Pili Zabala, Podemos Euskadiren lehendakarigai izateko hautagai
Radio Euskadik aurreratu eta Podemos Euskadik prentsa ohar baten bidez baieztatu duenez, Pili Zabala GALek hildako Joxi Zabalaren arrebak Podemos Euskadiren lehendakarigai izateko aukera asko ditu, zuzendaritzak tolosarra proposatu baitu hautagai gisa.
Dena dela, alderdi moreak uztail amaieran egingo dituen barne hauteskundeetan erabaki beharko du bera ote den behin betiko hautagaia.
Zabalak berak prentsaurrekoa eskainiko du ostegunean Donostian, Nagua Alba Podemos Euskadiko idazkari nagusiarekin eta Lander Martinez alderdiko antolaketa idazkariarekin batera.
Podemos Euskadiren zuzendaritzak egindako proposamena onartu du Zabalak, datorren legegintzaldian "asko" dagoelako "jokoan". Etorkizuneko proiektu baten buru izateko alderdi moreak eman dio aukera eskertu du tolosarrak, herritarren eskubideak bermatu; erakundeak hobetu eta babestu; eta bake eta bizikidetza proiektu iraunkorra eraikitzen lagunduko duelakoan.
Podemos Euskadiren iritzian, Zabalak "ezin hobeki haragitzen du herri inklusibo, zuzen eta solidarioa sortzeko proiektua, euskal herritarren eskaerak asetzeko modukoa".
Pilar (Pili) Zabala Artano Tolosan jaio zen 1968an, eta odontologoa da ogibidez. Podemos Euskadik bere oharrean nabarmendu duenez, Zabalak urteak eman ditu Euskal Herriaren bake eta bizikidetzaren alde lanean, eta Jaurlaritzaren Adi-Adian eta Lokarriren 'Hitzorduak' proiektuetan izandako parte hartu du, besteak beste. Eraikiz kolektiboak "blokeoak gainditzeko" egindako agiria ere izenpetu zuen ETAren, Poliziaren indarkeriaren eta GALen beste biktima batzuekin batera. 2015ean Gazte Role Model saria jaso zuen.
Sektore kritikoaren erantzuna
Bestalde, Podemos Euskadiko sektore kritikoak adierazi du Pili Zabala "hautagai ona" dela, baina Eduardo Maura Politika idazkariaren aurka egin du, eta "batasuna bilatzea saihestea" egotzi dio.
Kritikoek Juan Luis Uria medikua proposatu dute hautagai gisa, baina "pozik" hartu dute Zabalak ere primarioetan parte hartzea.
Horren ildotik, Zabalak barne hauteskundeak irabaziko balitu, "leialtasuna eta kolaborazioa" eskainiko lioketela azaldu dute.
Hala ere, alderdiko zuzendaritza gogor kritikatu dute, eta "hautagaitza bateratua" aurkeztea galarazi izana leporatu diote.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.