Bihar, Iruñeko San Alberto tanatorioan jarriko dute hil-kapera Carlos Garaikoetxearen hil-kapera, eta asteazkenean, Ajuria Enean. Bestalde, Imanol Pradales lehendakariak bihar egingo du adierazpen instituzionala.
Patxi Lopez lehendakariak eta PSOEren bozeramaileak Kongresuan adierazi du "errespetu instituzionalaren sinonimo" zela Carlos Garaikoetxea. Haren "aholkuak" jaso zituela azaldu du, eta beti "baliagarri" izan zaizkiola. "Aholku egokiak eta eskuzabalak", zehaztu du.
Eba Blanco Eusko Alkartasuneko idazkari nagusiak bere doluminak agertu dizkio Carlos Garaikoetxearen familiari eta hurbilekoei, eta harek egindako ekarpena goratu du. "Doluminak Lehendakariaren familiari eta hurbilekoei, bere heriotza dela eta. Eusko Alkartasunarentzat suposatzen duen galera izugarriaren aurrean, alderdiari eta Euskal Herriari eman dion guztiagatik gure esker onak baino ezin dizkiogu erakutsi Garaikoetxeari, betiko lehendakaria
", idatzi du sare sozialetan.
Eusko Jaurlaritzak hiru dolu-egun ezarri ditu Carlos Garaikoetxea lehendakariaren heriotzagatik, gaurtik hasita. Bihar, Iruñeko San Alberto tanatorioan jarriko dute hil-kapera, eta asteazkenean, Ajuria Enean.
Bestalde, Imanol Pradales lehendakariak bihar egingo du adierazpen instituzionala. EITBk jakin ahal izan duenez, Pradalesek bertan behera utzi du aste honetan Italiara egitekoa zuen bidaia ofiziala.
Maria Chivite Nafarroako Foru Erkidegoko presidenteak bere atsekabea agertu du, Carlos Garaikoetxearen heriotzagatik, eta hark Nafarroarekin izan duen "konpromiso politikoa" azpimarratu du. Halaber, esan du "Euskadi demokratikorako trantsizioan" izan zuen papera ezinbestekoa izan zela.
ERREAKZIOAK
Frankismoaren ondorengo lehen lehendakaria euskal gizarteak maite eta miretsi zuen pertsona izan zen. Sareak esker on eta omenaldi mezuz bete dira albistea zabaldu bezain pronto.
BIOGRAFIA
Trantsizioan ezinbesteko papera izan zuen politikaria, bere ardura nagusietako bat izan zen euskal erakundeen egitura marraztu eta eraikitzea. EAJrekin izandako desadostasunek eraman zuten Eusko Alkartasuna sortzera.
HERIOTZA
Politikari nafarra, Eusko Alkartasunaren sortzailea, 87 urterekin zendu da bihotzeko baten ondorioz. Iruñean hil da gaur, maiatzaren 4an.
