Sturgeonek independentzia erreferenduma "legezkoa" izango dela agindu du, nahiz eta Londresek ez onartu
Datorren urteko independentzia erreferenduma "legezkoa" izango dela agindu du Nicola Sturgeon Eskoziako ministro nagusiak, nahiz eta Westminsterren oniritzia ez izan.
Eskoziako Alderdi Nazionaleko (SNP) buruzagiaren ahotan, herri galdeketa aurrera eramateko, "mandatu demokratiko ukaezina" jaso zuten azken hauteskundeetan.
Horrela, Gobernuak erreferenduma deitzeko legitimotasuna duela azpimarratu du agintariak, eta legezkoa izango dela, nahiz eta Londresek ez onartu.
"Bidea egin behar dugu, beharrezkoa baldin bada 30. Sekzioaren baimenik gabe", esan du. 2014an, Londresek mekanismo hori erabili zuen, Holyrood Eskoziako Parlamentuari kontsulta arautzeko boterea emateko.
"30. Sekzioaren baimena negoziatzeko prest nago, orain demokrata bat izatea erabakitzen baldin badu", adierazi du Sturgeonek, Boris Johnson Erresuma Batuko lehen ministroari erreferentzia eginez.
"Hala ere, 30. Sekzio barik aurrera jarraitzeko legezko bide bat ezarriko dut, beharrezkoa baldin bada. Erresuma Batuko Gobernuak ez ditu demokrazia eta Zuzenbidezko Estatua errespetatzen", nabarmendu du.
Zentzu horretan, Sturgeonek aurreratu duenez, "laster" prozesu guztiaren eguneratze "esanguratsua" aurkeztuko du Holyrooden. Oraingoz aholku fasean dagoela zehaztu du Eskoziako buruzagiak.
Sturgeonen hitzetan, Johnsonek "ez du autoritate demokratikorik Eskozian, ezta gehiengo moralik inon ere". Gogorarazi duenez, Brexitak Europar Batasunetik eta merkatu bakarretik atera zituen borondatez kontra, merkataritzan, bizi-mailan eta zerbitzu publikoetan kalte handiak eraginez.
"Independentziaz eztabaidatzeko ordua da (…) Eskozia 2014an baino prestatuago dago", defendatu du Sturgeonek. Patrick Harvie Berdeen buruzagiak ministro nagusia lagundu du agerraldian. "Etorkizun ezberdin bat irudikatzeko" unea dela azaldu du Harviek, erronka globalei "eskuak lotuta" aurre egitera beharturik daudelako, Westminsterrek erabakiak hartzen dituen bitartean.
Downing Streetek, ostera, "beste erreferendum baten inguruan hitz egiteko momentua ez da", erantzun du. Horrela, "erronka globalei" aurre egiteko bi gobernuek "batera lan egitea", espero du Erresuma Batuko Exekutiboak. Besteak beste, bizitzaren kostua eta Ukrainako gerra aipatu ditu Londresek.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.