Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Abadiñoko 2026 Topagunearen inaugurazio ekitaldia. Argazkia: Ernai
Ostegun eguerdian hasi da Abadiñoko Txanporta plazan egin duten ekitaldiarekin, aurtengo Gazte Topagunea. Eguraldi txarrari aurre eginez, jendetza elkartu da Abadiñon eta hurrengo orduetan milaka lagun iristea espero dute, Aberri Egunaren bezperan antolatu ohi den ekimenean parte hartzeko asmoz.
Festa eta aldarrikapena uztartzen dituen topaketak igandera arte iraungo du, eta hainbat tailer, mahai-inguru eta kontzertu izango dira. Feminismoa eta olatu erreakzionarioaren aurkako estrategiak izango dituzte, besteak beste, aztergai.
Inaugurazio ekitaldian, Ernaiko kideek eskerrak eman dizkiete "hilabeteetan lanean aritu diren gazteei zein Abadiñoko bizilagunei, emandako laguntzagatik".
Datozen lau egunetan "Euskal Herrian ditugun erronken inguruan hausnartzeko tartea" izango dutela esan dute, baita "gazte bezala, askapen prozesuan dugun paperaren inguruan hitz egiteko parada ere".
Amaiur Egurrola Ernaiko bozeramaileak azpimarratu du gazte independentisten topaguneak leku segurua izan behar duela, eta eraso matxisten eta arrazisten aurkako protokolo bana daudela martxan gogorarazi du. "Gozatzera etorri gara eta ez badakizu egoten, ez zara ongietorria", aldarrikatu du, eta ondoren, hurrengo egunetan disfrutatu eta ondo pasatzeko deia egin du.
Kontzertuen agenda:
APIRILAK 2
- Nafarroa 1512
- Maruxak
- Perlata
- Ezpalak
- Skabidean
- Etxepe
- Anuk eta Elene
- Pary & Klariona
- Dj Bull
APIRILAK 3
- Kiliki
- Tapia eta Leturia
- Fitoskinak
- Belako
- Cumbiako egarriak
- Odei
- Bassajaun Sound System
- Bengo
- Hofe
- Siwanaba B2b La Fulana
- DJ Bull
APIRILAK 4
- Pantxoa eta Peio
- Gozategi
- Sua
- Txama
- Arene 6
- BKTS
- Streetwise
- Xaukena Xauk
- Kuku & Kene
- Berakatz
- Dj Reimy
Gazte Topaguneak ibilbide luzea du. Etxarri-Aranatzen egin zen lehen edizioa 1994an, Jarraik antolatuta, eta ondoren hainbat tokitan egin izan da. Ernaik 13 urte bete ditu aurten, eta azken urteetan erakunde horrek antolatu du gazte independentisten topaketa.
Zure interesekoa izan daiteke
Begoña Gomezen katedra aurreikusitako araudiaren arabera sortu zela ondorioztatu du UCOk
UCOk Juan Carlos Peinado epaileari bidalitako txostenen arabera, katedra aurreikusitako izapideen arabera sortu zen, eta Gomezen banku-kontuen informazioa "bat dator jarduera profesionalen garapenarekin". Hala ere, irregulartasunak topatu ditu katedraren softwarea garatzeko bi enpresei egindako kontrataziotan: Deloitte Consulting eta Making Science Group.
Coalicion Canariak legegintzaldia amaitutzat eman du, eta EH Bilduk eta Sumarrek jarraitzeko eskatu diote Sanchezi
Arnaldo Otegik La Vanguardian egindako elkarrizketa batean adierazi duenez, legealditik geratzen denak "helburu bat izan behar du".
Coalicion Canariak legegintzaldia bukatutzat eman du eta hauteskundeak eskatu ditu: "Herritarrek gobernu berria aukeratzeko momentua da"
Konfiantza-mozioa eskatu dio Sanchezi, eta PPk zentsura-mozio baterako deitu ez diola esan du, ez dizkiotelako zenbakiak ematen.
Diez-Antxustegi: "EAJ oso kritikoa da Sanchezekin, baina horrek ez du esan nahi Feijoo babestuko dugunik"
Bestalde, "larunbatean Loiun eta Mendizorrotzan ikusitako irudiak ez zitzaizkidan gustatu", adierazi du Ertzaintzak flotillako ekintzaileekin izandako jokabidearen inguruan.
Albiste izango dira: abisu horia beroagatik, istiluak Loiun eta AEB-Iran akordioa gertuago
Gaurkoan Orain-en albiste izango direnen laburpena, bi hitzetan.
Otxandianok Zupiriari: "Erantzukizunak onartzeak berekin ekarri beharko luke presazko neurriak hartzea"
EH Bilduren bozeramaileak uste du Zupiriak dagokiona egin duela "erantzukizunak bere gain hartzean" baina polizia ereduarekin "arazo larria dagoela" ere ohartarazi du, eta laster ekarpen berri bat egingo dutela iragarri du.
San Kristobal hilerrian ehortzitako presoak izan dituzte gogoan Ezkabako ihesaldiaren omenaldian
Aurten ere, frankismoan bertatik igaro ziren 6.000 presoak oroitu dituzte. Kartzela izan zen San Kristobal, eta inguru horretan 131 gorpu lurperatu zituzten, "Botilen kanposantua" deiturikoan. Omenaldian, lore eskaintzan egin diete presoei.
Estebanek legegintzaldiaren amaierari buruz duen ideia "errespetatzen" duen arren ez duela bat egiten erantzun du Moncloak
Espainiako Gobernuko iturriek berretsi dute Sanchezek legegintzaldia 2027ko udara arte agortzeko asmoa duela. Gainera, azken orduetan kaleratutako txostenek "Zapatero presidente ohiak egindako delituaren froga edo zantzurik ez dagoela" egiaztatzen dutela defendatu dute.
Delinkuentzia Ekonomiko eta Fiskaleko Unitateak Zapatero eta horren alabak jo ditu Plus Ultra sareko onuradun nagusi
Auziaren inguruko bigarren txostena zabaldu du UDEFek. Horrekin lotuta, ekainaren 2an deklaratuko du epailearen aurrean Espainiako Gobernuko presidente ohiak, ikertu gisa.
Euskadi egunero eraiki eta defendatzeko konpromisoa hartu du EAJk
Hurrengo udal eta foru hauteskundeetarako urtebete falta denean, lehendakariak euskal herritar guztien “eskubide historikoak” gogorarazi eta balioetsi ditu, eta enegarren aldiz eskatu du Gernikako Estatutua osorik betetzeko.