Akordiorik gabe amaitu da Ivan Duqueren eta Greba Batzordearen arteko lehen bilera
Kolonbian, Ivan Duque presidentearen eta Greba Batzordearen arteko lehen bilera akordiorik gabe amaitu da. Beraz, gaur-gaurkoz, eutsi egingo diete apirilaren 28tik hasitako mobilizazioei eta, horrez gain, beste greba egun bat deitu dute asteazkenerako.
Protesten antolatzaile den Greba Batzordearen esanetan, Gobernuak ez du enpatiarik azaldu. Gobernuak, bere aldetik, batzarraren balorazio positiboa egin du.
Lehen bilera errondan hainbat pertsonak parte hartu dute: Gobernuaren aldetik, Ivan Duque presidenteak eta Marta Lucia Ramirez presidenteordeak; Carlos Ruiz NBEk Kolonbian duen ordezkariak, Eliza Katolikoaren ordezkari batek, Miguel Ceballos Kolonbiako Bakerako goi mandatariak, eta Greba Batzordeak. Azken horiek azaldu dutenez, sarraskiak eta poliziaren indarkeria bertan behera uztea eskatu diote Ivan Duque presidenteari eta, akordiorik lortu ez dutenez, lanuzte berriak deitu dituzte biharko.
Greba Batzordetik salatu dutenez, "Gobernuak negoziazio hitza saihestu du eta ez du konpromisoa hartu errepresioa ez errepikatzeko". "Hori gabe, guretzat, ez dago bermerik", gaineratu dute.
Protestak hasi zirenetik gutxienez 47 pertsona hil dira Kolonbian, Tenblores gobernuz kanpoko erakundeak salatu duenez.
Informazioa osatzeko lanean ari gara...
Bi polizia atxilotu dituzte 19 urteko gazte baten heriotzarekin lotuta
Kolonbiako agintariek bi polizia agente atxilotu dituzte astelehen honetan, Ibague hirian izandako manifestazio batean Poliziaren tiroz hil zen gazte baten heriotza tarteko.
Gaztearen amak emandako testigantzaren arabera, gaztea bere etxerantz zihoan tiro bat jaso zuenean.
Bi poliziak "berehala" geratu dira euren eginkizunetatik kanpo.
Zure interesekoa izan daiteke
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-abusurako materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.