Atentatuak
2022/11/13 - 21:28
Sei hildako eta 81 zauritu Istanbul erdigunean, itxuraz atentatu batean
Dendaz eta jendez beteriko kale batean gertatu da, sei lagun hil dira eta 81 zauritu. Turkiako agintarien esanetan, zantzu guztien arabera litekeena da atentatua izatea.
2022/11/13 - 20:36
Bataclan aretoko atentatuko biktimak omendu dituzte Parisen, zazpigarren urteurrenean
2015eko azaroaren 13an erasotuak izan ziren hiru puntuetan loreak utzi dituzte: Saint Denis estadioan, tirokatuak izan ziren terrazetan eta, bereziki, Bataclan areto aurrean. Guztira, 130 hildako eta 400 zauritu izan ziren gau hartan.
2022/10/30 - 20:14
104 hildako eta 269 zauritu eragin ditu Al Shababek Muqdishoko erdialdean kamioi-bonbaz
Bi bonba-kamioik eztanda egin dute Somaliako hiriburuko gunerik jendetsuenetako batean. Ospitaleek gainezka egin dute, eta Munduko Osasun Erakundeak bere baliabideak eskaini ditu zaurituak artatzeko.
2022/10/12 - 16:19
Putinek Nord Stream 2a berraktibatzea eskaini dio Europari Baltikoko sabotajearen ostean
Errusiako presidenteak Estatu Batuak, Polonia eta Ukraina jo ditu "nazioarteko terrorismo ekintza" baten onuradun nagusitzat.
2022/09/30 - 13:53
Gutxienez 19 pertsona hil dira Kabulgo ikastetxe baten aurka bonbekin egindako erasoan
Erasoa Afganistango hiriburuaren mendebaldean gertatu da. Bertan bizi dira hiriko hazara eta xiita komunitate minoritarioen zati handi bat. Hildako gehienak ikasleak dira.
2022/09/11 - 16:33
21 urte dira Estatu Batuek inoiz jasandako eraso terroristarik latzenetik
Emaztea galdu zuen biktima batekin izan gara, Charles Wolfekin. Erasoa jasan zuen lehen dorrean zegoen bere emaztea egun hartan. Dioenez, duela 21 urte irekitako zauria ez da sekula itxiko.
2022/09/03 - 12:02
Cristina Fernandez de Kirchner Argentinako presidenteordearen erasotzaileak deklaratzeari uko egin dio
Ikerketaren arabera, erasotzaileak, ezohiko arma bat izateagatik aurrekari penalak dituen 35 urteko brasildar batek, bere kabuz egin zuen atentatu saiakera.
2022/09/02 - 19:42
Fernandez Kirchnerrek hilketa saiakerari buruzko ikerketan deklaratu du
Argentinako presidenteordeaz gain, pistola batekin egindako erasoa ikusi zuten polizia agenteek eta jarraitzaileek ere epailearen aurrean hitz egin dute. Auzia "hilketa saiakera larriagotu” bezala ikertzen ari dira.
2022/08/29 - 22:46
Errusiako Inteligentzia Zerbitzuak beste pertsona bat identifikatu du Daria Duginaren hilketarekin lotuta
Daria Dugina kazetariaren aurkako atentatua prestatzen lagundu izana egotzi dio Errusiako Segurtasun Zerbitzuak Ukrainako hiritartasuna duen gizonezko bati.
2022/08/23 - 13:39
Errusia Daria Duguina agurtzen ari da gaur
Milaka moskutar hurbildu dira gaur Daria Duguinako hil-beilara. Alexandr Duguin pentsalari ultranazionalistaren alaba larunbatean hil zuten bere autoan jarritako lehergailu batekin.
2022/08/22 - 22:44
Nork hil du Darya Dugina?
Errusiako zerbitzu sekretuek emakume ukrainar bati egozten diote Darya Dugina kazetariaren hilketa. Beste hipotesia, erbestean den Errusiako oposizioko parlamentari ohi batek zabaldu du. Hark dio Putinen aurkako “partisanoek” egin dutela erasoa.
2022/08/22 - 17:24
Errusiak emakume ukrainar bat identifikatu du Duguinaren atentatuaren egile gisa
Moskuk uste du Errusiara alabarekin heldu zen emakume ukrainar batek lehertarazi zuela bonba. Gauzak horrela, Ukrainak erasoarekin duen harremana ukatzen jarraitzen du.
2022/08/21 - 17:16
Putinen oso gertukoa den ideologo baten alaba hil dute Moskun
Putinen gertuko ideologo baten alaba hil dute autoan bonba bat jarrita Moskutik gertu. Errusiak Ukrainari leporatu dio atentatua, baina honek ukatu egin du. Bitartean, Kiev abuztuaren 24ean izango den herrialdearen Independentzia Eguna prestatzen ari da.
2022/08/21 - 15:11
Daria Dugina hil da bonba-autoz egindako atentatu batean, Putinen ideologoaren alaba
Ukrainar Presidentetzako aholkulari baten arabera, "Ukrainak ez du zerikusirik" atentatuarekin.
2022/08/18 - 13:37
Cambrilsek 2017ko atentatuen biktimak gogoratu ditu
Tarragonako Cambrils herriak 2017ko abuztuaren 17ko atentatu jihadisten biktimak gogoratu ditu ekitaldi xume eta hunkigarri batean.
2022/08/17 - 16:26
Laguntza psikologikorik eta ekonomikorik jaso gabe jarraitzen dutela salatzen dute A-17ko atentatuen biktimek
Bost urteren ondoren 355 pertsonari aitortu diete 2017ko abuztuaren 17ko atentatuen biktimak direla eta horietatik 130ek bakarrik jaso dute kalte ordainen bat.
2022/08/17 - 15:10
17-A Plataformak protesta egin du Europako Batzordearen egoitzaren aurrean
17A plataformako kideek protesta egin dute Europako Batzordeak Bartzelonan duen egoitzaren aurrean, Estatu espainiarraren eta Generalitatearen aurkako oihuekin.
2022/08/17 - 13:26
Emozioa eta tentsio uneak bizi izan dira Bartzelonan, A-17ko atentatuetako biktimen omenezko ekitaldian
Dozenaka lagunek isiltasuna hautsi dute "egia nahi dugu" oihukatuz. Ekitaldian biktimen senideek eta erakundeetako ordezkariek parte hartu dute.
2022/08/17 - 12:32
Bartzelonak A-17ko atentatuen biktimak omendu ditu, bosgarren urteurrenean
Biktimen omenezko ekitaldia Ramblan jarri zen memorialean egin da. Biktimek, senideek eta erakundeetako ordezkariek parte hartu dute lore-eskaintzan. Pertsona talde batek isiltasuna hautsi du "egia nahi dugu" oihukatuz eta politikariei txistu egin diete.
2022/07/11 - 14:25
Shinzo Aberen hil-beila Zojojiko tenplo budistan ari dira egiten
Tokyon ospatzen ari diren hil-beilan Gobernuko goi-kargudunak izan dira, Fumio Kishida egungo lehen ministroa, besteak beste, baita gertukoak eta herritarrak ere.