ETAren delituek 'motibazio politikoa' dutela uste du Joseba Egibarrek
Joseba Egibar EAJk Eusko Legebiltzarrean duen bozeramaileak azpimarratu duenez, ETAko presoak delituak egiteagatik daude kondenatuta, baina horien atzean "motibazio politikoa" dago.
Radio Euskadiko "Parlamento en las Ondas" saioan parte hartu du Joseba Egibarrek, EH Bilduko Oskar Matute, PSE-EEko Txarli Prieto eta PPko Arantza Quiroga legebiltzarkideekin batera.
EH Bilduk eta PPk ostegunean Eusko Legebiltzarrean izan zuten eztabaidaz mintzatu dira irratiko solasaldi horretan. Laura Mintegi bozeramaileak "preso politiko" hitzak erabili zituen ETAko presoei buruz hitz egiteko, eta horrek popularren haserrea eragin zuen. PPren eta EH Bilduren artean piztutako eztabaidaren ondorioz, Bakerako eta Elkarbizitzarako lantaldearen eraketa atzeratzea erabaki zuen Bakartxo Tejeria Eusko Legebiltzarreko presidenteak.
Egibarren iritziz, PPk giroa berotu nahi izan zuen osteguneko osoko bilkuran, Bakerako Lantaldearen eraketa isilarazteko. Laura Mintegiren hitzek PPren estrategia hauspotu zuten gainera, jeltzalearen arabera. Mintegiren adierazpenak desegokitzat jo ditu Egibarrek, baina esan duenez barkamena eskatu izana eskertu egin du.
Txarli Prieto sozialistaren esanetan, PP EH Bilduren probokazioetan erori zen. "Hilketa egiteagatik preso badago, hiltzailea da eta ez preso politikoa", adierazi du Prietok. Ostegunean atzerapauso bat eman zuen EH Bilduk, sozialistaren iritziz.
Oskar Matute EH Bilduko legebiltzarkideak nabarmendu duenez, "hainbat presok motibazio politikoak eraginda egin dituzte hilketak, izan ere, Euskal Herrian gatazka politiko bat egon da".
Legegintzaldia hasi zenetik EH Bilduk bere jokabidea aldatu du Arantza Quiroga popularraren esanetan: "Hasieran hitzak zaintzen zituzten, baina orain lehen HBko ordezkariek ziotena errepikatzen dute".
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.