Europako Parlamentuak eurodiputatu gisa jo ditu Junqueras, Puigdemont eta Comin
Europako Parlamentuak eurodiputatu izaera onartu die astelehen honetan Oriol Junqueras ERCko buruzagiari, Carles Puigdemont Kataluniako Generalitateko presidente ohiari eta Toni Comin kontseilari ohiari.
Erabaki hori Espainiako Hauteskunde Batzordearen ebazpenaren ondorioz hartu da. Horren arabera, Junquerasek ezin du eurodiputatu izan, sedizio eta diru publikoa bidegabe eralbitzea leporatuta 13 urteko kartzela-zigorra ezarri ostean.
Alabaina, Europako Parlamentuaren jakinarazpenean, politikari independentisten gaineko erabakia datorren asteleheneko osoko bilkuran eraginkorra egingo dela adierazten da. Hala, Junquerasek ere saio horretan parte hartzeko aukera izatea espero dute Europako Parlamentuko ordezkariek.
Dena dela, testuak zehazten duenez, eurodiputatu estatus horrek 2019ko uztailaren 2tik atzeraeraginezko izaera du, izan ere, herritarrek 2019-2024 legealdirako aukeratu zituzten eurodiputatu.
"Europar Batasuneko Justizia Auzitegiak 2019ko abenduaren 19an emandako epaiaren ondoren, 2020ko urtarrilaren 13ko osoko bilkuran, Antoni Comin i Oliveres, Oriol Junqueras i Vies eta Carles Puigdemont i Casamajo Europako Parlamentuko kide izateko hautatu zituztela aintzat hartuko du ganberak", irakur daiteke Europako Parlamentuaren idatzian.
Europar Batasuneko Justizia Auzitegiak (EBJA) abenduaren 19an eman zuen epaiaren arabera, joan den maiatzeko Europako hauteskundeen ondoren Junquerasi eurodiputatu estatusa onartu behar izan zitzaion jada, eta, ondorioz, eurodiputatu gisako immunitatea izan behar zuen. Izan ere, Espainiako Auzitegi Gorenak oraindik ez zion zigorrik ezarri.
Hala, Carles Puigdemont Generalitateko presidente ohiari eta Toni Comin kontseilari ohiari ere mesede egin zien epai horrek. Belgikara egin zuten ihes biek, eta oraindik ez dute zigorrik jaso, Junqueras ez bezala.
Abenduaren 20an, Puigdemontek eta Cominek behin-behineko egiaztagiria lortu zuten eurodiputatu gisa, Europako Parlamentuan eskubide osoko kide gisa onartzeko izapide formalak bete arte.
Igandean, Junquerasek eurodiputatu izatea galarazten dion ebazpena ez betearazteko eskatu zion Espainiako Hauteskunde Batzordeari, Auzitegi Gorenean helegitea aurkeztuko asmoa baitu, bere oinarrizko eskubideak eta eskubide politikoak urratzen dituela iritzita.
Junqueras: "Zer esanik ez"
Hala, Europako Parlamentuak eurodiputatu izaera formalki onartu ostean, ez dagoela "ezer gehiago esateko" nabarmendu du Junquerasek Twitter bidez zabaldu duen mezu batean.
Puigdemontek ere Europako Parlamentuak gaur hartutako erabakiaren gaineko iritzia eman du sare sozialetan. "Erorketa politiko eta judizial baten eraispena. Zuzenketa".
Puigdemontek eta Cominek akreditazio iraunkorrak jaso dituzte
Bestalde, Puigdemontek eta Cominek astelehen honetan bertan jaso dituzte euridiputatu akreditazio iraunkorrak.
Europako Parlamentuko iturriak aipatuta EFE agentziak azaldu duenez, biek zenbait izapide egin behar dituzte oraingoz eurodiputatu gisa aritu ahal izateko, hala nola bateraezintasun adierazpen bat sinatzea.
Agiri horiek sinatu eta gero, Ganberako saioetan parte hartu ahalko dute jada.
Horrenbestez, Puigdemontek eta Cominek Kataluniako Parlamentuko diputatu aktei uko egin beharko diete.
Europako Parlamentutik zehaztu dutenez, “hurrengo egunetan” sinatuko dituzte agiriok.
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.