Bi greba egun deitu dituzte Amurrioko Tubos Reunidosen
Amurrioko eta Trapagarango lantegietako beharginen batzordeak Bizkaiko egoitzan bildu dira, otsailaren 9an zuzendaritzarekin egingo den lehen bileraren aurretik jarrera bateratua finkatzeko. Negoziazio mahaiko ordezkaritza adostu dute, baina, lanuzteei dagokienez, Amurrioko plantan bakarrik egingo dira. Trapagarango langileek ez dituzte babestu grebak.
Tubos Reunidoseko Amurrioko (Araba) eta Trapagarango (Bizkaia) langileen batzordeak Trapagarango lantegian bildu dira, joan den ostiralean enpresak iragarritako enplegu-erregulazioko espedienteari zer erantzun emango dioten koordinatzeko eta zuzendaritzarekin hurrengo bilerara mezu bateratuarekin joateko.
Bilera goizeko hamarretan hasi da, eta ia lau ordu iraun du. Estrategia komun bat adostea zen hitzorduaren helburua, espedienteak bi lantokiei eragiten badie ere, enpresak enplegu-erregulazioko espediente bakar gisa negoziatu nahi du eta.
Andres Garcia Amurrioko plantako langileen batzordearen presidenteak jakinarazi duenez, negoziazio mahaiko ordezkaritza adostu dute; bi lantegietako 13 ordezkarik hartu dute parte, ELAko bostek, UGTko hiruk, CCOOko bik, eta LABeko eta ESK-ko banak.
Bestalde, 24 orduko bi lanuzte iragarri dituzte, baina Amurrioko plantan bakarrik; Trapagarango ordezkariek ez dute bat egin greba deialdiarekin. Lehen lanuztea otsailaren 9an izango da; egun horretan enpresak Bideragarritasun Planeko neurriak aurkeztuko dizkie batzordeei. Bigarrena, berriz, otsailaren 13an egingo da, Arabako Aldundiko eta Eusko Jaurlaritzako ordezkariak enpresako kideekin bilduko diren egunean.
Sindikatuen ordezkarien arabera, enplegu-erregulazioko espedienteak gutxienez langileen % 10i eragingo die, eta horrek, Tubos Reunidosen kasuan, gutxienez 130 kaleratze ekarriko lituzke.
Oraingoz, langileen ordezkariek adierazi dute ez dutela espedienteari buruzko dokumentazio zehatzik, enpresak egindako iragarpena eta joan den ostiralean zuzendaritzarekin izandako bilera baino ez.
Konpainiak 28,4 milioi euroko galerekin itxi zuen 2025eko lehen seihilekoa, nazioarteko muga-zergen politikak eraginda, eta irailetik ABEEa du martxan Amurrioko lantegian, eta 2026ko otsailaren amaierara arte izango da indarrean.
Zure interesekoa izan daiteke
Justiziak errefusatu egin du mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplizitateagatik. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa bati esportatzeagatik eta hori ustez armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.