Koonsek 'inoiz baino dotoreago' erakutsiko du bere lana, Guggenheimen
Jeff Koons arte garaikidearen sortzaile gailenetako baten lana ikusgai jarriko du 2015eko ekainaren 9tik irailaren 27ra arte Guggenheim Bilbao Museoak. Estilo bereziko artistaren proposamen heterodoxoaren bilakaera kronologikoki antolatuta ikusi ahalko da bertan.
New Yorkeko Whitney Museum of American Artek, Parisko Centre Pompidourekin eta Guggenheim Bilbao Museoarekin lankidetzan antolatu dute erakusketa.
Koonsek gaur, erakusketaren aurkezpenean, azaldu duenez, Guggenheimen paratutako bilduma “ikaragarria” da, eta, bere esanetan, “nire lan batzuk sekula ez dira Bilbon erakusten diren bezain dotore ikusi”.
Artistaren arabera, “arteari buruzko elkarrizketa” planteatzen du lanetan, “barne bizitzari eta kanpoko munduari buruzkoa”, eta, horretarako, “begirada intuitiboa erabiltzen du, testuingurua xurgatu, hausnarketa egin eta gai interesgarrietan aurrera egiteko”.
Koons erreferentzia artistikoei buruz ere mintzatu da solasaldian: Salvador Dali (18 urte zituela ezagutu zuen), barrokoa, rokokoa… Egun, “dena” du inspirazio iturri, eta edozein lanbidetan egin daitekeen gauza bakarra “nork bere interesei jarraitzea” dela esan du.
Estatubatuar artista “sano pozik” agertu da bere lanek jaso duten babesarekin eta jendeak haien aurrean erakutsi duen gogo irekiarekin, eta bere ustez artelana “behatzaileak” bukatzen duela esan die kazetariei. Halaber, bere eskulturek merkatuan duten balioari garrantzia kendu dio, eta artearen munduan ordainsaria dirua ez dela esan du: “Saria oso gauza ezberdina da”.
Arte garaikidearen erreferente garbia
Jeff Koonsek lan berezi eta berritzailea garatu du azken lau hamarkadetan, eta arte garaikidearen erreferente nagusietako bat bilakatu du horrek. Ezusteko proposamenez betetzen ditu erakusketak eta harridura eragiten du bai kritikarien bai publikoaren artean.
Museoko arduradunek azaldu dutenez, “Jeff Koonsen lanak publikoarentzat ulerterrazak eta ezaguterrazak izan ohi dira, gaur egungo beste artelan batzuk ez bezala. Artearen historiako iturri askotatik edaten dute, hala nola surrealismotik, pop artetik eta dadaismotik".
Erakusketari proiektu didaktikoak lagunduko dio, ohi bezala, Koonsen lana hobeto ulertzeko, eta artista bera Bilbon izango da, ekainaren 9an obrari eta atzera begirako erakusketari buruz hitz egiteko.
Zure interesekoa izan daiteke
"Vivre Sa Vie. Georges Dambier eta Moda" erakusketa, Cristobal Balenciaga museoan
Georges Dambier argazkilariaren 77 irudik osatzen dute erakusketa. Ikuspegi aitzindaria izan zuen Dambierrek 50eko hamarkadan: modeloak kalera atera zituen, eta estudioko argazkien konbentzio zurrunak apurtu zituen. Erakusketa bihartik abenduaren 13ra arte egongo da ikusgai Cristobal Balenciaga museon, Getarian.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Goyaren lanak, Donostian eta Gasteizen
Francisco de Goyaren estanpak ikusgai daude bi erakusketatan, Donostiako San Telmo Museoan eta Arte Ederren Arabako Museoan.
"Carne y arena" instalazioa «azalean sentitzen» den obra gisa definitu du Gonzalez Iñarrituk
Zinegilea Bilbon izan da, ekainera arte EITBren egoitzan bisitagai izango den errealitate birtualeko bere instalazioa aurkezteko. Esperientzia horretan, Mexiko eta AEBren arteko muga zeharkatzen duten migratzaileek bizi dutenaren zati bat sentitzen dute ikusleek.
BBK Artearen Ibilbideak animaliak ditu protagonista aurten, eta Bizkaiko 30 udalerritara iritsiko da
Arte Ederren Bilboko Museoaren bildumako 38 artelanen erreprodukzioak bildu dira, hainbat paneletan. Erakusketan, artista, garai eta teknika desberdinetako aleak daude: margolanak, grabatuak, kartelak, arte aplikatuak... Maiatzaren 11n (Bilbo) hasi, eta abenduaren 9an (Durango) amaituko da, Bizkaiko 30 herritatik igaro ondoren.
Ibone Bengoetxea: "Venezian, zer izan nahi dugun ere erakutsi nahi dugu"
Euskal arteak Veneziako Biennalen presentzia egonkorragoa izateko lanean aritu da egun hauetan Eusko Jaurlaritza Italian, "I Baschi alla Biennale 1976/2026" proiektua garatzen. 2028tik aurrera Euskadik bienal horretan presentzia propioa izatea da helburua, Kultura sailburuak azaldu duenez.
Euskal artistek aldarrikapen politikoa eta mintzaira abangoardista uztartu zituzten Venezian 1976an
Beñat Sarasola eta Leire Vergara adituek 1976an euskal ahotsa Veneziako Bienalera eraman zuen artsita taldearen lanaz hitz egin dute, Veneziatik bertatik.
Euskal ordezkaritza Veneziako Bienalean da
Ibone Bengoetxea Eusko Jaurlaritzako Kultura sailburua buru dela, "I Baschi alla Biennale 1976/2026" ekimenak programa instituzional, akademiko eta artistikoa garatuko du Italiako hirian. Duela 50 urte, frankismoste betean euskal artea topagune horretara eraman zuten artistak izango dituzte gogoan.
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.