Gobernuak legea indartzea aztertuko du, mehatxuei aurre egiteko
Soraya Saenz de Santamaria Gobernuko presidenteordeak azaldu duenez, Gobernuak irainak, mehatxuak eta hilketen goraipamena pertsegitzeko Zigor Kodea indartzea egokia den aztertuko du, nahiz eta delitu horientzat "Espainiako legeak gaur egun erantzun bat" ematen duen.
Ministroen Kontseiluaren osteko prentsaurrekoan, presidenteordeak jarrera mota horiek pertsegitzea indartzeko aukerari buruzko lau galderari erantzun die, Isabel Carrasco Leongo Diputazioko presidentea hil ostean sare sozialetan argitaratu diren irain, mehatxu eta esaldien harira.
Guardia Zibilak eta Polizia Nazionalak 19 urteko bi gazte (bata Valentziakoa eta bestea Cadizkoa) inputatu dituzte, Carrascorekin eta politikariekin zerikusia duten kanta eta esaldi iraingarriak jartzeagatik Interneten.
Saenz de Santamariak aukera aprobetxatu du Leongo herriari bere jarrera, babesa eta elkartasuna eskertzeko, Carrascoren hilketaren ostean. Hilketa horrekin lotuta, bi emakume, ama-alabak, atxilotu dituzte.
Lehenengo erantzunean, presidenteordeak argi utzi nahi izan du Zigor Kordean "dagoeneko mekanismo legalak eta judizialak daudela jarrera horri erantzuteko", delituak non egiten diren kontuan hartu gabe.
"Delituak dira, dagoeneko zigortuta daude, eta araudia aplikatzea izango litzateke", nabarmendu du Saenz de Santamariak.
"Mundu 'errealean' onargarria ez dena, birtualean ere ez"
Espainiako Gobernuaren ustez, segurtasun indarren eta auzitegien eskutik "jatorri horretako delituen aurrean erantzuteko oinarria dago, larriak direlako eta zigorra merezi dutelako", azpimarratu du.
Hala eta guztiz ere, Gobernuak legezko testuinguruan indartzeko aukera aztertuko du, eta, hala erabakiz gero, tresnetako bat Zigor Kodearen erreforma izango litzateke. Gorteetan idazten ari dira, alderdi guztiekin, eta ahalik eta babes handienarekin.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.