Giza eskubideak

2024/05/22 - 10:53

UNRWA erakundeak bertan behera utzi du elikagai banaketa Rafahn

Agentziak ohar bidez esan duenez, bi arrazoi daude banaketa bertan behera uztearen atzean: batetik, elikagaiak falta zaizkie, eta, bestetik, oso arriskutsua da inguru horretara sartzea. Maiatzaren 13tik 19ra laguntza humanitarioarekin soilik 48 kamioi sartu dira Rafahn.

2024/05/21 - 22:54

PSOE bakarrik geratu da, eta Kongresuak ez du proxenetismoaren aurkako legea onartu

PPk, Sumarrek, ERCk, Juntsek, EAJk eta EH Bilduk kontra bozkatu dute; Podemos eta Vox abstenitu egin dira, eta PSOErekin batera Coalicion Canariak, BNGk, UPNk eta Jose Luis Abalosek baino ez dute baiezko botoa eman. 184 aurkako boto izan dira, aldeko 122 eta 36 abstentzio.

2024/05/21 - 13:02

Israel Gazan egiten ari den erasoaldia "ez da genozidioa", Bidenen aburuz

AEBko presidenteak babesa adierazi dio, beste behin, Israeli eta Hagako fiskalburuaren erabakiaren kontra egin du. Horren arabera, ez dago Israel Hamasekin "alderatzerik".

2024/05/20 - 18:14

Netanyahu atxilotzeko agindua abiatzea eskatu du Hagako fiskalak

Auzitegiko Fiskaltzak uste du "arrazoizko zantzuak" daudela esateko Israelgo lehen ministroak baduela "zigor ardurarik" Gazan egindako gerra krimen eta gizateriaren aurkako krimenen kasuan. Netanyahuz gain, Gallant Defentsa ministroa eta Hamaseko hiru kide atxilotzea galdegin du fiskalak.

2024/05/17 - 16:48

Lehen kamioiak lehorreratzen hasi dira Gazan, AEBk jarritako behin-behineko kaiaren bidez

Kamioiek, batez ere, hainbat herrialdek eta erakunde humanitariok emandako oinarrizko produktuak daramatzate. Azpiegitura horri esker, egunean 90 kamioi inguru iritsiko dira Gazara, eta kopuru hori 150 kamioira igoko da planaren bigarren fasean.

2024/05/16 - 21:56

Rafahko erasoaldia Gaza suntsitzeko "amaieraren" parte dela ohartarazi dio Hegoafrikak Hagako Auzitegiari

Nabarmendu duenez, Nazioarteko Justizia Auzitegiaren aurreko aginduak ez dira eraginkorrak izan, "izan eskatzen dutenaren argitasun faltagatik, izan Israelek entzungor egin dielako"; eta auzitegiari eskatu dio Israeli "argi eta garbi" exjitzea operazio militarrak bertan behera utz ditzan.

2024/05/16 - 21:06

Nafarroako Parlamentuak Gazako "genozidioa" salatu du

Mozioari PSNren zuzenketa bat gehitu zaio, puntu berri bat gehitzeko. Hartan, Nafarroako Parlamentuak Hamasek Israelgo Estatuaren aurka egindako "eraso terroristak" gaitzetsi ditu.

2024/05/15 - 23:06

Mobilizazioak Palestinaren alde eta Israeli boikota egitea aldarrikatzeko, Nakba egunean

Bilbon, Donostian eta Gasteizen 19:00etan izan dira protestak, eta Iruñean, berriz, bart gauerdian.

2024/05/15 - 20:32

Maya Sheeb, palestinarra: ''Genozidio bat da; guk aldaketa lortzeko ezagutza eta boterea daukagu''

Deustuko Unibertsitateko ikasleek elkarretaratzea egin dute Israelgo Armada babesten dutenekin harremanak hausteko eskatzeko. Ikasleen artean gazte palestinar bat zegoen.

2024/05/14 - 21:36

Israel Rafahn barneratzen ari da bonbardaketekin, eta ebakuazio gehiago agindu ditu Jabalian

450.000 pertsonak, biztanleen % 20k, ihes egin dute Rafahtik Israelgo operazio militarra hasi zenetik.

2024/05/14 - 18:55

Pablo Gonzalezek senideen bisita jaso du, eta akusazioa "behingoz zehazteko" eskatu diote Poloniari

Euskal kazetariaren emazteak azaldu duenez, semearekin batera, bi orduz bisitatu ahal izan zuen Gonzalez Poloniako zerbitzu sekretuetako kideen aurrean, bi urte eta hiru hilabeteetako kartzelaldian jaso duen hirugarren bisitan.

2024/05/14 - 00:08

Gazara laguntza humanitarioa zeraman konboi bat geldiarazi eta suntsitu dute Israelen

Dirudienez, erasotzaileak Tzav 9 izenaz ezagutzen den eskuinarekin lerrokatutako erreserbista talde bateko kideak dira, eta aldez aurretik antzeko erasoak egin dituzte.

2024/05/12 - 23:00

Israelen aurka zabalik dauden prozesuetan esku hartzea eskatu dio Egiptok Hagari

Israelekiko harremanetan inflexio-puntua da, urriaren 7an Gazako gerra piztu zenetik. Israelek joan den astean Rafahko mugako pasabidearen alde palestinarraren kontrola bere gain hartu zuenean aldatu zen harreman hori, pasabide horrek lotzen baititu Gaza eta Egipto.

2024/05/12 - 21:44

Israelek Erez mendebaldeko pasabidea ireki duela iragarri du, laguntza humanitarioa Gazan sartzea errazteko

Israelek jakitera eman duenez, pasabidea dagoeneko irekita dago, eta irinez betetako dozenaka kamioi Gazan sartu dira, "segurtasun kontrolak" gainditu ondoren.

2024/05/12 - 20:50

Israelek Gaza iparraldeari eraso dio berriro, Rafahn presio militarra eta izua areagotzen diren bitartean

1988ko Lehen Intifadatik urriaren 6ra bitartean hildako palestinar kopurua halako hiru dira Israelek urriaren 7tik hona hil dituen palestinarrak: 35.000.

2024/05/11 - 20:24

Hainbat kolektibok "bidezko alternatiba sozial bat" garatzeko eskatu dute Iruñean eta Bilbon

Errealitateak langileriari beste irtenbiderik ematen ez diola iritzita, egungo eredu sozioekonomikoa salatu dute antolatzaileek "krisi ekologiko eta sozialari aurre egin ezin diolako" eta "ez duelako bizitza duin bat bermatzen". Hori dela eta, egiturazko aldaketen aldeko apustua egin dute.

2024/05/10 - 00:14

Israelgo kolonoek laguntza humanitarioa daramaten kamioiei Gazako sarrera oztopatu diete

Muturreko israeldarrek laguntza humanitarioa duten kamioien ibilbidea oztopatzeko ekintzak areagotu dituzte.

2024/05/09 - 20:49

Espainiako Unibertsitateetako Errektoreen Konferentzia Israelekiko elkarlan akordioak eteteko prest agertu da

Gazako bakearen alde estatuko unibertsitate campusetan egiten ari diren kanpaldiak eta manifestazioak babestea erabaki dute, eta nazioarteko zuzenbide humanitarioaren defentsarekin "etengabeko konpromisoa" berretsi. Hego Euskal Herriko campusetan, gutxienez bihar arte eutsiko diete kanpaldiei.

2024/05/09 - 18:58

80.000 bat pertsonak Rafahtik ihes egin dute azken hiru egunetan, Israelen erasoen ondorioz, UNRWAren arabera

Asteazken gauean eta ostegun goizean "bonbardaketa ugari" izan dira Rafahko ekialdean. Jada ez da laguntza humanitariorik sartzen Gazara, Israelen setioagatik erabat isolatuta baitago.

2024/05/08 - 22:05

Raquel Marti (UNRWA): ''Israel Rafahn sartzen bada, orain arte ikusi gabeko sarraskia gertatuko da''

UNRWAk dio, orain arte ikusi gabeko sarraskia gertatuko dela Rafahn Israelek ofentsiba gauzatzen badu. Raquel Marti, errefuxiatu palestinarrentzako agentziako kideak, Rafahn 600.000 haur bizi direla ohartarazi digu.