Denboraleak
2023/09/03 - 16:45
DANA denboraleak ekarritako euriteek % 10 handitu dute Nafarroako urtegi batzuetako ur maila
Eugiko urtegia, esaterako, ostiralean % 84 zegoen beteta, eta une hauetan % 91raino iritsi da. Gainontzeko presei erreparatuz gero, uraren maila ez da horrenbeste igo, pare bat puntu, baina, pare bat egunetan.
2023/09/03 - 11:05
Denboralearen ostean, barealdia eta tenperatura igoera ekarriko ditu igandeak Euskal Herrira
Gogotik egin zuen atzo euria Nafarroan, eta Iruñean inoizko prezipitazio marka historikotik gertu geratu ziren, metro koadroko 145 litro jasota. Arazo larririk ez zen izan, ordea: putzuak errepideetan, fatxada baten erorketa Burlatan eta bertan behera utzitako entzierroa Azkoienen, besteak beste.
2023/09/02 - 22:39
Goialdeko depresioagatik alertan daude Espainiako erkidego guztiak, Kanaria uharteak eta Ceuta izan ezik
Denboraleak bi hildako utzi ditu Pirineoetan. Gainera, Valentzian tornado txikiak sortu dira itsasoan, eta Logroñon musika jaialdi bat bertan behera utzi behar izan dute euri jasengatik.
2023/09/02 - 22:32
Euriteak Nafarroa osora zabaldu dira egunean zehar, nahiz eta arratsaldean baretzera egin duen
Urak hainbat herritako jaiak zapuztu ditu arratsalde honetan. Esaterako, Azkoienen entzierroa korritzeko bidea urazpian gertatu da.
2023/09/02 - 22:24
Ekaitz gogorrak igarota, atertzera egin du Iruñean
Azken orduak gorabeheratsuak izan dira eguraldiari dagokionez, Iruñean batez ere. Ur putzuek eta uholdeek traba dezente eragin dituzte Nafarroan, baina arratsaldean atertzera jo du.
2023/09/02 - 21:37
Denboraleak triskantza eragin du Oiongo mahastietan
Euriak kalte nabariak utzi ditu Arabako Errioxako landa eremuan, eta mahastietan galera nabariak izan dira, irudietan ikus daitekeen bezala.
2023/09/02 - 16:41
Euri-jasa bortitzek uholdeak eragin dituzte Donostiako Antigua auzoan
Egoera zaildu da Gipuzkoako errepideetan, udako itzulera operazio betean, euriarengatik. Gainera, Menorcatik Hondarribira iritsi behar zuen hegaldi bat Loiura desbideratu dute ekaitzagatik.
2023/09/02 - 16:37
Bart gauean erruz egin du euria Nafarroan, eta hainbat tokitan arazoak sortu dira
Etengabe bota du euria gauean, Iruñerrian bereziki, baita Pirinioetan, Lizarraldean eta Sakanan ere. Gogor jo du ekaitzak, eta tximistak nonahi ikusi ditugu.
2023/09/02 - 13:37
Goialdeko depresioaren euri-zaparradak Gipuzkoara iritsi dira dagoeneko
Larunbat goizetik gogotsu botatzen ari da Gipuzkoan. Irudietan, Urnietako udalerria. Jonathan Lopezek grabatutako bideoa.
2023/09/02 - 13:25
Naturaren indarra: bart Mañerun izandako ekaitz elektrikoaren timelapse
Ekaitz elektriko handiak ekarri ditu DANA denboraleak Nafarroako Foru Erkidegora. Ivan Rodriguezek grabatutako bideoa.
2023/09/02 - 13:11
Ekaitzek 20.000 tximistatik gora eragin dituzte Nafarroan eta zonalde mugakideetan
Atzoko ekaitzak tximista eta trumoi ugari bota zituen Uztarrozen. Alfonso Alastueyren bideoa.
2023/09/02 - 12:55
Txingor-ekaitz handia bota du bart Noainen
Gasolindegi batean zeuden hainbat gidari txingor-ekaitz handi baten lekuko izan ziren atzo Noainen. Autoa ez erabiltzeko gomendatu du SOS Nafarroak. Francisco Jose Vidartek grabatutako irudiak.
2023/09/02 - 11:18
Denboralea Euskal Herrian
DANA denboralearen ondorioz, alerta laranja ezarri dute larunbat honetarako Nafarroan eta abisu horia EAE zein Iparralderako. Araba ekialdean zaparrada oso handiak eta haize indartsua dabil goizean goiz.
2023/08/31 - 23:10
Lau familia ebakuatu dituzte Donostiako Ulia pasealekuan, mendi-magaletik harri batzuk jausi ondoren
Azken egunetako eurien ondorioz, harri batzuk erori dira 38. eta 40. zenbakien parean.
2023/08/31 - 16:28
Arnaitz Fernandez: ''Ekaitzak ostiral arratsaldean iritsiko dira eta larunbata oso euritsua izango da''
Goialdeko borraska batek prezipitazio handiak eta iraunkorrak ekarriko ditu Euskal Herrira, batez ere larunbatean; igandean, urruntzen joango da, eta astelehenetik aurrera, tenperaturak gora egingo du, iragarpenaren arabera.
2023/08/28 - 14:12
Dozenaka hegaldi bertan behera utzi eta desbideratu behar izan dituzte Balear Uharteetan, denboraleagatik
Atzo 18 hegaldi desbideratu behar izan zituzten eta 27 iritsi eta 29 irteera bertan behera geratu ziren Palmako Son Sant Joan aireportuan. Eivissako aerodromoan, zortzi hegaldi desbideratu eta 27 bertan behera geratu ziren. Menorcan, berriz, 3 hegaldi desbideratu eta 7 bertan behera geratu ziren.
2023/08/27 - 22:23
Hainbat zauritu, erreskateak eta itsasontzien talkak Mediterraneoa astintzen ari den denboraleagatik
Euri eta haize denborale bortitzak ehunka gorabehera sortu ditu Balearretan, Katalunian eta Valentziako Erkidegoan. Iragarpenen arabera, eguraldi txarrak jarraituko du datozen orduetan.
2023/08/04 - 10:40
Hiru metroko olatuak eta euri-jasak Gipuzkoan eta Nafarroa iparraldean, denboralearen azken egunean
EAEn bi abisu hori daude indarrean, bat nabigaziorako, 18:00ak arte, eta bestea euriteengatik Gipuzkoan, 12:00ak arte. Nafarroan, Baztan abisupean egongo da arrazoi beragatik, eta 12 orduko epean 40 litro pila daitezke metro koadroko.
2023/08/03 - 15:58
Euskal kostaldeko olatu handien eta itsaso zakarraren irudi ikusgarriak, drone batetik ikusita
Donostiako buian 9,5 metrorainoko olatuak erregistratu dituzte, altuera adierazgarria 6 metrokoa izan bada ere. Bizkaian, Armintzan (Lemoiz), 8,5 metroko olatuak izan dira (altuera adierazgarria, 4,9 m-koa). Bilboko Portuan, olatu altuenak 6,6 metrokoak izan dira (altuera adierazgarria, 4,6 m-koa).
2023/08/03 - 15:40
Donostiako Pasealeku Berria, 'Haizearen orrazia' eta Santa Klarako uhartea, itxita olatu handiengatik
Uhartea larunbatera arte egongo da zarratuta. Ordura arte, olatuek kostaldean inpaktua izan dezakete itsasgoran, eta, badaezpada, hainbat neurri prebentibo hartu ditu Donostiako Udalak.