Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Everest mendia, Sagarmatha Parke Nazionaletik, Nepalen. Artxiboko argazkia: EFE
Mendiko erreskate faltsuak gauzatzen zituen sare bat desegin dute Nepalen, tokiko Poliziak burututako ikerketa bati esker. Nazioarteko aseguru-etxeei egindako iruzurren bidez 20 milioi dolar inguru desbideratu dituzte gaizkileek, ospitaleak eta agentzia turistikoak barne hartzen dituen sare batean.
Sarearekin lotuta 32 gaizkile identifikatu dituzte jada, eta agerian utzi dute mendizaleei iruzur egiten saiatzen zirela, beharrezkoak ez ziren ebakuazio medikoen bidez.
Agintariek faltsututako 171 erreskate baieztatu dituzte, 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Pasaporteak iruzurrezko fakturak egiteko erabili zituzten, kasu batzuetan pertsonako 4.500 dolarretik gorakoak. Adibidez, dokumentatutako espedienteetako bat, G.A.L. gisa identifikatutako turista espainiar bati dagokio, eta 1.945 dolar erreklamatu zizkioten ospitaleko gastuetan eta 6.200 dolar helikopteroz eramateagatik.
Sareak txosten medikoak faltsutu eta erreskateen kostua manipulatzen zituen. Nepalgo poliziaren arabera, inplikatuek hainbat taktika erabiltzen zituzten, hala nola mendizaleak konbentzitzea altuerako gaitza simulatzeko edo sintoma fisikoak eragiteko substantziak emanez edo ur gehiegi eskainiz. Ekintza horiei esker, ebakuazioak aktibatzen ziren, eta gero benetako larrialdi gisa fakturatzen ziren.
Iruzurra fakturazio-fasean maximizatzen zen: taldeka egindako hegaldiak banaka kobratzen zitzaizkion aseguru-etxe bakoitzari, zerbitzu esklusiboa balitz bezala. Horrela, 4.000 dolarreko benetako kostua zuen erreskate bat 12.000 dolarreraino biderkatu zitekeen. Gainera, inplikatutako ospitaleek % 25erainoko komisioak ordaindu zizkieten agentzia laguntzaileei, eta medikuen sinadura digitalekin txostenak egin zituzten, pazienteak inoiz artatu gabe.
Agintariek faltsututako 171 erreskate baieztatu dituzte, 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea. Horrek eragina izan dezake turismoan Asiako inguru horretan.
Zure interesekoa izan daiteke
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.
Albiste izango da: "Artemis II" ilargi-bidaia, NAN digitala mugikorrean eta Balmasedako prozesioa
Orain-eko albisteen laburpena, minutu batean.
AEB Iranen dituen helburuak betetzetik gertu dagoela ziurtatu du Trumpek, eta eraso gehiago iragarri ditu
AEBko presidenteak aste gutxi barru aurreikusten du gerraren amaiera, eta Ormuzko itsasartea "modu naturalean" irekiko dela dio. Bien bitartean, Teheranek ukatu egin du su-etena eskatu izana.
"Artemis II" aireratu da Ilargira bidean
NASAko tripulazioa Lurreko orbitan erabat sartu da, eta 10 eguneko bidaiari ekin dio. Gorabehera txikiak izan dira jaurtiketan, baina konpondu dituzte.
Iranek ukatu egin du su-etena proposatu duenik eta Trumpen adierazpenak "faltsuak" direla esan du
Trumpek sare sozialetan iragarri du Iranek su-etena eskatu duela eta eskaera aintzat har dezakeela Ormuzeko itsasartea irekitzea ahalbidetzen badu.
Hainbat hildako eta zauritu Israelek Beiruten egindako eraso olde baten ondorioz
Duela hilabete inguru Israel eraso gogorrak egiten hasi zen Libanon, airez ez ezik, baita lurrez ere. Orotara, 1.200 pertsona baino gehiago hil ditu bertan Israelgo armadak, eta 3.700, zauritu. Gainera, milioi bat lagunek utzi behar izan dute euren etxea.