Israelek Gazaren aurkako erasoekin jarraitzen du, eta 46 lagun hil ditu azken orduetan
Gazako Zerrendako osasun agintariek ostiral honetan jakitera eman dutenez, dagoeneko 35.903 pertsona hil eta 80.420 zauritu dira urriaren 7ko Hamasen erasoei erantzuteko Israelgo Armadak Zerrendaren aurka abiatutako erasoaldi bortitzaren ondorioz.
Datu horiek aldakorrak dira gainera; izan ere, Zerrendako Osasun Ministerioak berriro gogorarazi du ehunka biktima daudela oraindik hondakin artean eta gorpu asko daudela bazterretan, ezinezko zaielako larrialdietako taldeei horiek jasotzea, Israelgo tropek ezarritako blokeoengatik.
Biktimen azken eguneratzearen arabera, 46 pertsona hil eta 103 zauritu ditu Israelek erasoetan azken 24 orduetan. Era berean, bost familia palestinarren kontra egindako sarraskia salatu dute.
Bitartean, Israelek dio ez dela zibilen kontra ari, "terroristen" aurka baizik, eta, Indar Armatuen 98. Dibisioak jakinarazi duenez, azken orduetan "dozenaka terrorista" hil ditu Jabalia eskualdean, Gazako Zerrendaren iparraldean.
Hegoaldean, Rafah hirian, soldadu israeldarren aurka tiro egin zuen "komando terrorista bat desagerrarazi" dutela adierazi dute. Erasoaren inguruak miatu dituzte Hamas "erakunde terroristaren" armamentua eta azpiegiturak bilatzeko, eta taldearen babeslekuak aurkitu eta suntsitu dituztela esan dute, armamentu eta lehergai ugarirekin batera.
Rafahren aurkako erasoaldia maiatzaren 6an abiatu zen, Hamasek Egiptok eta Qatarrek aurkeztutako akordio-proposamen bat onartu eta biharamunean, Israelgo agintariek ez baitzuten ontzat eman akordio hori.
Israelgo operazio militarrek aukera eman zioten Armadari maiatzaren 7an mugako pasabidearen alde palestinarra kontrolatzeko, eta laguntza humanitarioaren sarrera blokeatu zuen. Erabaki horrek alarmak pitzarazi zituen nazioartean, Gazako krisi humanitarioa areagotzeko beldur.
Ostiralean, Nazioarteko Justizia Auzitegiak Gazako operazio militarrak berehala eteteko agindu zion Israeli, Armada ez baitu gai ikusten palestinarren segurtasuna bermatzeko, ezta azken erasoaldiak behartuta euren etxetik alde egin behar izan duten ehunka mila desplazatuen segurtasuna bermatzeko ere.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.