Iranek "gehiegizko eskakizunak" egitea leporatu dio AEBri

Washingtonen eta Teheranen arteko negoziazioen lehen fasea aurrerapauso erabakigarririk gabe amaitu da, Islamabaden 21 orduz hitz egiten aritu ondoren. Bi aldeek amaitutzat eman dute lehen harreman ziklo hau, ia mende erdian garrantzitsuena izan dena, baina espero zen adostasunik lortu gabe.

AEBk eskaera mugiezinari eusten dio: Iranen konpromiso argia, egiaztagarria eta epe luzerakoa arma nuklearrak ez garatzeko, baita horiek lortzea erraztu lezaketen tresnen gaineko murrizketak ere.

 Iranek gogor erantzun du, eta Washingtoni "gehiegizko eskakizunak eta legez kanpoko eskaerak" egitea leporatu dio. Teheranek azpimarratu du ez diela bere eskubideei uko egingo, eta ituna lortzeko, ezinbestekoa dela zigor guztiak kentzea.

AEBren Indar Armatuek jakinarazi dute bi ontzi destruktore bidali dituztela Ormuzera, itsasartea "pixkanaka bere onera itzul dadin".

AEBko presidente Donald Trumpek adierazi duenez, "hasi dira dagoeneko ingurua garbitzen", bere herrialdea Iranekin negoziatzen ari den bitartean. 

Bake elkarrizketak hasi eta batera batu dira lehen ministroarekin, nor bere aldetik.

Ekialde Hurbileko gatazka armatuari amaiera emateko bake-elkarrizketak hasi dira Islamabaden, Iranen eta AEBren artean. Duela sei aste hasi zen gatazka.

Gutxienez hamar pertsona hil dira larunbat honetan Libano hegoaldean, Israelgo Armadak egindako bonbardaketetan. Hala, Israelek eraso armatuekin jarraitu du Iranen eta AEBren arteko elkarrizketen artean.

AEB eta Iran Pakistanen bilduko dira larunbat honetan, gatazka armatua amaitu eta Ormuzko itsasartean egoera berrezartzeko helburuarekin, su-etenaren irismenari buruzko zalantzen artean.

Teheranek adierazi du edozein akordio iraunkorretan finantza zigorren amaiera eta Libanoko gerraren amaiera jaso behar direla.

Iranek gaur aderazi du AEBk bere interesei lehentasuna ematen badie Islamabaden abiatuko dituzten bake elkarrizketetan, "litekeena" dela "bi aldeentzat eta mundu osoarentzat onuragarria" izango den akordio bat lortzea.

"'America first'en ordezkariekin negoziatzen badugu Islamabaden, litekeena da bi aldeentzat eta mundu osoarentzat onuragarria izango den akordio bat lortzea", idatzi du Mohamad Reza Aref Irango lehen presidenteordeak X sare sozialean, Pakistanen negoziazioei ekin aurretik.

Arefek gehitu du, hala ere, "'Lehenik Israel'en ordezkariak" badituzte aurrean, ez dela akordiorik egongo: "Iranek, nahitaez, bere burua defendatzen jarraituko du, are irmotasun handiagoarekin, eta kostu handiagoa izango da munduarentzat".

Joseph Aoun Libanoko presidenteak iragarri du asteartean, apirilaren 14an, hasiko direla Israelekin su-etena adosteko negoziazioak, Washingtonen. Bezperan, Benjamin Netanyahu Israelgo lehen ministroak esan zuen bake elkarrizketak abiatzeko agindua emaan zuela, nahiz eta berretsi ez zuela su-etenik nahi, azken eraso oldean 1.900 pertsona baino gehiago hil ostean.

Larunbat honetan Islamabaden hasiko diren elkarrizketa zuzenak "une erabakigarria" izango dira AEbren eta Iranen arteko bake itun iraunkorra lortzeko, bitartekari lanak egingo dituen Pakistango lehen ministro Shehbaz Sharifen arabera.

Agintariarentzat berebiziko garrantzia izango dute elkarrizketek gerrari amaiera emateko eta Ekialde Hurbilean bakea ezartzeko akordioak adosteko.

"Behin behineko su-etena iragarri da, baina orain fase garrantzitsuago baten aurrean gaude: su-eten iraukorra lortzea eta arazo korapilatsuenak negoziazioaren bitartez konpontzea", gaineratu du agintari pakistandarrak.

Islamabadeko negoziazioetan parte hartuko dute, Iranen partetik, Mohammad Bagher Qalibaf Parlamentuko presidenteak eta Abas Araqchi Atzerri ministroak, besteak beste, eta jada bertan dira AEBren ordezkaritzaren zain.

JD Vance AEBko presidenteaordea ere laster da bertara iristekoa, eta berekin joango dira Steve Witkoff bidali berezia eta Jared Kushner aholkularia, Pentagonoko beste agintari batzuekin batera.

"Minutu bakar batean, Israelgo Armadak gutxienez Hizbulako 180 terrorista akatu ditu, aldi berean, hiru gune desberdinetan", esan dute Israelgo indar armatuek. Horrela, su-etena indarrean sartu deneko lehen eguneko biktimak ez lirateke izango alderdi xiiko kide, Israelek berak egindako kalkuluen arabera.

Gainera, kopurua ez dator bat Israel Katz Defentsa ministroak atzo emandako zenbakiarekin. 200etik gora aipatu zuen.

1.900 pertsona baino gehiago hil dira Libanon martxoaren 2tik, Israelek bonbardaketa kanpaina berri bat eta hegoaldeko okupazioa abiatu zituenetik.

JD Vance Ameriketako Estatu Batuetako presidenteordeak uste du Irango gerrari bukaera jartzeko bake negoziazioak "positibkoak" izango direla. "Negoziaketa hasteko gogo handia daukagu", esna du Pakistanera abiatu aurretik.

Wall Street Journal egunkariak zabaldutako informazioaren arabera, ordezkaritza irandarra ostiral honetan iritsi da Islamabad hirira. Dena den, Iranek Pakistanen duen enbaxadak ez du informazio hori baieztatu. 

Iranen eta AEBren arteko bake elkarrizketak larunbat honetan astekoak dira Islamabad hirian, Pakistanen bitartekaritzarekin, eta talde negoziatzaile estatubatuarra bidean da. JD Vance AEBko presidenteordeak, Steve Witkoff Ekialde Hurbilerako AEBren bidali bereziak eta Jared Kushner Donald Trumpen suhiak osatuko dute. 

Mojtaba Khamenei aiatolak azpimarratu duenez, Iranek ez du gerra bilatu, baina ez du bere eskubideetan amore emango. Irango lider gorenak bere bozeramailearen bitartez bidali du mezua IRIB Irango telebista publikora eta Tasnim albiste agentziara. 

Pakistanen ia dena prest dute AEBko eta Irango ordezkariak hartzeko. Aurreikuspenen arabera, AEBk eta Iranek bake negoziazioak abiatuko dituzte larunbat honetan Islamabad hirian, Pakistan bitartekari dela. Hala ere, Irango iturriek ohartarazi dute Israelek Libanoko erasoak eten ezean ez dela negoziazio mahaian eseriko.