat ez osatzeagatik.
Su artifizial liluragarriak mundu osoan 2026 urteari harrera egiteko
Su artifizial ikusgarriz eta musikaz lagunduta, urte berrian abiatu dira Rio de Janeiro, New York, Paris, Berlin edo Dubai bezalako munduko hiriburu handiak.
Zeelanda Berriak ongietorria eman dio 2026 urteari
Ozeaniako herrialde hau izan da 2025ari agur esan eta 2026ari ongietorria eman dion lehenengoetako bat, Aucklanden su artifizialen ikuskizun batekin.