Bi espainiarrek desagertuta jarraitzen dutela baieztatu du Atzerri Ministerioak.
Nepalek 903 hildako eta 4.247 desagertu zenbatu ditu joan den asteazkenean Nepalgo iparraldeko eta erdialdeko zonalde bat suntsitu zuen uholde suntsitzailearen ondorioz, Hondamendi Arriskua Murrizteko eta Kudeatzeko Agintaritza Nazionalaren (NDRRMA) azken txostenaren arabera.
Nepalgo agintariek zabaldutako azken balantzearen arabera 788 pertsona hil dira asteazkeneko uholdeetan. Horiei Tibeten hildako 16ak gehituz gero, dagoeneko 804 dira.
Gainera, 3.048 pertsonak desagertuta jarraitzen dute: 2.502k Nepalen eta 546k Tibeten.
Leon XIV.a aita santuak Nepal eta Tibet gogoan izan ditu gaurko mezan, eta bi herrialde horiei laguntzera animatu ditu "guztiak". Gainera, hildakoen, zaurituen, desagertuen, eta bilaketa lanetan ari direnen alde otoitz egiteko esktau du.
Nepalgo eta Tibeteko agintariek zabaldutako azken balantzearen arabera, gutxienez 768 pertsona hil ziren asteazkeneko uholde larrietan eta desagertutako pertsonak, berriz, 3.000 baino gehiago dira.
3.000 desagertu horietatik 2.502 inguru Nepalen falta dira.
Tibeten, berriz, gutxienez 16 pertsona hil eta 564 desagertu dira.
Olatz Urkia EITBren Asiako korrespontsala Nepalgo hondamendiaren zero gunera iritsi da, Bidurrera, lokatz eta arroka geruza handi batez estalitako hirira. Bertan jarri dute erreskate gunea, eta bertan ari dira pilatzen desagertuen senideak, informazio bila.
Hasiera batean Nepalgo agintariek desagertutako hiru espainiarretako bi aurkitu dituztela berri eman badute ere, gerora Espainiako Atzerri Ministerioak baieztatu du hirutik bik desagertuta jarraitzen dutela.
Nepalen erreskate taldeek erlojuaren kontra lanean jarraitzen dute. Larunbat honetan, 60 orduz harrapatuta egon den 6 urteko neska bat erreskatatu dute larrialdi zerbitzuek.
Nepalgo agintariek atzerriko laguntza tekniko eskatu dute tuneletan harrapatuta egon daitezkeen langileak erreskatatzeko eta hildakoei DNA probak egiteko, besteak beste. Gainera, Nepalgo Finantza ministroaren arabera, 4.000 eta 5.000 milioi dolar artean beharko dira berreraikuntzarako.
Nepalgo Armadak eta Poliziak erreskate operazioak areagotu ditu larunbat honetan, asteazkeneko hondamendiaz geroztik proiektu hidroelektrikoetan inkomunikatuta jarraitzen duten 933 langilerengana iristeko.
Erreskate taldeek lanean jarraitzen duten bitartean, hildakoen gorpuak pilatzen ari dira Nepalgo gorputegietan. Gainezka eginda daude eta horregatik hildakoak lurperatzen hasi dira, gerora identifikatzeko balioko duten DNA laginak hartu ondoren.
Infekzio eta epidemia arriskua tarteko, gaur bertan hasiko dira gorpuak hobiratzen.
Nepalen eta Tibeten arteko mugan aste honetan izandako uholdeen ondorioz, gutxienez 626 pertsona hil eta 2.426 desagertu dira Nepalen bakarrik, bertako agintariek egindako azken balantzearen arabera. Tibeten hildakoak eta desagertutakoak gehituz gero, dagoeneko 633 hildako eta 2.980 desagertu zenbatu dituzte.
Erreskate lanek jarraitzen dute, ia erlojuaren kontra eta uholde berri baten beldurrez, Nepalen eta Tibeteko eskualde autonomoaren (Txina) arteko mugan.
Asteazkenean izandako uholdearen balantzea honakoa da: 584 hildako eta 2.500 desagertu.
Txinak erreskate-lanei ekin die berriro ostiral honetan, uholdeen ostean lohiak eta harkaitzek osatutako presa natural batek gainezka egin ostean aldi baterako bertan behera utzi ostean. Hala ere, agintariek arreta eskatu dute.
Bien bitartean, Nepalek formalki eskatu die Indiari eta Txinari 42 zubi eramangarri entregatzeko eta instalatzeko, gehien kaltetutako eremuetan lurreko trafikoa berriro irekitzeko eta uholdeen ondorioz inkomunikatuta geratu diren pertsonen joan-etorriak bermatu ahal izateko.
Nepalgo Turismo Batzordeak bere azken boletinean azaldu duenez, desagertutako hiru espainiarretako bat aurkitu dute, xehetasun gehiagorik eman gabe. Bien bitartean, beste bi espainiarrek desagertuta jarraitzen dute.
Asteazkenean herrialdea astindu zuen uholde bortitzetik hiru egunera, Nepalgo agintariek 1.924ra igo dute ostiral honetan desagertuta dauden pertsonen kopurua; duela ordu batzuk emandako kopurua bikoiztu egin da, 977tan baitzuten desagertuen balantzea.
Europar Batasunak bi milioi eurora handitu du Nepali emanteko larrialdi laguntza.
Larrialdiko finantzaketak kaltetutako erkidegoen berehalako beharrei erantzuteko balioko du, hala nola osasun arretari, elikadurari, edateko urari eta saneamenduari, Europako Batzordeak ohar batean azaldu duenez.
Europar Batasuneko Exekutiboak zehaztu duenez, Batasunak finantzatutako bazkide humanitarioak "tokian bertan daude jada laguntza ematen, babeserako materiala eta premia biziko artikuluak banatuz".
Nepalgo Gobernuak "desagertutako edo kontakturik gabeko turista" gisa sailkatutako 600 pertsona baino gehiagoren identitateen zerrenda argitaratu du ostiral honetan. Atzerritarren nahiz , Nepaldik kanpo bizi diren nepaldarrenak. Zerrendaren arabera, 35 nazionalitatetako desagertuak daude. Horien artean nazionalitate espainiarreko hiru lagun daude.
Nepalek 553era igo du Bhote Koshi ibaiaren arroan izandako uholde suntsitzailearen ondorioz hildakoen kopurua, eta salbamendu taldeek artean desagertuta jarraitzen duten 937 lagunen bila jarraitzen dute etenik gabe.
Bestalde, Txinak bostera igo du ostiral honetan Tibeteko Gyirong konderrian uhaldiaren ondorioz hildakoen kopurua, eta 558 pertsonakoa da desagertuen zerrenda.
Nepalek konfirmatu ditu 538 gorpu aurkitu dituztela Bhote Koshi ibaiaren arroan erregistratutako uholde suntsitzailearen ondorioz, eta salbamendu taldeek 937 pertsona bilatzen jarraitzen dute.
Hondamendi Arriskua Murrizteko eta Kudeatzeko Agintaritza Nazionalak (NDRRMA) datu hori baieztatu du azken buletinean, eta zehaztu du hildako gehien Chitwan barrutian izan zirela, bertan izan baitira 221 hildako, ibaiaren beheko arroan.
Nepalgo agintariek ibaiertzetatik eta arrisku guneetatik urruntzeko eskatu diete herritarrei, Tibeteko mugan harrien eta hondakinen pilaketagatik sortutako laku berri bat hausteko arriskua baita. Txinako aldean, urak gainezka egiten hasi da, eta agintariek bertan behera utzi dituzte zenbait tokitako erreskate-lanak.
Laku artifizialak bi milioi metro kubiko ur inguru ditu, eta datozen egunetan hiru milioira irits daiteke. Abisuak Bhote Koshi ibaiaren beheko aldeei eragiten die bereziki, aste honetan uholdeek ehunka lagun hil baitituzte mugaren bi aldeetan. Hala ere, aditu nepaldarrek uste dute, oraingoz, arriskua asteazkeneko uholdeena baino txikiagoa dela.
Nepalgo agintariek egindako azken balantzearen arabera, iparraldea astindu duen uholdeak ia 500 hildako eta 1.500 zauritu utzi ditu jada, eta ehunka desagerturen bila jarraitzen dute erreskate taldeek.
Europar Batasunak milioi bat euro mobilizatu ditu Nepalen uholdeek eragindako larrialdiari erantzuteko, Hadja Lahbib EBko Krisi Kudeaketarako komisarioak ostegun honetan iragarri duenez.
Sare sozialetan zabaldutako mezuan Lahbibek ziurtatu du Europar Batasuna eurekin dagoela eta horregatik milioi bat euro mobilizatu dituela "elikagaiak, ura, osasun arreta eta aterpea" bermatzeko.
Nepalgo agintariek egindako azken balantzearen arabera, gutxienez 359 pertsona hil dira uholdeengatik herrialde horretan hildakoak. Gainera, gutxienez 910 pertsona desagertuta daude. Pekinek, bere aldetik, hiru hildako eta 558 desagerturen berri eman du. Hori dela eta, gutxienez 362 dira hildakoak bi herrialdeetan, eta, desagertuak, 1.468.
Txinak, Indiak, Hego Koreak, Erresuma Batuak, Europar Batasunak, Ameriketako Estatu Batuek, Gurutze Gorriak eta Ilargi Gorriaren Nazioarteko Federazioak, Nazio Batuen Erakundeak, Osasunaren Mundu Erakundeak, Munduko Bankuak eta Mugarik Gabeko Medikuek, besteak beste, dirua eta laguntza-materiala bidaltzeko ekimenak jarri dituzte abian. Bidaltzen ari diren materialen artean daude aldi baterako babeslekuak, mantak, higiene-kitak, lanparak eta sendagaiak. Hainbat herrialdek, halaber, langileak bidaltzea eskaini dute erreskate- eta laguntza-lanetan aritzeko.
Uholdeek Nepalen harrapatu dute Eñaut Izagirre glaziologo euskalduna, eta Euskadi Irratiko Faktoria saioan azaldu duenez, hipotesi nagusia da glaziar baten hausturak sortu dituela uholdeak. Hain zuzen ere, Tibetekin mugan dagoen Langtang mendiaren ipar aurpegiko glaziarraren haustura. “Izotz eta arrokaz osatutako masa handi bat askatu, eta aurretik arroka eta sedimentu ugari eraman ditu. Horiek mila metro beheragoko aranondo batera iritsiko ziren, lohiak, sedimentuak eta ura barreiatuz. Aran nagusira heldutakoan, blokeo moduko bat sortuko zen seguruenik, eta ura pilatu ahala, bat-bateko eztanda baten ondorioz, pilatutako guztia askatu eta aranean behera etorriko zen, Nepal aldera, izugarrizko uholdeak sortuz”, azaldu du Izagirrek.
Nepaletik datorren ibai batek Tibeteko beste batekin bat egiten duen lekuan sortu da aintzira, eta agintarien kalkuluen arabera, hurrengo hiru egunetan beste hiru milioi metro kubiko ur jaso litzake. Bat-batean apurtu eta ur deskarga gertatzeko arriskua dela eta, Txinak toki seguruetara eraman ditu mehatxupean dauden hainbat herritako biztanleak.
Lohi-jausiak magnitude ertaineko lurrikara baten pareko seinale sismikoa sortu zuen.
Osasunaren Mundu Erakundeak lehen laguntza-sorta bat bidali du. Horren barruan, kaltetutako eremuetan osasun-zerbitzuak ematea ahalbidetuko duten kanpin-dendak daude.
Hildakoen kopuruak gora egiten jarraitzen du. Azken informazioen arabera, 300 gorpu baino gehiago topatu dituzte egiten ari diren erreskate lanetan.
Nepalgo agintariek jakinarazi dute 270 hil direla eta 1.384 desagertuta daudela. Falta diren pertsonen artean 517 atzerritar daude.
180 pertsona hil dira eta 1.384 desagertuta daude, agintariek jakinarazi dutenez. Nepalgo Turismo Batzordeak ziurtatu duenez, falta diren pertsonen artean 466 atzerritar daude.
Jose Manuel Albares Kanpo Arazoetako, Europar Batasuneko eta Lankidetzako ministroak jakinarazi duenez, gutxienez lau espainiar daude lokalizatu gabe.
Gutxienez 177 pertsona hil dira eta 800 baino gehiago desagertuta daude bat-bateko uholde batek Tibeteko mugatik gertu (Txina) hainbat herri jo ostean, agintariek baieztatu dutenez.
Uholdeak
Jose Manuel Albares Kanpo Arazoetako, Europar Batasuneko eta Lankidetzako ministroak jakinarazi duenez, gutxienez lau espainiar daude lokalizatu gabe.
