AA! Generator, ezkatak, robotak… AA!
Bartzelonan bildu ziren. Montjuicen zein Pompeu I Fabra Unibertsitatean. Bildu ziren zinemagileak, komikigileak. Bildu ziren filosofoak eta zibernetikan zein informatikan adituak. Arrimatu ziren Big/Meta Dataren sekretu ia guztiak menderatzen/gobernatzen dituztenak.
Bildu ziren harridurak eta lilurak hartutako ikusleak. Bildu ziren hizkuntzalariak eta zinema kritikariak. Bildu ziren ekoizleak eta zinema banatzaileak. Bildu ziren filmen kalitatea epaitzen duten jujeak ere.
Bildu ziren Bartzelonan, Primavera Sound musika jaialdia bukatu berri eta Sonar musika festibala hastear zirela. Bildu ziren artean alkaterik ez zuen hiriburuan. Bildu ziren bertako rockero amorratu batzuk Gasteizerako bidean zirela, hantxe baitzuten juntazioa, hantxe izango baitzen Azkena Rock jaialdia.
Bildu ziren aipatu guztiak eta gehiago eta +Rain festibalari ekin zioten.
+ Rain??? Bai, Europan egiten den lehenbiziko zinema bilera non pelikulak Adimen Artifizialak e(ra)ginak diren; Europako lehena eta munduko bigarrena, duela gutxi izan baita +Rain New Yorkekoa.
+RAIN… Research (on) Artificial Intelligence Narratibak… Adimen Artifizialaren Narratiben inguruko Ikerketa…
Dena da aztergai Adimen Artifizialaren Multibertsoan. Eta ia dena aztertu zen hitzaldi, mintzaldi, mintegi eta pantaila Bartzelonakoetan. Dena, hiztegia bera. Ez baita (omen) egokia sortu hitza erabiltzea. AAk ez baitu (oraindik) ezer sortzen eragin/generatu/ garatu baizik.
Pelikulak izan ziren. Eskutada polita, izan ere. Eta film horiek eskura, begietara dituzue +Rain-en babeslea den Filmin plataforman.
Adi ibili, datorren astelehenean (hilaren 26an) desagertuko dira zuen etxe barruko pantaila horietatik, baina bitartean, hor dira. Prezio onean, euro bat baino pixka bat gutxiago irudiaren eta soinuaren kontzeptu bera aldatuko duen teknologiak eraginiko/generaturiko/garaturiko filmak/pelikulak (auskalo zein izen erabili beharko dugun hemendik aurrera) ikusteagatik.
9 film. Gehi izan ziren eztabaida guztien filmaketa. 9 film. Haien artean, jakina, saritutakoak.
Sari nagusia: Of Youth, Leivaren, Viva Sueciaren, Dvicio & Tabureteren, Diego Martin & Leireren bideoklipak sortu izan dituen Fran Gasek eginda.
Orihuelan jaiotako ofizio handiko eta ibilbide luzeko autore gazte honek musika esperimentalaren munduan ere dihardu. Hala, Of Youth horretako soinu bandan aurrera eramaten ari den Lavenzza egitasmoaren entsegu bat da.
Momentuz, gaur arte bederen, pantailaratuko diren Adimen Artifizialak generaturiko pelikula guztiek badituzte erro sakonak ohiko, usadiozko zineman. Franek egindakoak, kasu, Jack Arnolden Creature of Black Lagoon edo Guillermo del Tororen La forma del agua dakarzkigu burura, begietara, bihotzera bertan baitira urpetan bizi omen diren izaki ezkatatsuak, gure amets/amesgaiztoko munstro maitatu horiek…
Hala ere, izuzko zinemaz harago doa Of Youth; gizakiok zeharkatzen ditugun edade guztien gaineko hausnarketa bilakatzen da lau minutuko kontakizun hau. Zuri-beltzean filmatua. Garratza da, mindua da.
Ikustean, erreparatu bukaerako tituluei bertan ematen delako erabilitako AAren tresneria guztiaren berri.
Titulu horiei begira, zera ikasiko dugu, aditutako ahots kasik apokaliptikoa "Play.Hi-AI" entzumenenezko lanabesaren bitartez garatu da. Ikasi, Stable Diffusion eta Midjourney ikasketa automatikoen erreminta bi direla, labur honen irudiak generatu/garatu/eragin izan dituztenak ere.
Kredituetan zera ere aurkituko dugu, estreinako +Rain jaialdiaren sari nagusia eskuratu zuen filmaren irudiak Stable Diffusion eta Midjourney horiek non bilatu dituzten: Pexels, Pixabay eta archive.org hondorik gabeko artxiboetan, hain zuzen ere.
Milioika, milioika, milioika irudi eta bideo daude bertan…. Copyright-ez libre? Hala diote, baina hortxe, AAren munduan oraindik erantzunik ez duen galdera mila horietako bat aurkituko duzue, egiletzaren auzi ezinbestekoa, alegia
Hor duzue, zuen etxe barruko pantailetan, multibertso berri baten atarian sortzen diren duda guztiak, ilusio guztiak, beldur guztiak. Ikasteko, ikusteko, dastatzeko asko duzue astelehen arte. Prezio onean, 0,95 film eta mintzadi bakoitzeko. Kreditu tituluak, barne.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.