Desagertutako Pertsonak
2022/02/06 - 15:40
Omenaldi hunkitua Sololuzeri eta Beltrani Zaldibarko hondamendiaren 2. urteurrenean
Erantzukizunak eskatzeko manifestazioaz gain, omenaldia ere izan da herritar askoren partehartzearekin, tartean hildako langileen senideekin.
2022/02/06 - 15:38
Esther Lopezen heriotza ikertzen ari dira
Zalantzak dira nagusi oraindik Esther Lopezen heriotzaren inguruan. Larunbat honetan Traspinedotik hiru kilometrora topatu zuten gorpua eta, lehen datuen arabera, ez du indarkeria zantzurik. Dena den, zalantza horiek guztiak autopsia egin eta gorpua zegoen tokia aztertuta argitzea espero dute.
2022/02/05 - 20:00
Urtarrilaren 12tik falta zen Traspinedoko emakumearen (Valladolid) gorpua aurkitu dute
Esther Lopezen desagerketak oihartzun handia izan du komunikabideetan. Hasieran pertsona bat atxilotu zuten baina baita libre utzi ere ondoren. Gaur egun, bi lagun ikertzen ari dira.
2022/02/05 - 12:57
Zangozan ostiraletik desagertutako 72 urteko gizon baten bila ari dira
Larrialdi zerbitzuek; suhiltzaileak, Foruzaingoa eta Guardia Zibila tartean, gizona bilatzeari ekin diote.
2022/02/04 - 07:00
AURRERAPENA: Elena Alvarez, Joaquin Beltranen emaztea: 'Ikaratu egiten nau gertatutakoa gogoratzeak'
Elena Alvarezek, Joaquín Beltranen emazteak, esan du ezinezkoa zaiola zauria ixtea, 'beti egongo baita hor odoletan'. Zaldibarko zabortegian gertatutakoaren ondoren ematen duen lehen elkarrizketa da, eta gertatutakoa gogoratzeak ikaratu egiten duela ziurtatu digu. Elkarrizketa osoa, Gaur Egunen.
2022/01/08 - 16:10
8 urte bete dira Borja Lazaro Kolonbian desagertu zenetik
Borja Lazaro gasteiztarra duela 8 urte desagertu zen Kolonbian. Senideek eta lagunek elkarretaratzea egin dute kasua ez ahaztea eskatzeko. Tartean izan dira Jaurlaritzako Osasun sailburuordea, Arabako Ahaldun Nagusia eta Udaleko ordezkariak.
2022/01/08 - 13:49
Abenduan Nafarroan desagertutako 42 urteko gizonaren bila jarraitzen dute
Gizona Lizarran zegoela ikusi zuten azken aldiz.
2022/01/08 - 09:29
Onik aurkitu dute Barrikan desagertutako 91 urteko gizona
Arratsaldean salatu zuen familiak desagerpena eta berehala abiatu ziren bilaketa lanak. Goierri auzoko baso batean aurkitu zuten.
2021/12/27 - 11:19
Onik aurkitu dute Hiru Erregeen Mahaian galdutako mendizale iruindarra
2.000 metro inguruko altueran topatu dute, Hoya de la Solanako txabolatik gertu. Lagun batek deitu zuen larrialdi zerbitzuetara, 19 urteko mendizalea Linzako aterpera itzuli ez zelako. Izan ere, bertan zuen aparkatuta autoa.
2021/12/18 - 12:34
Larri aurkitu dute ostiralean Hernanin desagertutako gizona
Karabel auzoan aurkitu dute gizona, eta Donostia Ospitalera eraman dute jarraian.
2021/12/16 - 14:36
Gizon baten gorpua topatu dute Gasteizko erreka batean
Errekaleorko ubidean aurkitu dute, Zubi Garaiaren parean. Ertzaintzaren arabera, ez da desagertuta dagoen 68 urteko gizasemearena.
2021/12/16 - 07:51
Hilda aurkitu dute Iruñean falta zen 75 urteko gizona
Abenduaren 4tik ari ziren haren bila, eta, azkenean, haren gorpua aurkitu dute Santa Luzia muinoaren eta Agustindarren industrialdearen artean.
2021/12/15 - 07:59
68 urteko gizon baten bila ari dira Gasteizen
Gizona paseo bat ematera irten zen astelehenean eta, etxera itzultzen ez zela ikusita, haren desagerpena salatu zuten senideek. Armentia inguruan ari dira haren bila.
2021/12/11 - 00:18
Elizondon desagertu den 61 urteko gizon baten bila ari dira
Foruzaingoaren patruila batzuk haren bila ibili dira ostiral honetan, eta larunbatean, eguna argituta, berriko ekingo diete bilaketa-lanei, Nafarroako Suhiltzaileekin batera.
2021/12/06 - 20:35
Larunbatetik eta igandetik desagertuta dauden 74 eta 42 urteko bi gizonen bila dabiltza Nafarroan
74 urteko gizona Iruñean ikusi zuten azken aldiz, Arrotxapean, larunbat arratsaldean; 42 urtekoa, aldiz, igandeko goizaldetik dago desagertuta, eta Lizarran zegoen une horretan.
2021/12/06 - 14:11
Larunbatean desagertutako 74 urteko Arrotxapeko bizilaguna bilatzen jarraitzen dute
Gaur goizean berriro ekin diote larunbat arratsaldean Arrotxapean desagertutako 74 urteko gizona bilatzeko lanei. Azkeneko aldiz ikusi zuten lekuan egindako miaketek ez dute emaitza positiborik eman.
2021/12/05 - 21:33
Larunbatean Arrotxapean desagertu zen 75 urteko gizon baten bila ari dira
Tokiko eta estatuko segurtasun-gorputzek bilaketa dispositiboa jarri dute martxan, eta orain Arga ibaian ere ari dira gizonaren bila.
2021/12/04 - 22:11
Misael Centeno, ibaian hilda aurkitu zuten gizona, gogoan hartu dute Karrantzan
Herritarrengandik jasotako berotasuna biziki eskertu dute nikaraguarraren hurbilekoek. Bilbotik ere autobus bete jende joan da Karrantzara, eta herritarrek injustiziatzat jotzen duten heriotza argitzeko aldarrikatu dute.
2021/12/02 - 07:54
Onik aurkitu dute Galdakaon falta zen 90 urteko gizona
Asteartean desagertu zen, eta bart aurkitu dute, hipotermia zantzuak zituela.
2021/12/01 - 15:31
Karrantza ibaian hilda topatu dute igandetik desagertuta zegoen gaztea
Joan den larunbat gauean Karrantzako Ambasaguas auzoko taberna batean egon zen, eta ikerketaren iturriek ETBri esan diotenez, bertan borrokarik egon ez bazen ere, halako batean gaztea tabernatik azkar antzean atera zen, zenbait pertsona segika zituela.