Iñaki Martinez bilbotarra, Nadal sariko finalista
Bihar, asteartea, goizaldean, Nadal literatura sariak banatuko dituzte, hirurogeita hamaikagarrenez, Bartzelonako Palace hotelean.
Heldu diren 335 lan argitaragabeetatik, sei eleberri finalista aukeratu dituzte, eta horien artean dago “Tanger. La ciudad de mentira” Iñaki Martinezen lana.
Martinez bilbotar abokatu eta idazlea Guatemalan jaio zen, 1956an, eta Euskadiren ordezkari izan zen, Kolonbia, Venezuela eta Erdialdeko Amerikan. Gainera, iaz “Arresti” eleberria (Hiria argitaletxea) atera zuen, “euskal historia garaikidearen hainbat txatal eleberri formatuan erakutsiko dituen trilogia baten” lehen zatia.
Martinez panamar emakume baten eta alemaniarren aurka Euskal Brigadan borrokatu zen Ortuellako gizon baten semea da. Euskal Iraultzarako Alderdia (EIA) eta Euskadiko Ezkerra sortzen lan egin zuen, eta 1980an Erdialdeko Amerikara joan zen. Han, FMLN gerrillarekin lan egin zuen, nazioarteko harremanen arloan.
Martinezekin batera, beste bost egile dira sarirako -18.000 euro eta lanaren edizioa- hautagai: Tomás Arranz, Miguel Sandín, Alejandro Morellón, Lili Q. de Gavroche (izenordea) eta Sancho Saldaña (izenordea).
Sariaren 70 urteko historian, izen handiko idazleek irabazi dute: Ramiro Pinilla, Jose María Mendiola, Carmen Laforet, Miguel Delibes, Ana María Matute, Francisco Umbral, Fernando Arrabal, Juan Jose Millás…
Albiste gehiago literatura
EHUk Gabriel Arestiren pentsamenduaren gaurkotasuna aldarrikatu du
EHUko 35 ikasle-irakaslek gaur egundik begiratu diote duela mende erdi zendutako bilbotar idazlearen obrari eta pentsamenduari, "Gabriel Arestik ereindakoak 1975-2025" liburuan.
"Esteban Urkiaga, Lauaxeta. Poesia, artea, ideologia" liburua argitaratu du Jon Kortazarrek
Bizkaitar irakasle eta ikertzaileak bi atal nabarmendu ditu Pamiela etxeak argitaratu duen lanean. Lehenengoan, Lauaxetaren poesia artearekin eta ideologiarekin lotzen du, eta bigarrenean gizarteak Lauaxetaren bizitzaz eta lanaz egin duen harrera aztertu du. Bizkaitar idazlea fusilatu zuten eguneko 88. urtemugan aurkeztu dute lana. (Musika, "Azken oyua" Antton Valverdek musikatuta)
400 lagunek Bizenta Mogelen "Ipui onak" irakurriko dute ostegunean, Arriagan
Emakume batek argitaratu zuen euskarazko lehen liburua aukeratu dute Bilbo Zaharra euskaltegikoek Klasikoen Irakurketa Etenik Gabearen XVIII. ediziorako. Nerea Ibarzabal markinar idazle eta bertsolariak abiatuko du saioa, 08:00etan.
Jabier Kalzakortak Bilboko Liburu Azokako Urrezko Luma jaso du
Markinar irakasle, ikertzaile, euskaltzain eta idazleak jaso du Bilboko literatura hitzorduaren garaikurra. Herri literaturan aditu handia da Kalzakorta.
Jabier Kalzakorta: ''Neska harrigarri argia zen Bizenta Mogel''
Markinar euskaltzain, irakasle eta ikertzaileak Bizenta Mogelen argitasuna azpimarratu du.
Bizenta Mogel, "zigor zaurigarriaren beldur" izan ez zen idazlea
Ekainaren 5ean, "Ipuin onak" Bizenta Mogelen liburua irakurriko dute Arriaga antzokian, Klasikoen XVIII. Irakurketa Jarraituan. Euskaraz idatzi zuen lehen emakumetzat hartu izan da Bizenta, Joan Antonio Mogel "Peru Abarka"ren egilearen iloba.
Miren Agur Meabe, Dolores Redondo eta Mircea Cartarescu, Bilboko Liburu Azokako zilarrezko lumen irabazle
Maiatzaren 30etik ekainaren 8ra egingo da Areatzan 55. Bilboko Liburu Azoka. Hurrengo egunetan sari gehiago banatuko dira, besteak beste, Urrezko Luma eta Kutxabank Atea sariak.
Ngugi Wa Thiong'o kenyar idazlea zendu da
Thiong'ok kikuyu hizkuntzan idazten zuen eta Nobel sarirako hautagai izan zen sarritan; 87 urteko idazlearen hainbat lan daude euskaratuta, "Gerra garaiko ametsak" lan autobiografikoa, berbarako.
Esteban Urkiaga 'Lauaxeta' omendu dute haren jaiotzaren 120. urteurrenean
Bizkaiko Foru Aldundiak ekitaldi bat egin du gaur Laukizen, "Bide barrijak" eta "Arrats beran" sortu zituen poetaren jaiotzaren urteurrena ospatzeko.
Literaturak eskaintzen duen ihesbidea ospatuko du Literaturiak
Maiatzaren 23tik 25era egingo dute Literaturia Zarautzen, aurten 'Ihes' lelopean. Liburu azoka, liburu aurkezpenak, elkarrizketak, eta musika, antzerki eta bertso emanaldiak bildu dituzte programan.