LGTBI+ kolektiboaren zaurgarritasuna areagotu dela ohartarazi dute
Euskadiko erakunde nagusiek aniztasunarekiko errespetu eta tolerantzia aldarrikatu dute astearte honetan. Era berean, LGTBI+ kolektiboa pandemian zehar gehien astindutakoetako bat izan dela eta azken bi urteetan haren zaurgarritasuna areagotu dela ohartarazi dute.
LGTBI+fobiaren aurkako Nazioarteko Egunean, Gehitu elkarteak Latorrizko Saria Vox ultraeskuineko alderdiari eman dio, "kolektiboaren aurka egindako adierazpenengatik".
Eusko Jaurlaritzak; Bizkaiko eta Arabako aldundiek, eta Legebiltzarreko talde politiko guztiek, Vox ultraeskuineko alderdiak izan ezik, LGTBI pertsonen edozein diskriminazio errefusatu dute. 1990eko maiatzaren 17an Munduko Osasun Erakundeak homosexualitatea gaixotasunen zerrendatik kendu zuelako ospatzen da LGTBI+fobiaren aurkako Nazioarteko Eguna.
Gainera, Euskal Autonomia Erkidegoko hiru hiriburuetako udalek efemeridearekin bat egin dute sare sozialetan. Azken eraso homofoboaren berri astearte honetan eman dute, nahiz eta iragan igandean gertatu Donostiako Ondarreta hondartzan. Gizon batek emakume batzuei argazkiak atera zizkion, eta beste batek "lesbiana emagaldu" deitu eta "nazka ematen" zutela esan zien.
Igande horretan bertan, beste pertsona batek Uribarri Ganboako urtegian harrikada bat jaso izana salatu zuen sare sozialetan, "maritxu zikina" oihu artean.
LGTBI kolektiboaren aurkako erasoak gaitzetsi ditu Bingen Zupiria Eusko Jaurlaritzako bozeramaileak. Elkarbizitza bultzatzeko eta ziurtatzeko modu bakarra "tolerantzia handiagoa" izatea dela nabarmendu du, gizartean dagoen aniztasuna normaltasunez onartuz.
Horregatik, "aniztasunarekiko intolerantzia eta errespetu falta", salatu ditu Zupiriak, baita "oinarrizko giza eskubideen aurkako erasoak" ere. Askotan indarkeriaren bidez azaleratzen den intolerantzia "bereziki larria" dela uste du, eskubideen berdintasuna errespetatzen ez duelako.
Araban, Aldundiak Eusko Legebiltzarraren antzeko adierazpen bat onartu du. Azken bi urteetan, "esparru askotan, zaurgarritasun egoerak areagotu dira, esaterako, sare sozialetan", ohartarazi du erakundeak. Bestalde, kolektiboaren aurkako gorroto diskurtsoak eta indarkeria arbuiatu ditu Aldundiak beste adierazpen batean.
Azkenik, Bizkaian, sexu aukera askatasun osoz hautatzeko pertsona guztien eskubidearen aldeko kanpaina martxan jarri du Aldundiak, "Bizi bihotzak eskatzen dizun bezala" lelopean. "Eskubideetan eta askatasunetan erabateko gizarte eta herritartasuna lortzeko konpromisoa", berretsi du erakundeak.
Zure interesekoa izan daiteke
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politikako eta Memoria Demokratikoko ministroak koordinatuko du Espainiako Gobernuaren barruan Ceutako krisiak eragindako egoera.
Palestinarekin Elkartasuna elkarteak gogorarazi du Palestinako erasoek "ez dutela etenik" eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez eteteaz gain, Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Euria Urzainkiko sutea itzaltzen laguntzen ari da, baina ibilgailuen sarbidea zailtzen du
Baso-pistak ezin dira ibili, lurraren ezegonkortasuna areagotu eta elementuak erortzeko aukera baitago. Horrek arriskua areagotu du, eta bigarren mailako sute-guneak sortzeko probabilitatea handitu du.