Egipto
2024/04/26 - 15:52
Egiptoko ordezkaritza bat Israelera iritsiko da gaur, su-etena lortzeko negoziazioak berpizteko asmoz
Egiptoko segurtasun iturriek azaldu dutenez, Kairok Israelgo kartzeletan dauden preso palestinarrekin trukea proposatu du, besteak beste.
2024/04/19 - 16:13
Nazioartearen erreakzioa, Israelek Irani eraso egin ostean
Gutxienez hiru leherketa gertatu dira Isfahan hirian, base militar batetik gertu. Israelek ez du operazioa baieztatu. Iranek ukatu egin du misilekin egindako erasoa izan dela, eta "objektu hegalari batzuk" aipatu ditu.
2024/04/09 - 10:57
Rafahren kontrako erasoak "badu data", Netanyahuren esanetan
Bi aldeak su-etena negoziatzen dabiltzan bitartean egin du iragarpena Israelgo lehen ministroak. Hamasek onartu du azken proposamena aztertzen ari dela, eta Egipto eta Qatar bitartekariak "baikorrago" azaldu dira.
2024/04/06 - 21:53
Hamasek ordezkaritza bidali du igandean Kairon egingo diren elkarrizketetara
Israelek eta AEBk bahituak askatzeko eskatu dute balizko su-etena abiatu aurretik; Hamasek, berriz, soldadu israeldarrak Gazatik erretiratzea eta bonbardaketak etetea jarri du baldintza gisa.
2024/03/31 - 14:38
Gazan su-etenerako negoziazioak, gaur, Kairon, Netanyahuk bahituen senideen babesa galtzen duen bitartean
Hainbat bahituren senideek haiek askatzeko "akordio baterako oztopo" gisa ikusten dute lehen ministroa, eta Tel Aviveko Bahituen Plazako elkarretaratzeetan parte hartzeari utzi eta agintariaren aurkako kale mobilizazioetan parte hartzen hasiko direla iragarri dute.
2024/03/25 - 10:20
Rafahri erasoz gero, ondorioak egon litezkeela ohartarazi dio AEBk Israeli
Kamala Harris AEBko presidendeteordeak adierazi duenez, Egiptoko mugatik gertu, Zerrendako hegoaldean, desplazatutako 1,2 milioi gazatarrek "ez dute nora jo", eta hortaz, gune horretan erasoaldia egitea "akats larria" litzateke.
2024/03/16 - 19:01
Igande honetan helduko diete berriro Gazan su-etena adosteko negoziazioei, iturri egiptoarren esanetan
Dohan bilduko dira oraingoan, Kairon batu beharrean, aurreko hitzorduak han izan diren arren. Egiptoko, Qatarko eta Israelgo ordezkariak egongo dira bileran, baina Hamasek ez du parte hartuko.
2024/03/05 - 10:56
Israelek eta Hamasek su-eten baterako "oinarriko puntuak" adostu dituzte, iturri palestinarren arabera
Iturrion arabera, 40 egun iraungo iraungo lituzke su-etenak. 40 bahitu israeldar (umeak, haurrak eta 60 urtetik gorako gizonezkoak) eta 404 preso palestinar aske utziko lituzkete tarte horretan.
2024/03/04 - 14:18
Hamasen eta Israelen arteko elkarrizketek astelehen honetan jarraitzen dute Kairon
Elkarrizketan ez dago Israelgo ordezkaririk, Hamasek oraindik bizirik dauden bahituen zerrenda emateari uko egin izana salatzeko.
2024/03/03 - 10:54
Gazako Zerrendan su-etena adosteko negoziazioetan parte ez hartzea erabaki du Israelek
Igande honetan berrekin diete Kairon Hamasen, AEBren eta Qatarren arteko negoziazioei. Israelek parte ez hartzea erabaki du, Hamasek ez duelako bahituen egoerari buruzko informaziorik eman.
2024/02/26 - 09:53
Gazan su-eten bat ezartzeko negoziazioak berrabiarazi dituzte Israelek eta Hamasek, Qatarren
Negoziazioaren gertuko iturriek aurreratu dutenez, Israelek mahai gainean jarriko duen zirriborroak sei asteko su-etena proposatzen du, 40 bahitu israeldar eta 200-300 preso palestinar askatzearen truke.
2024/02/14 - 13:34
Israelek Gazan egindako erasoek 103 hildako eta 145 zauritu utzi dituzte azken 24 orduetan
Joan den urriaren 7an gerra hasi zenetik, Gazan gutxienez 28.576 palestinar hil dira, eta zaurituen kopurua 68.291era igo da, iturri berak ziurtatu duenez.
2024/02/13 - 16:56
CIA, Mossad eta Qatar Egipton bildu dira Gazan su-etena eztabaidatzeko
CIAko eta Mossadeko ordezkari nagusiek Egiptorekin eta Qatarrekin batera eztabaidatuko dute ordezkaritza palestinarrak Parisko negoziazioen aurreko proposamena aldatzeko aurkeztu zituen proposamenak.
2023/12/24 - 19:40
Egiptok bi asteko su-etena proposatu dio Hamasi, 40 bahitu israeldar askatzearen truke
Hiru faseko plan bateko lehen puntua litzateke hori, amaieran lortzeko gerra erabat etetea, bi aldeen artean presoak eta bahituak trukatzeko akordio integral bat erdiestea eta Israel Gazatik erretiratzea. Elkarrizketak Kairon ari dira egiten.
2023/12/11 - 18:54
NBEko Segurtasun Kontseiluko ordezkaritzaren bisita Egiptora, laguntza humanitarioren "oztopoak" ikusteko
"Israelek jarritako oztopoak" behin baino gehiagotan salatu ditu Egiptok, laguntza humanitarioa Gazara eramateko lanak atzeratzen dituztelako. Horregatik, laguntza etengabe sartzea ahalbidetzeko eskatu dio Kairok Tel Avivi.
2023/12/10 - 12:03
Al Sisi, faborito bakarra Egiptoko hauteskunde presidentzialetan
Oposizioak oso indar txikia du, eta litekeena da Al Sisik eskuratzea hirugarren agintaldiari ekiteko beharrezko babesa, botoen % 50, alegia. Bozketak hiru egun iraungo du, eta parte-hartzeak behera egitea espero da.
2023/11/28 - 12:36
Israelek 30 emakume eta haur palestinar kartzelatik atera ditu, eta Hamasek 12 bahitu askatu
Israelek 50 palestinar gehitu ditu kartzelatik atera daitezkeenen zerrendara, tartean Ahed Tamimi ekintzailea. Orain arte, Hamasek 60 israeldar askatu ditu, baita beste 21 atzerritar ere.
2023/11/27 - 18:48
Akordioa itxi dute Gazako Zerrendan su-etena beste bi egunez luzatzeko
Qatarrek, Egiptok eta Hamas Erresistentzia Islamikoaren Mugimenduak berak baieztatu dute beste bi egunez borrokaldiak eteteko akordioa. Orain arte, Israelgo Gobernuak ez du su-etenaren luzapenari buruzko adierazpenik egin.
2023/11/26 - 20:57
Arrakastaz osatu da Hamasek bahitutakoen eta Israelek preso hartutakoen hirugarren trukea
Hamasek 17 lagun askatu ditu eta Israelek 39 preso, adin txikikoak denak. Egiptok eta Qatarrek, Israelen eta Hamasen arteko su-etenaren bitartekariek, azaldu dute bi aldeek "erantzun positiboa" eman diotela su-etena beste lau egunez "baldintza berberetan" luzatzeko proposamenari.
2023/11/25 - 13:02
Laguntza humanitarioa daraman konboi bat sartu da Gazan, su-etenaren bigarren egunean
Egiptoko Gobernutik gertu dagoen Al Qahera News katearen arabera, oheak, kanpin-dendak, ura eta elikagaiak daramatza. Ez du xehetasun gehiagorik eman, baina, kateak dioenez, gaur 340 kamioik zeharkatuko dute Gazako Zerrenda.