Scholz faborito, Alemanian aro berri bat irekiko duten hauteskundeetan
Olaf Scholz sozialdemokrata da faborito datorren irailaren 26ko Alemaniako hauteskundeei begira Armin Laschet kontserbadoreak zuen aldea txikitu eta irauli ostean. Ekologisten gainetik ere badago hautagai sozialdemokrata, baina oraindik ez dago jakiterik zein izango den Merkelen aroaren ostean osatuko den koalizioa.
Europako herrialde jendetsuena eta potentzia ekonomiko handieneko bozak azkenean espero baino estuagoak izan daitezke, ez soilik alderdi irabazleari dagokionez, baizik eta Berlinen Gobernua osatzeko gai izango den aliantzaren kasuan bereziki.
Alemanian, hauteskunde hauen aurretik, azken urteetan koalizio handi moduko bat egon da, sozialdemokratek eta kontserbadoreek osatu dutena, baina zaila dirudi errepikatzea.
Inkestek oraindik % 25-26ko babesa ematen diote SPD Alderdi Sozialdemokratari, Angela Merkelen CDU Batasun Kristaudemokratak eta CSU Batasun Sozialkristauak % 21-22 izango luke, eta Berdeek % 16-17 inguru.
Inkesten emaitzen aldaketak (duela hilabete batzuk Berdeen gorakada iragartzen zuten) presiopean jarri dute Armin Laschet Merkelen oinordekoa, CDU/CSUren hautagaia, eta Scholzi eraso eginez babesa lortu nahian ibili eta SPD Ezkerrarekin lotzen ahalegindu den arren, ez du espero zuen emaitzarik eskuratu.
Scholzi, bestalde, subliminalki Merkelen oinordeko gisa aurkeztea leporatzen diote, agintariaren keinu batzuk errepikatzen saiatu delako. Hori dela eta, kontserbadoreek argi adierazi nahi izan dute ez daudela alderdi berean.
Merkelek berak, 16 urteko agintaldiaren ostean, adierazi du Scholzekin gustura aritu dela lanean, baina desadostasunak dituztela, eta horietako bat dela Ezkerrarekin ez lukeela sekula itunik egingo.
Koalizio posibleak
Ezustekorik ezean, eta handia litzateke, koalizioa beharrezkoa izango da agintera heltzeko. Horregatik, oso garrantzitsuak dira gainerako alderdien datuak.
FDP Alderdi Liberalak % 11-12ko babesa izango omen du, ultraeskuindarrek bezalaxe, eta Ezkerrak % 6-7 ingurukoa.
Hala, posible izango litzateke SPDren, Berdeen eta Ezkerraren arteko koalizioa, zenbakietara mugatuz gero. Sozialdemokratek eta berdeek FDPrekin ere koalizioa osatzeko aukera izango lukete.
AfD ultraeskuindarrak ez dira koalizio posibleen artean sartzen, alderdi guztiek baztertu dutelako horiekin negoziatzea.
CDU/CSUk ere baztertu egin du Ezkerrarekin koalizioa egitea, ondorioz, irtenbide bakarra berdeekin eta liberalekin elkartzea izango litzateke, eta egungo aurreikuspenek posible egiten dute aukera hori.
Beste alternatiba bat CDU/CSU eta SPD alderdiek osatutako koalizio handia izango litzateke, baina orain arte horren aurka agertu dira.
Scholz eta Ezkerra
Scholzek eta Annalena Baerbock hautagai berdeak ez dute Ezkerrarekin koalizioa osatzea erabat baztertu, baina aitortu izan dute adostasunera iristea zaila izango litzatekeela atzerri politikan eta segurtasunean bereziki.
Eskualde mailan bi alderdiek dituzte itunak Ezkerrarekin, baina estatu osora zabaltzea zaila da, Ezkerrak uko egiten baitio NATOri eta Alemaniako soldaduak nazioarteko misioetan egoteari.
Scholz, gainera, SPDko sektore zentristenekoa da, beraz, litekeena da Ezkerrarekin elkartzeko aukerari ere muzin egitea.
Zure interesekoa izan daiteke
Hamas desarmatzen ez bada eta Gazako su-etenaren bigarren fasea desblokeatzen ez badu “ondorioak” izango dituela ohartarazi du Trumpek
AEBko presidenteak dio gai gehienetan adostasuna dagoela Israelekin, Abrahamgo Akordioak zabaltzearen alde dagoela eta ohartarazi du ez duela onartuko Iranek botere militarra berreskuratzea.
Putinen egoitzetako bati eraso egitea leporatu dio Errusiak Ukrainari, eta negoziazioak haustearekin mehatxu egin du
Zelenskik ukatu egin du erasoa egin izana, eta Putinen helburua "Ukrainaren aurkako erasoekin jarraitzeko aitzakia bat izatea" dela ohartarazi du bere sare sozialetan.
Trumpek Netanyahu hartuko du gaur Floridan, Israelek Gazarako duen plana aztergai
Aurten bosgarrenez bilduko dira bi buruzagiak. Aurreko hitzorduetan ez bezala, badirudi oraingo honetan nolabaiteko urruntze bat atzemango dela bien artean. Izan ere, eta hainbat iturriren arabera, ez dute jarrera bera Iranen eta Israelgo tropak Gazatik joatearen inguruan, besteak beste.
NBEko Segurtasun Kontseiluak premiazko bilera egingo du gaur, Israelek Somalilandia aitortu duela eta
Somaliak Tel Aviven aitortza "legez kanpoko erasoa" eta "Nazioarteko Zuzenbidearen aurkakoa" dela salatu du. Bestalde, Somalilandiak azpimarratu duenez, ez ditu Gazatik kanporatutako palestinarrak jasoko.
Trumpek eta Zelenskik aurrerapausoak eman dituzte Ukrainan bakea lortzeko bidean, baina akordiorik ez dute lortu
Floridan izandako bilerak Washingtonen eta Kieven arteko hurbilketa irudikatu du, baita Europako kide nagusiak berriro inplikatzeko asmoa ere. Hala ere, segurtasun-bermeei eta Ukraina ekialdeko lurraldeen egoerari buruzko funtsezko desadostasunak daude oraindik.
Lehen ministro nazionalistak alde handiz irabazi ditu Kosovoko hauteskundeak
Albin Kurtzen 'Autodeterminazioa' alderdiak botoen % 49 lortu ditu, 2021ean baino emaitza hobeak eskuratuz. Gobernua osatzeko enkargua jasoko du, eta otsailean botoen % 42 eskuratu eta gobernua osatzeko gai izan ez bazen ere, oraingoan herrialdea paralisi politikotik ateratzeko gai izan daiteke.
Zelenski eta Trump Floridan bildu dira, bake-planean "zehazteke" dauden gaiak argitzeko asmoz
Ukrainako presidentea itxaropentsu agertu da batzarraren atarian; izan ere, horren esanetan, "gauza asko erabaki daitezke Urteberri eguna heldu baino lehen". Donald Trumpek iragarri du Putinekin telefonoz hitz egin duela: "Oso elkarrizketa ona eta emankorra izan berri dut harekin".
Bi pertsona hil dira euriteen ondorioz Gazan, eta ur azpian geratu dira desplazatu askoren dendak
Bestalde, su-etena berez indarrean dagoen arren, laguntza humanitarioaren %41 bakarrik sartzen uztea leporatu dio Gazako Gobernuak Israeli. AEBra bidean da jada Netanyahu, astelehenean Donald Trumpekin biltzeko.
Hauteslekuak itxi dituzte Birmanian, bost urtean lehen hauteskundeak egin ondoren, gerra betean
Prozesuak hiru fase izango ditu, eta urtarrilaren 25ean izango da azkena. Oposizioak boikotatzeko deia egin du; izan ere, horren arabera, "prozesua ez da askea eta bidezkoa izango".
Israelek Somalilandia Estatu gisa aitortu du, eta erabakiak nazioarteko gaitzespen zabala eragin du
Somaliako eskualde separatistaren subiranotasuna onartu duen NBEko lehen kidea da Israel. Hamasek salatu du Gazako Zerrendatik palestinarrak kanporatu eta eremu horretara bidaltzeko asmoa duela Israelek; ez dute halakorik onartuko, ohartarazi du.