Zerbitzutik kendu dituzte 'De Miguel' auzian inputatutako bi ertzainak
Eusko Jaurlaritzako Herrizaingo Sailak zerbitzutik kanpo utzi ditu ''De Miguel'' auzian inputatutako bi ertzainak.&' || 'nbsp; Arabako bizitza politikoko eta gizarteko pertsona ezagunak zelatatzea eta eskuratutako informazioarekin EAJrentzat txostenak egitea leporatu die epaileak bi agenteei.
Zabaldutako informazioen arabera, Arabako enpresaburuei eta politikariei buruz ertzainek egin omen dituzten txostenak Aitor Telleriaren esku aurkitu dituzte. Telleria Araba Buru Batzarreko buruzagi ohia da eta ''De Miguel'' ustezko ustelkeria kasuan inputatu ondoren dimisioa aurkeztu zuen.
Herrizaingo Sailak barne ikerketa bat abiatu duela iragarri du, beharrezkoa bada kautelazko neurrika hartzeko asmoz.
Inputatutako bi agenteei eguerdian jakinarazi diete Erandioko ertzain-etxean egindako bilera batean Arabako Informazio Taldea utzi egin behar dutela eta dagoeneko zerbitzutik kanpo daudela. Ertzainei jakinarazi ondoren, erabakia publiko egin du Aresen Sailak.
Halaber, barne diziplinazko espedientea ireki die auzian izan duten erantzukizuna argitzeko eta beharrezkoa bada kautelazko neurriak hartzeko.
Bestalde, Arabako Foru Aldundiak auzian pertsonatzeko egindako eskaera aintzat hartu du epaileak, Diputazioa "aktore zibil kalteduna" dela ondorioztatuta. Alfredo de Miguel Herri Administrazioko diputatu ohia ustezko iruzur auzi batean auzipetuta dago, beste hamaika lagunekin batera.
Haatik, epaileak ez du aintzat hartu Jaurlaritzak Arabako Parke Teknologikoaren bidez auzian pertsonatzeko egindako eskaera, "forma akatsak" izan direla iritzita.
Xabier Agirre ahaldun arabarrak, 13:30ean hitz egingo du auziaren inguruan.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.