Urtaran Gizarte Politiketako foru diputatu berria izango da Araban
Gasteizko alkate ohia, Gorka Urtaran, Gizarte Politiketako foru diputatu berria izango da Ramiro Gonzalezek zuzenduko duen Arabako Foru Aldundian. Hain zuzen ere, departamentu horrek adinekoen egoitzak, adingabeen politikak eta dependentzia kudeatzen ditu, besteak beste.
Arabako Foru Aldundiak ohar bidez jakitera eman duenez, foru diputatuek datorren asteartean (uztailak 4) hartuko dute kargua, 10:30ean hasiko den bilkuran.
EAJk sei sail kudeatuko ditu, eta PSE-EEk gainerako hirurak. Gauzak horrela, Arabako Foru Aldundiaren gobernu berria ondorengo pertsona hauek osatuko dute:
- Ramiro Gonzalez (EAJ), Arabako diputatu nagusia
- Cristina Gonzalez (PSE-EE), lehen diputatu nagusiordea eta Enplegu, Merkataritza Turismo eta Foru Administrazio foru diputatua
- Itziar Gonzalo de Zuazo (EAJ), bigarren diputatu nagusiordea eta Ogasun, Finantza eta Aurrekontuetako foru diputatua
- Jone Berriozabal (EAJ), Berdintasun, Euskara eta Gobernantzako foru diputatua
- Saray Zarate (EAJ), Ekonomiaren Garapen eta Berrikuntzako foru diputatua
- Gorka Urtaran (EAJ), Gizarte Politiketako foru diputatua
- Anartz Gorrotxategi, Lurralde Orekako eta Lurralde Antolaketako foru diputatua
- Jon Nogales (PSE-EE), Mugikortasun Jasangarriaren eta Bide Azpiegituren foru diputatua
- Amaia Barredo (EAJ), Iraunkortasuneko, Nekazaritzako eta Natura Inguruneko diputatua
- Ana del Val (PSE-EE), Kultura eta Kiroletako foru diputatua
Ramiro Gonzalez hiru legegintzaldiz jarraian gobernatuko duen Arabako lehenengo ahaldun nagusia da. Hala izango da ostegun honetan, bigarren bozketan, EAJk bere botoak sozialisten botoekin batu ostean, joan den maiatzaren 28ko hauteskundeen ondoren bi alderdiek sinatutako gobernagarritasunaren akordioa betez. Ondorioz, "elkarrizketa eta akordioa" eskaini die oposizioko taldeei, Voxi izan ezik.
Gasteizko Udalean, Sonia Diaz de Corcuerak ordezkatuko du Saray Zarate Kultura, Hezkuntza eta Modernizazioko zinegotzi gisa, EAJren zerrendan hurrengoa baita. Horrenbestez, gaur egun Eusko Jaurlaritzako Trafiko zuzendaria denak hartuko du Zarateren kargua.
Zure interesekoa izan daiteke
?fmt=png-alpha&qlt=80)
Marcos Vizcaya zendu da, Trantsizioan EAJko bozeramailea izandakoa
Carlos Garaikoetxea lehendakariaren aholkularia zela, Gernikako Estatutuaren negoziatzaile aktiboenetako bat izan zen, 1979an.
Negoziatzeko borondatea erakutsi arren, Eusko Jaurlaritzak eta oposizioak urrun ikusten dute aurrekontuen akordioa
Noel d'Anjou sailburuak adierazi du entzuteko eta elkarrizketarako fasea abiatu dutela, eta Eusko Jaurlaritzak proposamenak espero dituela. Oposizioko alderdiek, bere aldetik, hoztu egin dute koalizio gobernuarekin aurrekontu proiektuaren inguruan akordioa lortzeko aukera.
Bere aurkako atxilotze-agindua bertan behera uzteko eskatu dio Puigdemontek Konstituzionalari
Kataluniako presidente ohiaren defentsak azpimarratu duenez, "urteetan zehar" Puigdemontek "mugatuta izan du bere mugimendu askatasuna eta jarduera instituzionala, atxiloketa aginduen ondorioz, zeinaren baliozkotasuna juridikoki indargabetu duten Amnistiaren Lege Organikoak eta Auzitegi honek (Konstituzionala) zein Europako estandarrek".
Mazonek Kongresuan esan du ez zegokiola berari alerta mezua bidali erabakitzea
Pradas kontseilari ohiaren deiak erantzun ez bazituen mugikorra motxilan eduki zezakeelako izango zela azpimarratu du Valentziako Generalitateko jarduneko presidente denak Kongresuko ikerketako batzordean.
Arnaldo Otegik uste du Jaurlaritzak ez duela EH Bildurekin itunik nahi
Arnaldo Otegik uste du Eusko Jaurlaritzak ez duela EH Bildurekin itunik nahi. Are gehiago, horren atzetik erabaki politiko bat dagoela ziurtatu du Egun On saioan egindako elkarrizketan. Arnaldo Otegi EH Bilduko idazkari nagusiak adierazi du , gainera, "arinkeria handiarekin esaten direla gauza batzuk" eta "kontuz" aritu behar dela "zein adjektibo erabiltzen ditugun eztabaida politikoan". Bestalde, azpimarratu du Bingen Zupiriak adierazi zuela "Euskal Hintxek edo zaletuek deituta zegoen manifestazioa ez zegoela legeztatuta eta baimendua. Guk ez genuen esan gezurretan ari zela. Zuk pentsa dezakezu, agian gezurretan dago edo agian ez dauka datu hori ordu horretan".
50 urte Franco gabe: honelakoak izan ziren diktadorearen azken bost asteak
1975eko azaroaren 20an hil zen Francisco Franco, ia lau hamarkadatan Espainian gobernatu zuen diktadorea. Bere bizitzako azken asteetan ageriko egin ziren arazo mediko batzuen ondorioz hil zen, Espainia krisi politiko zein sozial sakon baten erdian zegoenean.
Lehendakaria Parisera joango da Frantziarekin lankidetza instituzionala eta kulturala sendotzera
Bisita ofizialean, azaroaren 18an eta 19an, bilera politiko, akademiko eta kulturalak egingo ditu. Etxepare Institutuaren 15. urteurrena ospatzeko ekitaldiarekin amaituko du bidaia, Frantziako Liburutegi Nazionalean.
Frankismoa garai iluna izan zen euskararentzat, debeku eta jazarpen urteak izan ziren eta
Francok debeku ugari ezarri zituen arren, ikastolak sortu ziren euskarari bultzada emateko, ezkutuan bazen ere. Demokraziarekin batera, oztopoei aurre egin, eta ordura arte debekatutako ekimenak martxan jartzea lortu zuten. 1976ko martxoan eginiko “24 orduak euskaraz” ekimena horietako bat izan zen.
Peinado epaileak artxibatu egin du 'Begoña Gomez kasuan' inputatutako Moncloako goi-kargudunaren kontrako auzia
Judith Gonzalez Espainiako Gobernuko Lehendakaritzako idazkari nagusiaren aurkako inputazioa kentzea erabaki du epaileak, igande honetan deklarazioa hartu ostean.
Frankistek hil zituzten ehun bat biktima omendu dituzte Erreniegan
Igande eguerdian, frankistek hil zituzten ehun bat biktima omendu dituzte Erreniegan. "Egia ezagutzen dugu, baina justiziaren zain gaude oraindik", esan dute biktimen familiek.