Erlijioa

2024/11/18 - 13:16

Abade gasteiztar baten abestia, Espainiako Estatuko kanta erlijioso onenen artean

Jose Javier Ruiz de Egilaz abadeak eta Gasteizko San Viator ikastetxeko iraskasleak "Me sé sostenida por Dios" izenburuko kanta sortu du. Aguraingo moja gazte baten hil aurreko testigantza jasotzen du, eta Spera Sarietan boto gehien lortu dituen abestien artean dago.

2024/10/26 - 13:07

Aralarko San Migel santutegiko sarrerako atea erre dute

Gainera, Daviden izarra margotu eta "jude" idatzi dute bertan. Foruzaingoak ikerketa abiatu du Iruñeko artzapezpikuak salaketa aurkeztu ostean.

2024/10/17 - 11:02

Euskadiko biztanleriaren % 35,5ek ez du bere burua sinestuntzat hartzen

Ikuspegiren ikerketa baten arabera, fededunak ez diren pertsonen kopuruak nabarmen egin du gora, eta euskal herritarren erdiek baino gehiagok erlijio katolikoarekin bat egiten jarraitzen dute; erlijio minoritarioak, berriz, pixka bat hazi dira, % 7,3raino.

2024/09/28 - 15:54

Urbiako baselizak 36.000 pezetako aurrekontua izan zuen, eta bost hilabetean egin zuten

1924ko irailaren 28an inauguratu zen Urbiako baseliza, "artzainen katedrala", Aizkorriko mendi magaletan. Frantziskotarren eskutik etorri zen, hainbat herritarrek eta enpresarik emandako diruari esker. Mende batean pasadizo ugari izan dira, eta ezagunena gogorarazi dugu.

2024/09/16 - 22:35

Icetak Beloradoko moja klaratarrak auzitara eraman ditu, monasteriotik ateratzeko asmoz

Horrela, Mario Iceta Burgosko artzapezpikuak salaketa aurkeztu du Briviescako epaitegian, Eliza Katolikoak mojak eskumikatu eta kanporatu zituenetik ia hiru hilabete pasata.

2024/09/09 - 14:58

Arantzazuko Amaren egunaren ekitaldietan izan da lehendakaria

Imanol Pradalesekin batera, Bakartxo Tejeria Legebiltzarreko presidentea, Maria Ubarretxena sailburua eta Eider Mendoza Gipuzkoako ahaldun nagusia izan dira, besteak beste. Ohorezko aurreskuaren ondoren, meza eman du gotzainak.

2024/09/02 - 15:08

Polemika Cascanten, apaiz batek musulmanen aurkako sermoia eman baitu

Herriko jaietako meza nagusian, alderdi politikoetako ordezkarien aurrean, erakundeek bertakoei baino erraztasun gehiago ematen dizkietela adierazi zuen Jesus Planillok, eta penatuta agertu zen mezatara jende gutxi joaten delako.

2024/07/30 - 18:37

Jose Antonio Aduriz hizkuntzalari eta ohorezko euskaltzaina hil da

Oiartzuarrak Deustuko Unibertsitatean egin zituen Euskal Filologiako ikasketak. Frantziskotarra eta Jakin taldeko kidea, UZEIn eman zuen lan ibilbidearen zatirik handiena. Andres Urrutia euskaltzainburuak nabarmendu du Euskaltzaindiak "asko" zor diola.

2024/07/18 - 19:00

Zazpi emakumek Pierre abadeak, Emauseko Trapuketarien sortzaileak, egindako sexu-erasoak salatu dituzte

Emaus Gizarte Fundazioak babesa adierazi die biktimei, eta "gogor" gaitzetsi ditu edozein motatako botere-abusuak, akusazioak argitara atera ostean.

2024/07/03 - 00:23

Gutxienez 116 pertsona hil dira Indian azken hamarkadan izan den ihesaldi handienean

Indiako agintariek adierazi dutenez, ihesaldia grtatu zen zeremonia erlijiosoak baimendutako mugak gainditu zituen, 80.000 pertsona baino gehiago hartu baitzituen.

2024/06/26 - 18:53

Pia Unioneko apaizek Beloradoko komentua utzi dute, baina mojek bertan jarraitzen dute

Zenobioaren barruan komunitatea osatzen duten hamabost erlijiosoak, horietatik hamar eskumikatuak, langileak eta senideetako batzuk daude.

2024/06/17 - 17:04

Gutxienez 14 pertsona hil dira intsolazioagatik Mekarako erromesaldian

Hildakoak Jordaniako herritarrak dira. Agintariek jakitera eman dutenez beste 17 pertsona ere desagertuta daude. Azken egunetan termometroak 45 eta 48 gradu artera iritsi dira Mekan.

2024/06/14 - 19:04

Aita santuak, G7ari: "Makina bakar batek ere ez luke inoiz erabaki behar gizaki bat hiltzea"

Adimen artifiziala (IA) gerra industrian aplikatzearen hondamendiaz ohartarazi du eta "arma autonomo hilgarriak" debekatzea eskatu du. Aita santuaren hitzetan, IA "liluragarria eta izugarria" da aldi berean.

2024/06/13 - 21:05

Emakume laikoak, kristau ospakizunen buru Euskadiko hainbat herritan

Gero eta ohikoagoa da emakumeak aritzea ospakizun horiek gidatzen. Oraindik harridura sortzen duen arren, gure herri eta auzoetan zabalduta dagoen errealitatea da. Beraiengana hurbildu nahi izan dugu gaurkoan.

2024/05/29 - 18:54

Eliza katolikoak erabateko boterea eman dio Icetari, Belorado, Urduña eta Derioko monasterioak kudeatzeko

Burgoseko artzapezpikuak Pablo de Rojas eskomikatutako gotzain faltsuari eta Jose Ceacero Pia Union Sancti Pauli Apostoli delakoaren bozeramaileari Beloradoko komentua uzteko eskatu die. Ceacerok esan duenez, "Artzapezpikutza egiten ari dena legez kanpokoa da".

2024/05/28 - 19:03

Aita santuak barkamena eskatu du eta ez zuela iraintzeko edo hitz homofoboak adierazteko asmorik dio

"Askotan pazientzia galtzen dugu, baita nik ere. Barkamena eskatzen dut atzoko eredu txarragatik", adierazi zuen Frantziskok jauregi apostolikoko leihotik angelusa otoitz egin baino lehen.

2024/05/28 - 00:41

Frantzisko aita santua: "Apaiztegi batzuetan giro marikoi handiegia dagoela uste dut"

Aita santuak italierazko 'frocciagine' (marikoia) hitza erabili zuen maiatzaren 20an Italiako apezpikuekin izandako bileran, eta duela egun pare bat argitaratu zen Dagospia webgunean.

2024/05/16 - 13:42

Gasteizko moja klaratarrek epaitegietara joko dute Urduñako monasterioaren salmenta baliogabetzeko

Auzitegietan demanda aurkeztuko dute, uste dutelako Beloradoko klaratarrak ezin direla Eliza katolikoaren jabetzekin gelditu "sekta" batera joan direlako.

2024/05/16 - 00:11

Luis Santamaria teologoa sekta katolikoen ikertzailea da eta argi du mojak engainatu egin dituztela

Luis Santamaria sekta katolikoen ikertzailea da, eta argi du mojak engainatu egin dituztela. Bere esanetan, gertatutakoaren atzean interes ekonomikoak daude, Sor Isabel abadesak "boterean betikotzeko" gainerako mojak engainatuta dituelako.

2024/05/15 - 12:24

Gasteizko Elizbarrutiak dio Beloradoko abadesak "mojak engainatzen dituela botereari eusteko"

Elizbarruti horretako bikarioak azaldu duenez, Beloradoko eta Urduñako klaratarrek ez dute Derioko komentua saltzeko prozedura tasatua jarraitu eta gai horren guztiaren atzean "interes ekonomikoak eta botere-interesak baino ez daude".