Junckerrek Cañete elkarrizketatuko du, komisario karguaz erabakitzeko
Jean-Claude Juncker Europako Batzordeko presidenteak Miguel Arias Cañete Espainiako Gobernuko ministro ohi eta komisario izateko hautagaia elkarrizketatuko du gaur, zein komisario kargu emango dion erabaki aurretik.
Junckerren hirugarren elkarrizketa eguna izango da jarraian, eta dagoeneko hamabost hautagairekin bildu da.
Asteartean Frans Timmermans herbeheretarra, Kristalina Georgieva bulgariarra, Jyrki Katainen finlandiarra, Valdis Bombrovskis letoniarra eta Alenka Bratus esloveniarra hartu zituen.
Asteazkeanean Andrus Ansip Estoniako lehen ministro ohia, Gunther Oettinger, Johannes Hahn eta Cecilia Malmström Alemaniako, Austriako eta Suediako komisarioak, Margrethe Vestager Danimarkako ministro ohia, Tibor Navracsics Hungariako Atzerri Gaietarako ministroa eta Dimitris Avramopoulos Greziako Defentsa ministroa elkarrizketatu zituen. Era berean, Vera Jourova hautagai txekiarrarekin, Karmenu Vella maltarrarekin eta Elzbieta Bienkowska poloniarrarekin ere elkartu zen.
Arias Cañeteren azken agerraldi politikoak nahikoa polemikoak izan dira, Europako hauteskundeetan gizonezkoen nagusitasun intelektualaz egindako adierazpenengatik batez ere, eta orain Ikerketa eta Berrikuntza alorreko komisario izateko hautagai nagusia da, irailaren 2an filtratutako organigrama baten arabera.
Cañetez gain, Junckerrek oraindik elkarrizketatzeko ditu Frantziako, Italiako, Britainia Handiko, Portugalgo, Belgikako, Irlandako, Zipreko, Eslovakiako, Lituaniako, Errumaniako eta Kroaziako hautagaiak.
Dena dela, Natasha Bertaud Junckerren bozeramaileak jakinarazi du ez dutela elkarrizketen inguruko adierazpenik egingo.
Zure interesekoa izan daiteke
Jaengo herri bateko PSOEko zinegotzi bat kargutik kendu dute bideo batean kantu matxistak egiteagatik
Martosko udal gobernuak eta Alderdi Sozialistak "erabat" gaitzetsi dute Manuel Cortes zinegotziaren jarrera. Hala, diziplina-espedientea ireki diote, behin-behinean alderditik botako dute eta zinegotzi akta alderdiaren esku uzteko eskatuko diote.
Honakoak izan dira aurten politika arloko albiste nagusiak
Aldaketaren aldarriaren bidetik, berezko nortasuna erakusten saiatu da aurten Imanol Pradales lehendakaria. Espainian, ordea, gatazka politikoak goia jo du legegintzaldiaren erdian, Pedro Sanchezen agintea kolokan jartzeraino.
Manifestazio jendetsua Azpeitian, bi kasutan auzipetutako 43 herritarren alde
Manifestazioa izan da iluntzean Azpeitian, VOX-en kontra mobilizatzeagatik ikertuta dauden 20 lagunei eta pintaketa baten harira auzipetu zituzten beste 23 herritarrei elkartasuna adierazteko. Urtarrilean eta otsailean epaituko dituzte guztiak. Jendetza batu da Azpeitia Errepresioaren Aurka plataformak deituta, "Errepresioaren aurrean, klase elkartasuna" lelopean egin duten manifestazioan.
ETAko presoen aldeko ekintzak izan direla Gabonetan salatu du Covitek
Terrorismoaren Biktimen Kolektiboak bere sare sozialetan zabaldu dituen hainbat mezutan kritikatu duenez, "ezker abertzaleak -Sortuk eta EH Bilduk- eta bere sateliteek, Sarek kasu, zigorgabetasun handiagoa eskatzen jarraitzen dute ETAkide guztientzat".
Eusko Jaurlaritzak adierazi du erantzukizunez jokatu duela transferitu gabe dauden eskumenen aurrean
"Pentsatzen dugu hobe dela transferentzia horiek erabaki genuen bezala eta nahi dugun moduan gauzatu arte itxarotea", esan du Ibone Bengoetxea lehen lehendakariorde eta Kultura eta Hizkuntza Politikako sailburuak.
EAJrentzat "ulertezina" da Sanchezek ez betetzea Estatutua osatzeko akordioa
Estebanek esan zuen sinatutakoa ez betetzea "larria eta inbestidura akordioa urratzea" izango litzatekeela.
Transferentzien asteleheneko bilera urtarrilaren 16ra atzeratu dute, ez daudelako “beharrezko baldintzak” bermeekin egiteko
Eusko Jaurlaritzak eta Espainiako Gobernuak egin behar zuten bilera egiteko beharrezko baldintzak ez daudenez, bi aldeek atzeratzea adostu dute. Autogobernu Saileko iturriek EITBri jakinarazi diotenez, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.