Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.
2025eko ekainaren 16an, egungo Eusko Jaurlaritzak omenaldia egin zion Garaikoetxeari Gasteizko Ajuria Enea Jauregian, eta haren gobernuko hiru sailburuk lagundu zuten: Pedro Miguel Etxenike Hezkuntza sailburua, Javier Lasagabaster Lurralde Politika eta Herri Lan sailburua eta Pedro Luis Uriarte Ekonomia eta Ogasun sailburua.
Garaikoetxeak gogora ekarri zituen 1980tik aurrera buru izan zen Eusko Jaurlaritzak izan zituen zailtasunak, baina nabarmendu zuen Euskadi gizarte "ausarta eta langilea" dela, erronkak gainditu dituena eta, "elkartuta eta aniztasuna errespetatuz", etorkizunekoak ere gainditu egingo dituela.
Garaikoetxea lehendakariak bere esker ona adierazi zion Imanol Pradalesi, ekitaldia Ajuria Enean deitzeko "eskuzabaltasuna" izateagatik, "ekitaldi maitagarria da, eta, gainera, atsegin handiz parte hartu dut hiru sailburu-lagunekin", esan zuen. "Ajuria Enea nire etxea izan zen sei urtez, eta denbora igaro ez balitz bezala da, denborak ez baitu gure adiskidetasuna eta oroitzapenak desagerraraztea lortu", nabarmendu zuen.
"Gaur esker onez begiratzen dugu atzera, elkarrekin eraiki duguna ospatzeko. Ziur nago iragan zurrunbilotsua nota onarekin gainditu eta gero, Euskadik arrakastaz aurre egingo diela etorkizuneko erronka konplexuei eta bere alde moldatuko dituela", gaineratu zuen Garaikoetxeak.
Lehen gobernu hartako lehendakariaren hitzetan, "etorkizuneko erronkak handiak dira, baina horiek gainditzeko gaitasun handia dugu. Nazio ausarta eta langilea gara. Elkartuta, lankidetza leiala eta aniztasunarekiko errespetua oinarri hartuta, Euskadi hobea, oparoagoa eta iraunkorragoa eraikiko dugu", azpimarratu zuen.
Garai hartatik, 1980tik, zailtasun eta une oso mingarriak gainditu behar izan zirela gogoratu zuen Garaikoetxeak. "Ezin dut memoriatik ezabatu bere ikastetxean (Ortuellan) haurrak hil zituen leherketa hura, uholde haiek... Eroritako guztia berreraikitzen jakin genuen, baina betirako arrastoa utzi zuen gure memorian", gogorarazi zuen.
Garaikoetxeak honako mezuarekin agurtu zuen bere ondorengoa: "Imanol, zorte on, eta animo eta eutsi gogor".
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".