Italiako kostazainek 1.400 migratzaile baino gehiago erreskatatu dituzte azken orduetan
Italiako kostazainek 1.400 migratzaile baino gehiago erreskatatu dituzte azken orduetan Italiako uretan. Itsas salbamendurako operazio handia zabaldu dute, ehunka pertsona zeramatzaten hiru ontzi handik hondoratzeko arriskua zutelako.
Ontzietako baten zihoazen 500 migratzaile inguru 'Diciotti' salbamendurako ontzian eraman dituzte kostaldera. Bigarren ontzian zeuden 379 pertsona kostazainetako bi patruilari ontzietan eraman dituzte.
Horrekin batera, egoera txarrean eta hondoratze arriskuan ere zegoen arrantza-ontzi batean zihoazen 500 migratzaile baino gehiago erreskatatu ditu Italiako Itsas Guardiak Calabriako kostaldetik gertu.
'Rai'k jakitera eman duenez, Crotoneko Portu Agintaritzaren hiru patruilarik lagunduta, Crotoneko portura iritsi da migratzaileen ontzia 00:30ak aldera, tokiko orduan, eta Isola di Capo Rizzutoko harrera-zentroan daude migratzaileak dagoeneko.
'La Repubblica' kazetaren arabera, Libiatik ustez irtendako migratzaileen ontzia ostiral gauean atzeman zuen Frontexeko hegazkin batek. Alarm Phone GKEak hainbat bidaiarirekin hitz egin zuen, eta Twitter bidez zabaldu zuen: "Italiako Bilaketa eta Erreskate zonaldetik deitu digute, eta dagozkien agintariei jakinarazi diegu. Ezin dugu denbora gehiago galdu eta berehala lagundu behar diegu".
Aurreko hondoratzearen 74. biktima
Bestalde, otsailaren 26an Italiako hegoaldean izandako hondoratzearen 74. biktimaren hilotza aurkitu dute larunbat honetan Steccato di Cutroko kostalde parean: 5 urte inguruko neskato bat. Hortaz, 74 dira hondoratze horretan hildako migratzaile, eta horietako 30 adingabe ziren.
Hondoratze horien biktimetako gorpuak aurkitzen jarraitzen dute Italiako agintariek. Ontzian 200 migratzaile inguru zihoazen, gehienak Afganistanetik, Iranetik, Pakistanetik eta Siriatik etorritakoak. 80 bat bizirik atera ziren, eta 74ren gorpuak aurkitu dituzte, beraz, desagertu anitzen bila dabiltza oraindik ere.
Albiste gehiago mundua
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.
Frantziako hegoaldean piztutako suteak jadanik "ez du aurrera egiten", baina oraindik ez dago kontrolpean
Corbieres mendigunean asteartean piztutako sutea 1949. urtetik Frantziako Estatuan izan den handiena da, 16.000 hektarea baino gehiago kiskali baititu. Christian Pouget Aude departamenduko prefetak ohartarazi du oraindik ikusteke dagoela hektarea horietatik zenbat diren nekazal lursailak. "Uste dugu 900 hektarea inguru direla", esan du, lehen estimazio batean.
Arabiar Emirerri Batuek bi buruzagien arteko bilera hartzea proposatu dio Putinek Trumpi
Bestalde, Errusiako presidentea prest agertu da Zelenskirekin batzartzeko. "Askotan esan dut ez dudala ezer kontra", adierazi du Putinek, baina gaineratu du "baldintza batzuk" sortu behar direla bilera hori egiteko, eta, bere ustez, hori betetzetik "urrun" daude.
Netanyahuk Gaza osorik bereganatu eta milioi bat palestinar inguru lekualdatu nahi ditu bost hilabetean
Israelgo lehen ministroak Segurtasun kabinetea bilduko du gaur arratsaldean, Gaza erabat okupatzeko duen asmoaz jarduteko, eta Jerusalem egunkariak dagoeneko xehetu du bileran aztertuko duten proposamenetako bat.
Trumpen muga-zerga berriak indarrean sartuta, hauspotu egin da gerra komertziala
Gaurtik, oro har, % 15eko muga-zergak ezarriko dira Estatu Batuen merkataritza-bazkide gehienen produktuen gainean, tartean, Europar Batasunekoen gainean.
Putin eta Trump datozen egunetan bilduko dira, Kremlinen arabera
AEBko presidenteak, bestalde, esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.
Sute ikaragarri batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.