Catalak gezurtatu egin ditu Manuel Moixen kontrako 'konspirazio tesiak'
Rafael Catalá Justizia ministroak gezurtatu egin du Manuel Moix Ustelkeriaren kontrako fiskal buruaren inguruan sortu diren "konspirazio tesiak", ustez Lezo auziko ikerketa oztopatzen saiatu zela zabaldu baita. Ministroaren esanetan, hori "gezurra" da, eta haren jarduna babestu du.
Catalak azpimarratu du Moixek ez zuela bere iritzia inposatu Fiskalen Batzarrean, eta Inassa enpresa miatzea babestu zuela esan du. Lezo operazioan gakoa izan da azken hori.
Halaber, Catalak ukatu egin du Moixek Carlos Iañez (kasu honetako fiskala) kargugabetu nahi izatea: "Ez dakit hitz egin edo idazten dutenek badakiten zer esaten ari diren, baina hori ez da egia, eta ez die batere mesederik egiten erakundeei". Nolanahi ere, "ikerketzen eta espetxeratzeko aginduak ematen ari dira, hori da gertatzen ari dena", gaineratu du.
"Fiskaltzak egiten duen lana nabarmendu" nahi izan du Catalak, eta botere judiziala independentea dela azpimarratu du, egunotan Moixek Justiziari ustez jarri dizkion oztopoen inguruan "astakeriak" esan badira ere.
"Inork ez dio fiskal bati esaten nola kalifikatu behar duen gai bat, eta inork ez dio epaile bati esaten zein epai eman behar duen", adierazi du Catalak.
Ministroa erreformaren alde agertu da berriro, kasuak fiskalek iker ditzaten. Hori onartuz gero, epailea auzipetuen eskubideak bermatzeaz bakarrik arduratuko zen.
Zure interesekoa izan daiteke
"Maiatza eta ekaina artean" irekiko dute Zubietako espetxe berria
Gipuzkoako espetxe berriaren irekitzean Donostiako kartzela zaharra eraitsiko dute eta, ondoren, 400 etxebizitza babestu egingo dituzte Txomin Enean.
Cerdanek bere "errugabetasuna" defendatu du eta ukatu egin du Antxon Alonsoren bazkide dela edo izan dela
Nafarroako Parlamentuko ikerketa batzordean agerraldia egin du Santos Cerdan PSOEko Antolakuntza idazkari ohiak, eta ikerketa batzordea baino UPNren "mendeku" gosea asetzeko batzordea dela nabarmendu du.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.
"ETAk inposatu nahi izan zuen Euskaditik oso urrun gaudela ikustea da Txerokiren porrot moral handia"
Eusko Jaurlaritzak erdi-askatasun erregimena eman dio Txerokiri, eta astelehenetik ostiralera espetxetik aterako da Garikoitz Aspiazu ETAko buruzagi ohia, eta horren gainean iritzia eman du Eneko Andueza PSE-EEren idazkari nagusiak.
Euskadik LABI aktibatu ahal izango du zibersegurtasuneko gertakari larrien aurrean
Gobernu Kontseiluak inpaktu handiko ziberintzidenteen aurrean erantzun autonomikoa koordinatzea ahalbidetuko duen prozedura onartu du, ziberintzidenteek azpiegitura kritikoei edo herritarren segurtasunari eragiten dietenean.