Homofobia

2022/08/09 - 21:33

Gasteizko blusek eta neskek jaietan gertatutako eraso homofoboak gaitzetsi dituzte

Jakin denez, jai giroan gertatutako bi eraso homofobo salatu dira. Bata, taberna batean gertatu da, bestea txosna gunean. Hala jakinarazi du Urtaran alkateak. Biktimetako batek salaketa jarri du. Jazotakoa gaitzesteko, gaur arratsaldean, azken kalejiraren aurretik, elkarretaratzea egin dute.

2022/08/09 - 15:27

Gasteizko jaietan izandako bi eraso homofoboak salatu dituzte erakundeek eta LGTBI+ elkarteek

Besteak beste, Gasteizko Udalak, Jaurlaritzak, Ikusgune Gasteizko LGTBI+fobiaren aurkako behatokiak eta EH Bilduk gaitzetsi dituzte bi gizon homosexualek azken egunotan pairatutako erasoak.

2022/08/09 - 11:12

Gorka Urtaran: “Azken ordu hauetan bi eraso homofobo pairatu ditugu”

Bi eraso homofobo izan dira Gasteizko Andre Maria Zuriaren jaietako azken orduetan, Gorka Urtaran hiriko alkateak Euskadi Irratiko "Faktoria"n adierazi duenez. Erasoetako baten biktimak astinaldiak pairatu ditu, eta besteak, ordea, irainak.

2022/08/07 - 18:12

Artista drag batek Bilboko metroan jasandako erasoa salatu du

Bilboko drag queen batek Twitter bidez salatu duenez, gazte talde batek irainak bota dizkio eta baita heriotza mehatxuak egin ere.

2022/06/28 - 22:54

Aniztasunaren aldarrikapenak milaka pertsona atera ditu kalera

"Transmaribibolloak tinko! Heteropatriarkatuari sua" lelopean, ehunka pertsonak parte hartu dute Iruñeko mobilizazioan. Bilbon, irudi berdina errepikatu da, "Transfobiaren aurrean, tinko!", lelopean. Milaka pertsonak parte hartu dute transfobiaren aurkako manifestazioan.

2022/06/28 - 13:39

Beatriz Artolazabalek sexu eta genero identitaterako eskubidea aldarrikatu du

Berdintasun, Justizia eta Gizarte Politiketako sailburuak oraintsu EAEn izan diren LGTBfobia gertakariak gogorarazi ditu. Gertakari horiek agerian uzten dute "oraindik eremu horretan bide luzea" dagoela egiteko, eta ezin dela "arreta galdu".

2022/06/25 - 18:56

Bi pertsona hil dituzte tiroka Oslon, LGTBIQ+ kolektiboaren taberna batean

Norvegiako hiriburuan, Oslon, gizonezko batek LGTBIQ+ komunitatearen taberna batean bi lagun hil ditu tiroz, eta 21 zauritu. Bertatik gertu atxilotu dute erasotzailea, eta eraso terrorista gisa ari da ikertzen polizia. Osloko harrotasunaren jaialdia bertan behera utzi dute.

2022/06/24 - 16:47

EHGAMEK, Euskal Herriko Gay-Les Askapen Mugimenduak, Urrezko Hirukia eta Trapuzko Espartina sariak banatu ditu

Sari horiekin kolektiboaren alde eta kontra egin dutenak nabarmentzen ditu. Horren harira, EHGAMeko sortzaileetako batekin izan da EITB, Imanol Alvarezekin. Urteak daramatza sexu askatasunaren aldeko borrokan.

2022/06/23 - 22:50

Espainiako Gobernuak astelehenean onartuko du Trans Legea

Honenbestez, testua Kongresuaren esku geratuko da. Espainiako Gobernuak bigarren itzulian onartuko du testua, LGTBI Harrotasun Egunaren bezperan, lehen itzulian gauza bera egin eta urtebete beranduago.

2022/06/12 - 20:06

Gay Harrotasunaren desfilean istiluak egitera zihoazen 31 supremazista zuri atxilotu dituzte Idahon

Atxiloketaren unean, bura estaltzeko oihal zuriak, babesteko elementuak, ke-bonba bat eta eskuin muturreko ideologiarekin lotutako ikurrak zeramatzaten.

2022/05/29 - 14:18

Etniarekin edo sexu-orientazioarekin lotutako delituak salatzera animatzeko kanpaina abiatu dute Euskadin

2021ean 279 gorroto-delitu izan ziren Euskadin, gehienak lesio arrazistak. Gainera, orientazio edo identitate sexualagatik izandako erasoak % 46 igo dira.

2022/05/22 - 20:58

Tximino-baztangaren aurrean diskurtso arrazista eta homofoboez ohartarazi du NBEk

Estereotipo arrazista eta homofoboak indartzen dituzten hizkeraz eta iruditeriaz ohartarazi du NBEko hiesaren aurkako programak. Nabarmendu duenez, "zenbait gizatalderenganako estigmak eta erruak agerraldi baten aurreko erantzuna kaltetu dezakete".

2022/05/17 - 22:20

Asier eta Eder, Euskadiko azkenetariko eraso homofoboen biktimak

Asierreri muturreko bat eman zioten apirilean Bilbon, eta irain homofoboak ere entzun behar izan zituen. Ederreri, aldiz, gazte talde batek harrika egin zion bere bikotebidearekin zegoenenean, igandean, Uribarri Ganboan.

2022/05/17 - 22:14

Ehunka pertsona bildu dira Bilbon, Baionan eta Iruñean LGTBIfobiaren aurkako kontzentrazioetan

Aski dela esateko irten dira kalejiran Iruñean barrena. Errespetua eta tolerantzia aldarrikatzeko oihuak inoiz baino ozenagoak izan dira homofobiaren, transfobiaren eta bifobiaren nazioarteko egun honetan.

2022/05/17 - 21:37

LGTBI+ kolektiboaren zaurgarritasuna areagotu dela ohartarazi dute

LGTBI+fobiaren aurkako Nazioarteko Egunean, Gehitu elkarteak Latorrizko Saria Vox ultraeskuineko alderdiari eman dio, "kolektiboaren aurka egindako adierazpenengatik".

2022/05/17 - 16:29

Homofobiaren arazoa ikusarazteko salaketa jartzea ezinbestekoa dela uste dute LGTBI Elkarteeek

LGTBIfobiaren Kontrako Eguna dugu gaur eta inoiz baino beharrezkoagoa dela gogoratzea kolektibo hauek jasaten dutena. Izan ere, eraso salaketak gutxitu ordez, areagotu egin dira EAEn.

2022/05/17 - 15:15

Zupiria: ''Beharrezkoa da aniztasunaren aldeko aldarriak babestea''

Jaurlaritzaren bozeramailea kezkatuta agertu da azken egunetan ezagutu ditugun eraso homofoboekin. Bere ustez, eraso hauek agerian uzten dute gizartearen zati txiki batek ez duela "naturaltasunez onartzen dibertsitatea".

2022/05/17 - 13:50

Legebiltzarreko taldeek, Vox salbu, diskriminazioaren aurka eta aniztasunaren alde borrokatzera deitu dute

Legebiltzarreko bozeramaileek sexu eta genero aniztasunarekiko gorrotoak eragindako erasoak salatu dituzte manifestu batean, eta gogorarazi dute "herritar guztien zeregina dela gizarte inklusibo eta anitza lortzeko ahaleginak batzea".

2022/05/17 - 13:23

Donostiako Ondarreta hondartzan eraso lesfoboa jasan dutela salatu dute hainbat emakumek

Igandean jazo zen erasoa. Bainatu ostean, gizon batek argazkiak egiten hasi zitzaien, eta emakumeek kargu hartu ziotenean, beste bat hurbildu zitzaien irain eta mehatxuak egitera. Erasoa salatzeko elkarretaratzea deitu dute (15:00etan) tenis klubaren inguruan.

2022/05/17 - 13:17

Diskriminazioaren aurka borrokatzeko deia egin dute EAJ, EH Bildu, PSE-EE, Elkarrekin Podemos-IU eta PPk

Legebiltzarreko bozeramaileek sexu-aniztasunaren eta genero-aniztasunaren aurkako erasoak salatu dituzte manifestu batean, eta gogorarazi dute herritar guztien zeregina dela "gizarte inklusibo eta anitza lortzeko ahalegina egitea".