Vianako Printzearen Saria 'ondraturik' jaso du Ignacio Arangurenek
Ignacio Aranguren Gallues Villoslada Institutuaren antzerki tailerreko sortzaile eta zuzendariak Vianako Printzearen Saria jaso du gaur. Aranguren “oso ondraturik” agertu da eta saria Nafarroako antzerki mundu guztiarekin partekatu nahi izan du “bihotzez”.
Hala, Nafarroako antzerkia goraipatu nahi izan du Arangurenek, “profesionala zein ez profesionala, gehiegitan zeharbide arriskutsuetan egindakoa delako, baina beti atseginez eta askatasunean”.
Era berean, saria irakasleekin partitu nahi izan du, “eskolak amaitzen dituzten bakoitzean txalorik jasotzen ez dutelako, bakarrik txirrina jotzen die”.
Olite jauregian, aurrenekoz
Uxue Barkos Nafarroako presidenteak eman dio Arangureni saria. Ekitaldia lehen aldiz Oliteko Jauregian egin dute, Vianako lehen printzearen egoitzan. Carlos de Trastamara eta Evreux bertan bizi ziren. Bere garaian Europako gaztelu luxuzkoena zen.
Espainiako errege-erreginak ez dute sari-banaketan parte hartu, Nafarroako Gobernuak gonbidatu ez dituelako.
Arangurenek “publiko kritiko bat eratzen” lagundu duela goraipatu du Barkosek. “Arte dramatikoarenganako zaletasuna erein” duela erantsi du. Presidentearen ahotan, “kulturako sustapenaren paradigma da”.
Vianako Printzeak lehen aldiz antzerkia saritu duela nabarmendu du presidenteak. “Antzerkia agertokian jartzen du, nahiz eta zailtasunak izan Nafarroako antzerkiaren profesionalak apustu sendoa egiten ari direlako, baita amateurrak ere, eta publiko eta gizarte bezala eskertzen dizuegu, bizi ahal izateko antzerkia behar dugulako”, azpimarratu du agintariak.
Albiste gehiago kultura
Urteko lehen seihilekoan 11.000 ekitaldi kultural inguru egon dira Euskadin, iaz baino gehiago
Bizkaiak izan zuen jarduera kultural handiena (%45,5), ondoren Gipuzkoak (%38,9) eta azkenik Arabak (%15,6).
Fermin Muguruzak iluntzean Irunen eskainiko duen kontzerturako gida
Artista polifazetikoak bere auzoan joko du, Urdanibia plazan, hamarkada bat baino gehiagoren ondotik, eta jendetza espero denez, Udalak mapa bat osatu du, informazio praktikoa biltzen duena.
'Karmele' Asier Altunaren film berriaren trailerra, esklusiban
Karmele Asier Altuna zuzendariaren (Amama, Aupa Etxebeste!, Agur, Etxebeste) film luzea urriaren 10ean estreinatuko da. EITBren parte-hartzea duen filma Donostiako Zinemaldian ikusiko da lehenago, nolanahi den, Sail Ofizialaren barruan baina lehiatik kanpo, proiekzio berezi batean. Fikziozko filma Elkarrekin esnatzeko ordua Kirmen Uriberen eleberrian oinarrituta dago, Jone Laspiur eta Eneko Sagardoy ditu protagonista eta Nagore Aranburu eta Javier Barandiaran daude antzeztaldean.
Donostiako Jazzaldiak "arrakasta handiarekin" eta "sasoi betean" itxi du bere 60. edizioa
Miguel Martinen azken edizioa izan da, zuzendari gisa, baina Donostiako jaialdiaren "zerbitzura" lanean jarraituko du. Martinek ordainpeko 17 kontzertutan harmailak lepo bete direla nabarmendu du, eta gainerakoetan ia beteta egon direla. Doako 52 kontzertuek 158.700 pertsona batu dituzte, eta ordainpekoek, berriz, 20.480.
Mississippi Queen & The Wet Dogs bilbotarrek hasiera eman diote Bilbao Blues Festival jaialdiari
Igandera arte, Bilbo bluesaren munduko hiriburua izango da, eta bertan ez da legendarik eta ezustekorik faltako. Ostiral honetan Mississippi Queen & The Wet Dogs, The Kings of Blues eta Blackburn Brothers taldeen txanda izan da.
Portugaleteko "Munduko dantzak" jaialdia
Folklore jaialdia zuzenean.
Jamie Cullumek ireki du aurtengo Jazzaldia kontzertu "intimo" batekin, Kursaalean
Abeslari britainiarra ia ohiko bihurtu da Jazzaldian, eta aurtengoa bere bosgarren aldia da. Hau ez da Jamie Cullumek eskainiko duen kontzertu bakarra izango, izan ere, Zurriolako hondartzan doako kontzertu bat eskainiko du, bere hitzetan "festa bat" izango dena.
Portugaleteko "Munduko dantzak" jaialdia
Folklore jaialdia zuzenean.
Portugaleteko "Munduko dantzak" jaialdia
Folklore jaialdia zuzenean.
Portugaleteko "Munduko Dantzak" Jaialdia
Folklore jaialdia zuzenean.