Israelen eta Hamasen arteko su-eten baterako itxaropena zabaldu da nazioartean
Gazako Zerrendan su-etena ezartzeko negoziazioak bide onetik doaz, eta akordioa hurbil dago, nahiz eta oraindik itunik itxi ez duten, Kairon izaten ari diren elkarrizketen berri duen iturri batek EFE albiste-agentziari jakinarazi dionez.
Palestinako iturri anonimo baten esanetan, aurrerapausoak egon dira Hamasen eta Israelen arteko negoziazioetan, eta Egiptoko ordezkaritzak desadostasun puntuak nolabait "arintzea" lortu duela erantsi du.
Hamas mugimendu palestinarraren eta Qatarren bitartekaritzaren ordezkariak Kairon dira goizetik, balizko su-etenaz eta bahituak askatzeaz hitz egiteko.
Bi taldeak Qatartik abiatu den hegazkin batean iritsi dira.
Al Qahera News Egiptoko telebista-kateak bi aldeetako ordezkariei esan die azken orduetan "aurrerapauso garrantzitsuak" eman direla gatazka konpontzeko bidean.
"Goi-mailako iturriak" aipatuta, telebista-kate horrek zehaztu du hizketaldietan parte hartzen ari diren negoziatzaileek gertu dutela "akordiorako formula bat", konpondu gabe dituzten gaiekin lotutakoa. Dena den, ez du informazio horren gaineko xehetasun gehiagorik eman.
Hamasek gerra amaitzea eskatu du berriro
Hamasek ez du itunik sinatuko, baina bileran bere buruzagi Yahia al Sinwarrek egindako eskaerak aztertuko dituzte.
Hain zuzen ere, eskari horiek Hamasek bahituta dituen israeldarrak eta Palestinako presoak trukatzearekin daude lotuta, bai eta Israelek gerra bukatzeko eman beharreko bermeekin ere. Israelek eta Benjamin Netanyahu lehen ministroak, baina, uko egin diote eskari horri.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.