BBCren presidenteak dimisioa eman du Boris Johnsoni mailegu bat lortzen lagundu ziola argitaratu ostean
Richard Sharp BBCko presidenteak dimisioa eman du gaur, txosten independente batek Boris Johnson Erresuma Batuko lehen ministroari mailegu bat lortzen lagundu ziola azalarazi eta gero. Txostenaren arabera, Sharpek kargu publikoak izendatzeko kodea urratu zuen, ez baitzuen balizko interes gatazka horren berri eman Johnsonek kargurako proposatu zuenean.
Ohar baten bidez azaldu duenez, "korporazioak egiten duen lan onari kalte egin diezaiolakoan, katearen interesak lehenestea erabaki dut".
Sharp Johnsonen aholkulari izan zen da buruzagi kontserbadorea Londresko alkate izan zen garaian, eta Goldman Sachs banketxeko zuzendaritzan egon zen urte luzez. 2021eko otsailean izendatu zuten BBCko buru. Urtarriletik susmopean zegoen, The Sunday Times astekariak zabaldutako informazioa tarteko. Horren arabera, Johnsoni 800.000 liberako (900.000 euro) mailegu bat lortzen lagundu zion, baina ez zuen jakinarazi.
Salaketa horren ostean, auzia ikertzeari ekin zion kargu publikoak izendatzeko erakundeak, eta txosten independentea egiteko eskatu Adam Heppinstall abokatuari. Gaur kaleratu duen txostenak ondorioztatu duenez, Gobernuaren kodea urratu zuen interes gatazka horren berri ez emateagatik.
Gertakariak 2020. urtearen amaieran jazo ziren, Sharp Ekonomia Ministerioan aholkulari zenean. Bankari ohiak Simon Case funtzionarioen burua eta Kanadako milioidun bat jarri zituen harremanetan Johnsonek behar zuen mailegu bati buruz hitz egin zezaten.
The Sunday Timesek albistea atera zuenean, Parlamentuko batzorde batean agerraldia egin behar izan zuen Sharpek. Orduan esan zuenez, aholkularitza hura "oharkabean" pasatu zitzaion Johnsonek kargurako proposatu zuenean.
Honakoa ez da izan BBCko presidenteak bere agintaldian (2025era arte egon behar zuen) izan duen polemika bakarra. Martxoan ere kolokan egon zen Gary Lineker aurkezle izarra kaleratu ostean.
Albiste gehiago mundua
EBk Errusiaren "probokazioei erantzungo” diela agindu du, hegazkin militarrak Estonian eta Polonian sartu ostean
Poloniak eta Errumaniak antzerako gertakariak salatu zituzten duela egun batzuk. Europar Batzordeak Errusiaren aurkako zigor sorta berria aurkeztu duen egunean gertatu dira.
Israelek "aurrekaririk gabeko indarra" erabiliko du Gaza hiriaren aurkako erasoaldian
2023ko urriaren 7az geroztik, 65.100 palestinar baino gehiago hil ditu Israelek Gazako Zerrendan burututako erasoaldietan, agintari gazatarren arabera.
Nor da Jimmy Kimmel eta zein dira bere programa bertan behera utzi ondorengo polemikaren gakoak?
Umorista ezagunaren "Jimmy Kimmel Live!" saioa bertan behera utzi izanak areagotu egin du adierazpen-askatasunari eta zentsurari buruzko eztabaida Ameriketako Estatu Batuetan.
Kritikatzen duten kanalei emisio baimenak kentzeko mehatxua egin du Trumpek
"Nonbait irakurri dut kanalak % 97an daudela nire aurka, % 97an negatiboa. Eta, hala ere, erraz irabazi nuen zazpi estatu giltzarrietan (presidentzialetan). % 97 nire aurka badaude, publizitate txarra ematen didate eta lizentzia bat baino ez dute, baimena kendu beharko lieketela esango nuke", esan du Air Force One hegazkinean.
ABCn Jimmy Kimmelen programa bertan behera uztea eragin zuen bakarrizketa
Komiko estatubatuarrak zuzenean kritikatu zuen Etxe Zuriak Charlie Kirken hilketaren aurrean izandako erreakzioa, eta Trumpen adierazpenak erakutsi zituen. Horrek Etxe Zuriaren haserrea eragin zuen.
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.