Pedro Sanchez

"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.

"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.

Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.

Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.

Mitxel Lakuntza ELAren idazkari nagusiaren arabera, praktikan ez da sakoneko aldaketarik izango, hau da, lehen 'Espainiako Gobernua' zioen leihatilan aurrerantzean 'Eusko Jaurlaritza' jarriko omen du. Hala ere, uste du zentralizazioa ez dela amaituko, eta aurrerantzean ere erabakiak Madrilen hartuko direla.

Pradales lehendakaria eta Sanchez Espainiako gobernuburua buru direla, bi gobernuek gaur arratsaldean Moncloan egingo duten bileraren atarian, Maria Ubarretxena Eusko Jaurlaritzaren bozeramaileak adierazi du hilabeteak daramatzatela zain eta muin lanean, akordioak lor daitezen. "Gaur Euskadirentzat egun garrantzitsua izan daiteke", gaineratu du.

Gaurkoan albiste izango direnen laburpena, bi hitzetan.

Eredu berriaren arabera, Kataluniak —eta gainerako autonomia erkidegoek, nahi izanez gero— zerga guztiak bildu eta tributuen saski batera bideratuko dira. Hala, saski horretatik aterako da Espainiako Estatuak Katalunian haren gastuak finantzatzeko kopurua, eta gainerakoa Generalitatearentzat izango da.

Politika negozioarekin nahasten dutenak alderditik kanpo geratu behar direla adierazi du larunbat honetan Gasteizen egindako ekitaldian. Halaber, PSE-EE Arabako erakundeetan egoteak lurraldeko proiektu garrantzitsuenetan aurrerapen handiak ekarri dituela esan du.

Transferentzien Aldebiko Batzordea berriro elkartuko da uztailaren 15ean, Madrilen. Gizarte Segurantzaren erregimen ekonomikoaren eta enplegu-politika pasiboen blokearen lehen paketearen transferentzian aurrera egitea espero du Jaurlaritzak. 

Oskar Matute EH Bilduren diputatuak berretsi du koalizioaren ustez ez direla "nahikoak" Sanchezek ustelkeriaren kontra iragarritako neurriak. Gaineratu du, halaber, ez direla egungo Gobernua "porrot eginarazten saiatuko".

Alberto Nuñez Feijoo PPko buruzagiak gobernu progresista sostengantzen duten bazkideei ohartarazi die Sanchezen eta duintasunaren artean aukeratu behar dutela.  

Maribel Vaquero EAJk Kongresuan duen bozeramaileak ustelkeria kasuek eragin duten "itogina konpontzeko" eskatu dio Pedro Sanchez presidenteari. Azpimarratu du Sanchez "berandu" iritsi dela Kongresuko agerraldira, "mea culpa hankamotza" egin izana aurpegiratu dio, nahiz eta hark baduen, izan, erantzunkizunik politikari ustelak izendatzean.

"Oso exijenteak izango gara PSOErekin eta gobernuarekin, ustelkeria sistemikoarekin amaitzeko eta 78ko erregimenak ezarritako hipotekak behingoz baztertzeko", ohartarazi dio Mertxe Aizpurua EH Bilduk Diputatuen Kongresuan duen bozeramaileak Espainiako gobernuburuari. 

ERCk babesa agertu dio Gobernuari, baldin eta ustelkeria "hiruk" soilik egin badute. Hala ere, ustelkeria PSOEn zabal-zabal ibiliz gero, hauteskundeak egitera behartuko dutela ohartarazi diote.

Ekimenak bultzatzeko PSOEren parlamentuko kideen eskakizunak mahai gainean daudela dator hitzordua. Izan ere, haien iritziz orain arte emandako erantzuna eskasa izan da.

Espainiako Gobernuko presidenteak ustelkeriari aurre egiteko Estatu plana iragarri du, Ekonomia Lankidetza eta Garapenerako Erakundearekin elkarlanean, 'Koldo auzia'k eragindako egoeraren ondoren eta Santos Cerdan behin-behineko espetxealdian sartu ostean.

Pedro Sanchez Espainiako Gobernuko presidenteak Suso Diaz sindikalista, Yolanda Diaz Gobernuko bigarren presidenteordearen aita, gogoratu du asteazken honetan, Kongresuko osoko bilkuran egindako agerraldian.

Bere bazkideen kritiken eta oposizioko alderdien dimisio eskaeraren artean, ustelkeriaren aurkako 15 neurri biltzen dituen plana aurkeztu du. Besteak beste, ustelen kontrako zigorrak handitzea, delituak preskribatzeko epea luzatzea eta kontratazio publikoetan legez kanpoko jardueragatik zigortutako enpresen zerrenda beltza osatzea jasotzen ditu proposamenak. 

Gaurkoan albiste izango direnen laburpena, bi hitzetan.