Sanchez Moncloarako hautagai izendatu du PSOEko Batzorde Federalak
Pedro Sanchez datozen hauteskundeetarako Gobernuko Presidentziarako hautagai izendatu du PSOEko Batzorde Federalak igande honetan, militantziaren erabakia berretsita. Oraingoan ez dute hauteskunde primariorik egin (uztailaren 26rako deituta zeuden), inork ez baitu hautagai izateko babes nahikorik lortu.
Gauzak horrela, PSOEren organorik gorenak sozialisten burua izendatu du ofizialki. Sanchez duela urtebete baino gutxiago iritsi izan zen Idazkaritza Nagusira, militantek hala erabakita. Orduan bai izan ziren beste hautagai batzuk, zehazki, bi: Eduardo Madina diputatua eta Ezker Sozialistaren buru Jose Antonio Perez Tapias. Hirurak hauteskunde primarioetan lehiatu ziren, alderdiaren afiliatu guztiek parte hartu zutela.
Price Zirku-Antzokian bildutako Batzorde Federalak hautagai izendatu ostean, Sanchezek hitzaldia eskainiko du 2.000 gonbidatuen aurrean, eta Gobernuko Presidentziarako hautagai bezala egindako lehen hitzaldia izango da.
Hainbat sozialista bildu dira bertan, tartean, PSOEren baroiak, Alfredo Perez Rubalcaba idazkari nagusi ohia, Jose Luis Rodriguez Zapatero Gobernuko presidente ohia eta Alfonso Guerra presidenteorde ohia. Agenda arazoak direla medio, Felipe Gonzalez ez da bertan izango.
'Politikari garbia naiz'
Horrela, Pedro Sanchezek hitzaldia eman du, eta publikoaren aurrean iragarri duenez, ustelkeriaren aurkako borrokan irmo arituko da, demokraziaren "etsaia" baita, eta horren aurrean "erantzutea" beharrezkoa delako.
Sanchezek aitortu duenez, batzuetan "oker ibili gara" ustelkeria etsai politikoaren kontua bakarrik zela pentsatuta. "Ez da nahikoa ustelkeriaren aurka nazkatuta gaudela adieraztea", esan du PSOEko buruak, "oposizioko alderdietako militante gehienak zintzoak direla aitortzeko garaia da".
Sozialisten liderrak adierazi duenez, ustelkeriak ez du eragin bera pertsona guztiengan, eta alderdi guztiek ez dute berdin erantzuten. "Baina demokraziak komuneko etsaia du, eta hori ustelkeria da", gaineratu du.
"Politikari garbia naiz. Hori dela eta, zein den zintzoena eztabaidatu beharrean, ustelkeria prebenitzen, horren aurka borrokatzen eta hori zigortzen nire ahaleginik handiena egingo dut Gobernutik", hitzeman du.
", hitzeman du.Albiste gehiago politika
PPk azalpenak eskatu dizkio EAJri Cerdan auzian dituen "inplikazioengatik"
Javier De Andres EAEko PPko presidenteak azalpenak eskatu dizkio EAJri, Santos Cerdan PSEko antolakuntza idazkari ohiaren auzian Iñaki Alzaga enpresaburuak (alderdi abertzalearekin lotura duena, bere esanetan) duen inplikazioagatik.
Tellado izango da PPren idazkari nagusia, eta Ester Muñoz, bozeramailea
Kongresuko egungo bozeramaileak ordezkatuko du Cuca Gamarra, PPk asteburuan Madrilen egingo duen XXI. kongresu nazionalean.
'Cerdan auzia'ren ostean legegintzaldia indarberritzeko neurriak hartzeko bildu dira PSOE eta Sumar
Sumarren asmoa da "180 graduko bira" ematea, eta nabarmendu dute krisi honek balio behar duela Gobernuaren programaren helburu nagusiak bizkortzeko eta ustelkeriaren aurkako mezu argia emateko. Horren bidez, oinarri progresistak suspertzeko 'Cerdan auzia'ren afrontuaren ostean.
Miguel Telladok PP eta EAJren arteko harremanari berriz heltzeko eskatu diela jakinarazi du alderdi jeltzaleak
PPk Kongresuan duen bozeramaileak eta Maribel Vaquero EAJko homologoak elkarrizketa labur bat izan dute gaur arratsaldean. Jeltzaleak kortesia parlamentarioagatik onartu du PPren ordezkariarekin hitz egitea.
Cerdan kartzelan sartzen ikustea “irudi mingarri zein etsigarria” da Espainiako Gobernuarentzat
Ministroen Kontseiluaren osteko prentsaurrekoan, Pilar Alegria bozeramaileak onartu du irudi hori "gertaera erabat lotsagarri eta izugarrien" ondorioa dela. Berretsi du "Gobernuak ustelkeriari aurre egiteko lanean” jarraituko duela, “justiziarekin ahalik eta gardentasun handienarekin kolaboratzen eta beharrezkoak diren azalpen guztiak ematen".
15 arlotako proposamenak biltzen dituen lan-dokumentua aurkeztu dio Podemosek lehendakariari
Imanol Pradales eta Richar Vaquero alderdi morearen koordinatzaile nagusi berria bildu dira. Hainbat gai izan dituzte hizpide, besteak beste, etxebizitza, zerbitzu publikoak, industria-politika, ekologia, fiskalitate progresiboa, immigrazioa, zaintza eta osasuna, hezkuntza publikoa eta ustelkeriaren aurkako borroka.
Eusko Jaurlaritzak "oraingoz" ez du 'Koldo auzi'ko enpresekin lotutako kontraturik atzeman
Santos Cerdan espetxeratu eta biharamunean Maria Ubarretxena Eusko Jaurlaritzaren bozeramaileak adierazi du kezkatuta dagoela egoera politikoa dela eta, are, eskatu du ikerketa azken bururaino eramatea. Halaber, azpimarratu du Espainian gobernu bat dagoen bitartean Eusko Jaurlaritzak gobernu horrekin lanean jarraituko duela.
Yolanda Diazek "lotsagarritzat" jo du Cerdanekin gertatutakoa, eta ustelkeria herrialde arazoa dela esan du
Espainiako Gobernuko bigarren presidenteordeak honako hau eskatu dio Pedro Sanchezi: krisiaren larritasuna ikusita, aferari ezin zaio "epelkeriaz heldu; erregenerazio demokratikorako neurri sendoak hartu behar dira", eta erabateko eta errotiko aldaketa baten beharra azpimarratu du.
EAJ 'Koldo auzia'ri buruzko informazio gehiago izateko zain dago, erabaki bat hartu aurretik
Iñigo Ansola EAren Bizkaiko presidenteak adierazi duenez, Santos Cerdan PSOEko Antolakuntza idazkari ohia kartzelan sartu ostean, EAJ informazio gehiago izateko eta Pedro Sanchezek Kongresuan egitekoa den agerraldiaren zain dago, "egoera aztertzeko eta hurrengo pausuak erabakitzeko".
Sumar PSOErekin bilduko da koalizioa aztertzeko, asteazkenean
Demokrazia biziberritzeko eta Espainiako Gobernuaren agenda soziala bultzatzeko neurriak eskatuko dizkio Sumarrek PSOEri.