Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.
Herritarren joan-etorria etengabea izaten ari da gaur Iruñeko San Alberto beilatokian, Carlos Garaikotxea lehendakari zendu berriari azken agurra emateko. Dozenaka lagunek, senitartekok eta ordezkari politikok aho batez goratu dute haren ekarpena, eta bat etorri dira Euskal Herriaren historian ezinbestekoa izan dela esatean.
Beilatokira hurbiltzen aurrenetakoa Eba Blanco Eusko Alkartasunaren (EA) idazkari nagusia izan da. Esan duenez, Garaikoetxearen heriotza "izugarrizko galera" da Eusko Alkartasunarentzat eta Euskal Herriarentzat, eta "adostasunak lortzeko" zuen gaitasuna nabarmendu du.
Bide beretik, Maiorga Ramirez Nafarroako EAren buruzagi izandakoak ere adierazi du "erreferente ideologiko, politiko eta intelektuala" izan zela.
Bere aldetik, Javier Remirez Nafarroako Gobernuko presidenteordeak Garaikoetxeak bakearen, askatasunaren eta bizikidetzaren alde egindako lana goraipatu du.
Remirezek jakinarazi duenez, Maria Chivite presidenteak bihar (19:30) Iruñeko San Frantzisko parrokian egingo den hileta-elizkizunean parte hartuko du.
Chivite gaur ez da Iruñeko beilatokira joan, agenda kontuak zirela eta, baina ekitaldi baten amaieran Garaikoetxearen legatua nabarmendu du. "Elkarbizitzaren eraikuntzan eredua izan zen", azaldu du.
Unai Hualde Nafarroako Parlamentuaren presidenteak ere lehendakari hil berriaren ekarpena azpimarratu du. "Autogobernuaren eta abertzaleen erreferente handia" izan zela azaldu du, eta euskararen zein ikastolen alde egindako lana gogora ekarri du.
Bestalde, Joseba Asiron Iruñeko alkateak Garaikoetxearen "nafar nortasuna" nabarmendu du. "Iruñekoa jaiotzez eta nafarra bokazioz", esan du.
Halaber, Uxue Barkos Nafarroako presidentea izandakoak eta senatari autonomikoak iritzi dio azken hamarkadetako politikari esanguratsuena izan dela Garaikoetxea. Bereziki nabarmendu du gizarte politiketan izan zuen begirada aurreratua.
Azkenik, Pedro Miguel Etxenike zientzialariak eta aurreneko Eusko Jaurlaritzan Hezkuntza sailburu izan zenak adierazi du "politikari erraldoi bat" joan dela. "Utzi digun eredua jarrai dezagun".
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.