Benjamin Netanyahuk "gerra kudeatzeko gobernua" osatu du Beny Gantz Defentsa ministro ohiarekin
Benjamin Netanyahu Israelgo lehen ministroak Beny Gantz oposizioko kidearekin, Defentsa ministro ohiarekin eta Armadako Estatu Nagusiko buruzagi ohiarekin, batera larrialdiko gobernu bat eratuko duela iragarri du gaur, Gazako milizia palestinarren aurkako gerrari aurre egiteko.
Gantz, Gideon Saar Justizia ministro ohiarekin, Gadi Eisenkot Armadako Estatu Nagusiko buruzagi ohiarekin eta beste bi diputaturekin batera, Gobernuaren segurtasun eta politika kabinetean sartuko dira, gerrak irauten duen bitartean. Bostak Gantz buru duen Unitate Nazionala zentro-eskuineko alderdiko kideak dira.
Netanyahu, Gantz eta Yoav Gallant Defentsa ministroak osatuko dute "gerra kudeatzeko kabinetea". Eisenkotek eta Ron Dermer Gai Estrategikoetako ministroak kabineteko behatzaile gisa jardungo dute.
Gainera, "gerra kudeatzeko kabinetean" Yair Lapidentzat lekua gordeko dute, Gantzekin batera oposizioko kiderik indartsuena baita Parlamentuan.
Hala ere, Lapid sartzeko negoziazioak oraindik ez dira amaitu, eta tokiko hedabideek azaldu dutenez, Netanyahuren koalizioko kide ultraeskuindarrekin desadostasunak daudelako.
Azkenik, hitzarmenak ezartzen duenez, gerrak irauten duen bitartean, ezin izango da lege-proiekturik bultzatu, ezta gobernu-erabakirik hartu ere, miliziekiko gatazkari lotuta ez badaude.
Gantz Netanyahuren gobernukide izan zen iraganean ere, baina bi agintarien arteko ika-mikek eta Netanyahuk txandakatze-akordioa betetzeari uko egiteak koalizioa hautsi zuten.
Ordutik, Gantz oposizioan mantendu da, eta askotan uko egin dio gobernuan sartzeari.
Netanyahuren gobernuak bultzatutako erreforma judizialak eragindako polemikaren erdian, Gantz da ia inkesta guztietan herritarren babes handiena jasotzen duen politikaria.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.