EAJk, EH Bilduk eta Podemosek Aberri Eguna ospatuko dute gaur
EAJk, EH Bilduk eta Podemosek Aberri Eguna ospatuko dute gaur, Bilbon, Iruñean eta Donostian. EAJk "Euskadi berri bat eraikitzen lagunduko duen" estatus berria aldarrikatuko du, "autogobernu berria eta elkarbizitza politikorako sistema berria", hain justu. EH Bilduk independentzian jarriko du helburua eta Podemosek eskubide sozialak eta erabakitzeko eskubidea aldarrikatuko ditu.
Hauteskunde giroko testuinguruan ospatuko dute hirurek Aberri Eguna. Ohi bezala, EAJk Bilbon egingo du ekitaldi politikoa'Bultzada Berri Bat' lelopean. EH Bilduk, ostera,Iruñeko kaleetatik egingo du manifestazioa Independentista Sareak egindako deialdiarekin bat eginda, "Erabakitzeko eskubidea da: independentziari Bai lelopean".
Podemosek aurten ospatuko du estreinakoz Aberri Eguna eta Donostia aukeratu du horretarako, Nestor Basterretxearen "Bakearen Usoa" eskulturaren ondoan. "Gure aberri herritarrak dira: eskubide sozialak eta erabakitzeko eskubidea" leloa izango dute.
Bilboko Plaza Berriak hartuko du beste behin ere jeltzaleen ekitaldi nagusia, 11:30etatik aurrera. Iñigo Urkullu lehendakariak eta Andoni Ortuzar EBBko presidenteak hartuko dute hitza, alderdiko beste 80 ordezkari izango dituen eszenatokian. Exekutibako kideak, Jaurlaritzako sailburuak eta Bilbo, Gasteiz eta Donostiako alkateak, Batzar Nagusietako presidenteak eta Izaskun Bilbao eurodiputatua bertan izango dira.
Aberri Egunari begira kaleratutako idatziak jasotzen duenez, datorren legegintzaldian Euskadirentzat estatus politiko berria nahi du EAJk, Legebiltzarrean adostutakoa, eta "euskal herritarren nortasun nazionala eta etorkizun batean erabakitzeko eskubidea jasoko duena".
Jeltzaleen esanetan, estatus berriak akordio bikoitza izango du oinarri: "Euskadiko alderdi politikoen artekoa eta Estatuarekin konpromisoa, aldebikotasun eta elkarren errespetu printzipioan oinarrituta".
Eguerdiko ekitaldi politikoa amaituta, Areatza izango da jaiaren gunea: herri bazkaria egingo dute 1.100 militantek bertan.
Manifestazioa Iruñean
EH Bilduk bere aldetik, Independentista Sareak Iruñean deitutako ekitaldiarekin bat egin du. 12:00etan abiatuko da manifestazioa Golem zinemetatik eta Sarasate Pasealekuan amaituko da, ekitaldi politikoarekin. Independentistak Sarearen arabera, "erabakitzeko eskubidearen garaia da, dependentziatik independentziara igarotzeko. Erabakitzeko garaian sartu gara, eta Aberri eguna jauzi hori emateko inflexio puntua izatea nahi dugu".
Horregatik, Aberri Eguneko hitza "bai" izango da: "Bai demokraziari, justizia sozialari, euskarari, etorkizunari, Euskal estatu subiranoari eta euskal Errepublikari".
Independentista Sareak deitutako ekitaldiekin bat egitera deitu dute EH Bilduk eta EH Baik. "Erronka eszenatoki politiko sozial berri baterako oinarriak jartzea da, erabakitzeko eskubidea aldarrikatzen dutenak batzeko".
Pello Urizar EH Bilduko parlamentariak deklarazioak egingo ditu 11:30ean. Ezker Abertzaleko historikoek hartuko dute parte ekitaldian. Pernando Barrenaren arabera, "independentzia ez da helburua bakarrik, herri honek ongizate maila handiagoa eta justizia soziala izateko tresna politikorik eraginkorrena da".
Podemos, aurtego berrikuntza
Podemo izango da aurtengo berrikuntza, lehen aldiz egingo duelako bat Aberri Egunarekin. Donostian ospatuko du Aberri Eguna, Nestor Basterretxearen "Bakearen Usoa"ren ondoan. Alderdiak abertzale ez independentistatzat du bere burua eta "EAJri hegemonia abertzalea kentzeko eginkizun politikoa" du, "aberriaren ideia monopolizatu" dutelako.
'Jendea da gure aberria: eskubide sozialak eta erabakitzeko eskubidea lelopean ospatuko dute gaurko Aberri Eguna.
PSE-EE eta PP
Idoia Mendia PSE-EEko idazkari nagusiak adierazi duenez, sozialistak "ez dira abertzaletasunaren jaiotza ospatzeko erritoetan izango", eta jeltzaleei leporatu die euskal herritar guztiek elkarrekin ospatzeko egun bat adostu ez izana.
Nerea Llanos PPko idazkari nagusiak bere aldetik esan du Ortuzarren alderdiaren asmoa "Espainiatik kanpo joatea" dela eta Aberri Egun guztietan nahi hori adierazten duela gaineratu du. Horren ildoan, EH Bilduk "idenpedentzia eskatzean argitasun handiagoz" hitz egiten duela nabarmendu du.
Zure interesekoa izan daiteke
Estatuari Martxoak 3ko sarraskiaren erantzukizuna eskatzeak berriro aurrez aurre jarri ditu EAJ eta PSE-EE
EAJk eta EH Bilduk Espainiako Gobernuari eskatu diote aitor dezala Martxoak 3ko sarraskian izan zuen erantzukizun zuzena, eta aitortza horrekin maila goreneko adierazpen ofiziala egin dezala. PSE-EE ez dator bat eskari horrekin.
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Urteko lehen osoko bilkura hartu du Espainiako Diputatuen Kongresuak, eta Pedro Sanchez Espainiako Gobernuko presidenteak agerraldia egin du, berak hala eskatuta, trenbide-istripuei buruzko azalpenak emateko.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.