Pradalesek Garaikoetxeak utzitako ondarea goraipatu du, gizartean eta politikan, "erreferente politikoa eta autogobernuaren arkitektoa" izan baitzen
Adierazpen instituzionalean, Gernikako Estatutua garatu eta euskal erakundeak sendotzeko egindako ekarpena nabarmendu du lehendakariak.
Imanol Pradales lehendakariak omenaldia egin dio Carlos Garaikoetxea lehendakariari; atzo hil zen, 87, urte zituela. Haren ondare politiko eta instituzionala goraipatu ditu.
Eusko Jaurlaritzaren izenean, Pradalesek "dolumin zintzoenak" helarazi dizkie familiari eta gertukoei, eta "maitasun eta babes osoa" eskaini dizkie une honetan. Gainera, Garaikoetxearekin ibilbide pertsonal, politiko eta instituzionala partekatu zutenei ere eman die aitorpen hori.
Pradalesek adierazi du Euskadik "lehendakari handi bat baino askoz gehiago" galdu duela. Erreferente politiko eta soziala dela esan du gainera, eta Garaikoetxeak demokraziarekin, giza eskubideekin eta justizia sozialarekin izan duen konpromisoa azpimarratu du.
Pradalesek azpimarratu du Garaikoetxea "euskal autogobernuaren arkitekto nagusia" izan zela, Gernikako Estatutuaren garapenaren buru izan zelako eta Euskadiren oinarriak ezarri zituelako. Gogorarazi duenez, Garaikoetxeak herriaren lidergoa bere gain hartu zuen testuinguru zailean: krisi ekonomiko sakona zegoen; industria, gainbeheran; eta egitura instituzionala, eraikitzeke.
Egoera horretan, izan zituen lidergo-gaitasuna eta herritarren ilusioa berreskuratzeko inplikazioa nabarmendu ditu, baita une kritikoetan egindako lana ere; 1983ko uholdeek karritakoa bideratzeko egindakoa, esaterako.
Pradales lehendakariak nabarmendu du, halaber, Garaikoetxeak elkarrizketaren, demokraziaren eta printzipio etikoen bidea defendatu zuela indarkeriaren aurrean, diktadurari eta ETAren terrorismoari erreferentzia eginez.
Hitzaldian, Pradalesek Garaikoetxeak Euskadi plural eta kohesionatu baten alde egindako apustua ere ekarri du gogora, baita euskara euskal nortasun kulturalaren ardatz nagusi gisa biziberritzeko bultzada ere.
Azkenik, azpimarratu du Euskadik "lehen mailako figura politiko eta instituzionala" galdu duela, eta familiak, berriz, "aita, senarra eta laguna" galdu dituela. "Izan zinelako gara. Agur eta ohore, Carlos Garaikoetxea lehendakaria!", amaitu du Pradalesek.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.