Gutxienez 18 hildako eta 13 zauritu, Mainen izandako tiroketa masiboan
Ameriketako Estatu Batuetan gutxienez 18 pertsona hil dira eta 13 zauritu Maine estatuko Lewiston hirian, asteazken arratsaldean izandako tiroketan. Janet Mills Maineko gobernadoreak gaur egin duen agerraldian baieztatu ditu datuok. Hasiera batean, hainbat hedabidek hildakoak 22 izan direla zabaldu dute.
Hiriko bolatoki eta taberna batean izan zen erasoa atzo, han 18:56 zirenean (22:56 GTM). Tiro egin ondoren, ustezko erasotzaileak ihes egin zuen. Ehunka polizia ari dira haren bila. Zazpi pertsona bolatokian hil ziren, zortzi jatetxean eta beste hiru ospitalean.
John Alexander Maineko ospitale nagusiko buruak prentsaurreko batean adierazi duenez, ospitaleratuta jarraitzen duten zortzi zaurituetatik hiru egoera kritikoan daude.
Ustezko erasotzailea 40 urteko gizonezko bat da. "Armatuta" dagoela eta "arriskutsua" dela zabaldu dute agintariek, eta "babesean" egoteko eskatu zaie herritarrei. Eskolak bertan behera utzi dituzte.
Aurtengo 565. tiroketa masiboa da Ameriketako Estatu Batuetan, eta heriotza gehien eragin dituena urtea hasi denetik.
Albiste gehiago mundua
Albiste izango da: Trumpen plana Gazarako, Bernedoko udalekuak eta BBVA-Sabadell eskaintza publikoa
Orainek gaur landuko dituen albiste nagusien laburpena.
Nazioarteko babes zabala eman diote Trumpek Gazarako duen planari
Proposamena, Hamasen errendizioa eta bi Estatuen konponbiderako bidea irekitzea aurreikusten duena, ondo hartu dute Palestinako Aginte Nazionalak eta hainbat herrialde arabiarrek, tartean Egiptok eta Qatarrek. Europan, Espainian, Frantzian, Italian eta Erresuma Batuan, gatazka desblokeatzeko aukera gisa hartu dute ekimena.
Trumpen plana Gazan bakea lortzeko: bahituak askatzea, Hamasen armagabetzea eta okupazioari uko egitea
Hamas talde islamistak bere iritzia eman behar du oraindik, eta Israelgo lehen ministroak adierazi duenez, onartzen ez badu, "Israelek bere lana amaituko du".
:eitb-banner?$eitb-banner$&fmt=webp-alpha&qlt=80)
Netanyahuk bat egin du Trumpek Gazarako duen planarekin, baina Hamasek onartzen ez badu "Israelek bere lana amaituko" duela gaineratu du
Netanyahuren hitzetan, Trump "Israelek Etxe Zurian inoiz izan duen lagunik handiena da", eta azpimarratu du Washingtonen planak bat egiten duela Gobernuak enklabearen aurkako erasoaldiari amaiera emateko ezarri zituen bost printzipioekin.
:eitb-banner?$eitb-banner$&fmt=webp-alpha&qlt=80)
Trumpek Etxe Zurian hartu du Netanyahu, eta Gazan bakea lortzeko konfiantza agertu du: "Ziur nago"
Ameriketako Estatu Batuetako presidenteak aurreratu du Ekialde Hurbilean akordio berri bat lortzetik gertu dagoela, Gaza eta Zisjordaniarako plan batekin.
Irakeko gerrako beterano batek lau pertsona tiroz hil ditu Michiganeko eliza batean
Mezatan ehunka pertsona zeudela, soldadu ohiak tenpluaren kontra egin zuen, kotxez, eta tiroz hasi zen. Gero, su eman zion eraikinari. Poliziak tirokatzailea hil du, eta erasoa "indarkeria selektiboko ekintza" gisa ikertzen ari da.
Moldaviako gobernua nagusitu egin zaio bloke errusiazaleari, eta bakarrik gobernatu ahal izango du
Herrialdeak funtsezko garaipena lortu du, Europar Batasunean sartzeko prozesuan dagoela. Errusiaren aldeko oposizioak manifestazioa antolatu du gaur hiriburuan.
:eitb-banner?$eitb-banner$&fmt=webp-alpha&qlt=80)
Hildako bat eta bederatzi zauritu dira Michiganeko eliza batean izandako tiroketa batean
Hildako bat eta bederatzi zauritu dira Grand Blanceko eliza batean (Michigan), tiroketa baten ondorioz, eta sutea izan da elizan bertan. Tirogilea hil dute jada.
Atzera egin eta bonbardaketak gelditzeko eskatu dio Hamasek Israeli, Gazan dauden bi bahitu askatu ahal izateko
66.000 pertsona baino gehiago hil ditu jada Israelek Gazan, hondakinen artean jarraitzen duten milaka gorpuak kontuan hartu gabe. Erreskatistek salatu dute Israelgo Armadak ez diela euren lana egiten uzten.
4 lagun hil eta 70etik gora zauritu ditu Errusiako Armadak Ukrainan, aspaldian airetik egindako eraso luze eta gogorrenean
"Eraso basatiak, nahita eragindako izua, hiri arrunten aurka zuzendua: ia 500 drone eta 40 misil baino gehiago, Kinzhal misilak barne", salatu du Zelenskik sare sozialetan.