Salmonden kolpea
Alex Salmond izan zen Eskoziako galdeketarako egin den bigarren eztabaidaren irabazlea. Lehen aurrez aurrekoan Alistair Darling unionistak monetaren gaiarekin zokoratzea lortu bazuen, atzokoan Eskoziako lehen ministroak kolpea itzuli zuen.
Eskozia liberatik kanpo geratzea Bretaina Haundiarentzat eskoziarrentzat bezain kaltegarri litzatekeela argudiatu zuen Salmond-ek, eta independentziaren aldekoek irabaziz gero txanpon bateratuaren inguruko adostasun bat bilatzea litzatekeela bere eredua aldarrikatu zuen behin eta berriro. Munduko beste herrialde independente askoren antzera, adostasunean oinarritutako eredua eskatu zuen.
Eskoziarren patriketatik beldurra uxatzen saiatu zen politikari beteranoa. Darlingek, ostera, ia ia karta bakarrera jokatu zuen atzoko partida: independentziak hondamendi ekonomikoa ekarriko du eskoziarrentzat. Beldurraren argudioa, Salmonden ustez.
Aurkariaren etengabeko kritikaren aurrean defentsa egiteaz gain, erasora ere jo zuen Alex Salmondek. Eskoziaren ongizatea Bretaina Handiko murrizketen ondorioz hankamotz geratzen dela izan zen bere salaketa, eta Darlingek erantzunik gabe utzi zituen makina bat galdera egin zizkion: Londresek bultzatu duen Osasun zerbitzuen murrizketak eta pribatizaziorako joeraz, umeen pobreziari aurre egiteko neurriez edota langabeziaren aurkako ekimenez mintzatu zenean, Darlingen eztabaidako unerik ahulenak bizi zituen.
“Bakarrik txiroagoak izango gara eta gure bizimodua zaildu egingo zaigu”, oihukatu zuen unionisten ordezkariak. “Guk hartuko ditugu erabakiak eta ongizatea bermatuko duen herri aurreratua izan gaitezke”, erantzun zion Salmondek.
Baina patrika eta ekonomiari lotutako gaiez gain –petrolioaren etorkizuna edota Bretainia Handiaren arma nuklearren kudeaketa ere izan ziren mahai gainean--, sakontasun handiko galdera egin zuen Salmondek: “ Ezezkoak irabazten badu, nik onartuko dut emaitza. Prest al zaude zu independentziaren aldekoak nagusituz gero eskoziarren borondatea eta horren ondorioak onartzeko?”. Darlingen isiltasunaren oihartzuna ez da oraindik itzali eztabaida egin zen antzokitik.
Zure interesekoa izan daiteke
Transferentzien asteleheneko bilera urtarrilaren 16ra atzeratu dute, ez dagoelako “beharrezko baldintzarik” bermeekin egiteko
Eusko Jaurlaritzak eta Espainiako Gobernuak egin behar zuten bilera bermeekin gauzatzeko baldintzarik gabe, bi aldeek atzeratzea adostu dute. EITBk kontsultatutako Autogobernu sailaren iturrien arabera, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.