Errusiako banku handien eta oligarken kontrako isunak iragarri ditu Bidenek
Joe Biden Ameriketako Estatu Batuetako presidenteak Errusiaren kontrako zigor "gogorragoak" iragarri ditu eta, besteak beste, herrialde horretako banku handiei eta Kremlinen inguruko oligarkei isunak ezarriko dizkietela aurreratu du.
"Horrek esan nahi du Estatu Batuetan dauzkaten aktiboak izoztuta geratuko direla. Errusiak finantzatzeko duen ahalmena murriztuko dugu", azpimarratu du.
Errusiako tropak Ukrainan indarrez sartu ostean, Biden mendebaldeko herrialde aliatuetako buruzagiekin harremanetan izan da, baita Volodimir Zelenski presidente ukrainarrarekin ere, eta horren ondotik agerraldia egin du Etxe Zurian.
Altxorraren Departamentuak zehaztu duenez, VTB, Sberbank, Otkritie eta Sovcombank dira isunak jasoko dituzten banku errusiarrak.
Halaber, goi-mailako teknologia Errusiara esportatzeari utziko diote eta Vladimir Putinen inguruko elite oligarkikoari isunak ezarriko dizkiete, tartean dira Alexander Vedyakhin Sberbank bankuko zuzendariaren ondokoa eta Andrey Puchkov eta Yuriy Soloviev VTB bankuko goi-karguak.
Bestalde, Bidenek adierazi du Putinen benetako asmoa "Sobiet Batasuna berrantolatzea" eta "anbizio hori munduaren kontra" doala erantsi du.
"Putin da erasotzailea, Putinek erabaki du gerra hastea eta orain berak eta bere herrialdeak sufrituko dituzte ondorioak", ohartarazi du.
Horrez gain, Errusiak "nazioarteko zuzenbidea urratu" duela esan du eta horren aurrean erantzutea ezinbestekoa dela nabarmendu du. Ildo horretan, Ameriketako Estatu Batuak, Europar Batasuna eta NATO bat eginda daudela iradoki du.
Eremu militarrari dagokionez, Estatu Batuek Ukrainara tropa gehiago bidaliko dituela eta "NATOren lurraldearen zentimetro guztiak" defendatuko dituela agindu ud.
Hala ere, "gure tropek ez dute borrokarik egingo Ukrainan; gure aliatuak babestera doaz", zehaztu du.
Ondoren, Pentagonoak zehaztu du 7.000 soldadu estatubatuar bidaliko dituztela Alemaniara, NATO indartzeko asmoz.
Albiste gehiago mundua
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.