Bi hildako eta beste bi zauritu Stockholmen, arma automatikoekin izandako tiroketa batean
Bi pertsona hil dira eta beste bi zauritu dira tiroz Stockholmeko (Suedia) Farsta auzoan, tokiko Poliziak zabaldutako informazioen arabera.
Biktimak 15 urteko bi mutil dira, eta zaurituak 45 urteko gizon bat eta 65 urteko emakume bat dira, 'Aftonbladet' egunkari suediarrak jakinarazi duenez. Erasoaren ustezko erantzule diren bi susmagarri atxilotu dituzte, Polizia haiei segika ibili ostean.
Osasun-langileek hainbat pertsona artatu dituzte eta segurtasun-indarrek dispositibo handia jarri dute Suediako hiriburuaren hegoaldean.
Lehenengo abisua 18:13an jaso du Poliziak, eta, atzetik, beste batzuk, arma automatikoekin tiroketa bat izan dela esanez. Iritsi diren lehen agenteek bi pertsona aurkitu dituzte zaurituta, metro geltoki baterako sarbidearen ondoan. Herritarrak ari ziren haiek artatzen, Towe Hägg Poliziaren bozeramaileak azaldu duenez.
Beste bi zauritu topatu dituzte handik gertu, bata eliza baten ondoan eta bestea inguruko kale batean. Zaurituetako bat tokian bertan hil da eta beste hirurak ospitalera eraman dituzte, Häggek azaldu duenez.
Bi susmagarri atxilotu ditu Poliziak E4 errepidean, hegoalderantz ordubetez autoz jarraika ibili ostean. Jazarpenean poliziaren 20 bat autok parte hartu dute. Bi susmagarriek 20 urte inguru dituzte, eta ibilgailuan arma automatikoak aurkitu dizkiete.
Albiste gehiago mundua
Hainbat multinazionalek etekina lortzen dute Israel Gazan eta Zisjordanian aurrera eramaten ari den "genozidio ekonomiarekin"
Francesca Albanese Palestinarako errelatoreak egindako txostenaren arabera, Israelen genozidioarekin "mozkinak" lortzen dituzte Blackrock, Vanguard, IBM, Microsoft, Amazon, Google, Palantir Caterpillar, Hyundai, Volvo, Glencore, Drummond, BP eta Chevronek, besteak beste.
Trumpek Musk deserriratzeko mehatxua egin du, nahiz eta Hegoafrikako handi-mandiak AEBko herritartasuna izan
"Aztertuko dut", esan du AEBko presidenteak, deportazioaren inguruan zuzenean galdetu diotenean, kazetariekin izandako bilera labur batean. Ordu batzuk lehentxeago, dirulaguntzarik gabe "Elonek denda itxi eta Hegoafrikara itzuli beharko luke", adierazi du Trumpek sare sozialetan.
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.