Ingurumena

2024/02/05 - 14:53

Zaldibarko zabortegiaren aldi baterako zigilatzea maiatzaren erdialdean amaituko da

Jaurlaritza urriaren erdialdetik ari da lanean, mantentze-lanik ezaren ondorioz egonkortasun-baldintzetan okerrera egin duela ikusi ondoren.

2024/02/04 - 20:10

Duela lau urte Zaldibarko zabortegia behera etorrita hil ziren bi lagunak gogoratu dituzte senide eta lagunek

Zaldibar Argitu elkarteak gogorarazi duenez, prozesu penala itxi ostean, ingurumenaren aurkako delituen auziak aurrera egiteko "itxaropena" dute orain, baina instrukzio-fasean jarraitzen du, lau urte geroago. "Horrekin dena esanda dago", deitoratu dute.

2024/02/02 - 19:52

Etxetresnak eta sakelakoak konpontzeko eskubidea aitortu eta bultzatuko du Europar Batasunak

Parlamentuak eta 27 estatuek akordioa lortu dute, baina Ganberaren osoko bilkurak eta Kontseiluak babestu behar dute. Behin onartuta, kontsumitzaileak produktua konpontzeko eskubidea izango du, berria erosi beharrean, eta aukera hori baliatuz gero, 12 hilabetez luzatuko diote bermea.

2024/01/28 - 18:27

Kolonbiako giza eskubideen eta ingurumenaren defendatzaileek salatu dute beren bizi-arriskua handitu egin dela

Euskal ordezkaritza batek gertutik ikusi du giza eskubideak eta ingurumena babesten duten ekintzaileek eta gizartearen buruek bizi duten egoera larria. Bere lurraldea edo komunitatea defendatu duten ehunka lagun hiltzen dituzte urtero.

2024/01/28 - 12:22

Klima-ekintzaileek zopa bota dute 'Gioconda' margolanaren kristalezko babesaren aurka Louvre museoan

"Zer da garrantzitsuagoa: artea ala elikadura osasuntsu eta jasangarrirako eskubidea? Gure nekazaritza sistema gaixorik dago", esan dute oihu artean ekintzaileek, museoko segurtasun-langileek bionboak erabiliz estali aurretik.

2024/01/26 - 19:49

Legez kanpokotzat jo dute Igeldo mendiko Txalin parajean dagoen Xabi Alonsoren txaleta

Haritzalde talde ekologistak, Igeldoko beste bi elkarterekin batera, eraikin hori eraisteko eskatu zion Donostiako Udalari 2022ko azaroan, eta, aldi berean, salaketa aurkeztu zuten Udalaren aurka, etxebizitza hori "eraikitzen uzteagatik".

2024/01/26 - 17:33

Giza eskubideen euskal ordezkaritza batek Kolonbiako gizarte liderren egoera ezagutu du

Yisela eta Luz Mary, heriotza mehatxuak jaso dituzten bi gizarte lider kolonbiar dira. Denbora batez Euskal Herrian arnasa hartu eta lasai sentitu ondoren, duela hilabete batzuk Kolonbiara itzuli dira. Giza eskubideen aldeko euskal ordezkaritza batek bisita egin die.

2024/01/25 - 14:23

Espainiako Gobernuak Bizkaiko Golkoan txitxarroa arrantzatzea debekatu du, bi hilabetez

Nekazaritza, Arrantza eta Elikadura Ministerioak txitxarroa arrantzatzeko behin-behineko debekua argitaratu du Espainiako Aldizkari Ofizialean.

2024/01/25 - 14:13

Aierdik berretsi du Artaxoako plantak ez duela hondakin likidorik jasotzeko baimenik

Asensioren hitzekin minduta agertu da Nafarroako Gobernuko Landa Garapen eta Ingurumeneko kontseilaria. Esan du Artaxoako hondakinen plantan "Insalus ur edangarria" ere debekatuta dagoela.

2024/01/24 - 20:55

Ika-mika Nafarroako Gobernuaren eta Gipuzkoako Foru Aldundiaren artean, Artaxoara bidalitako zaborragatik

Aierdi kontseilari nafarrak asteartean adierazi zuen Ecofert Sansoain enpresak legez kanpo jaso dituela Zubietako lixibiatu likidoak, baina Gipuzkoako Jasangarritasun diputatuak asteazken honetan esan du "gezurra" dela.

2024/01/24 - 15:55

Greenpeacek pankarta bat zintzilikatu du Madrilgo Reina Sofia Museoan, Gazan su-etena eskatzeko

Greenpeaceko eskalatzaile batzuek Shepard Fairey 'Obey' artista estatubatuarraren ilustrazio bat zabaldu dute gaur goizean Madrilgo Reina Sofia Museoaren fatxadan, Gazan su-etena eskatzeko.

2024/01/24 - 10:08

2025erako berriztagarriek ikatzari aurrea hartuko diote argindar iturri nagusi moduan, IEAren arabera

Energiaren Nazioarteko Agentziaren (IEA, ingelesez) txosten baten arabera, 2026rako ekoitziko den argindarraren ia erdia energia garbien eta energia nuklearrari esker erdietsiko da. Energia nuklearrak, gainera, bere ekoizpen marka lortuko du 2025ean.

2024/01/23 - 13:16

Artikutzako urtegiaren zati bat eraisteko tramitazioek aurrera jarraitzen dute

Donostiako Udalak jakitera eman duenez, Trantsizio Ekologikorako Ministerioaren ingurumen-inpaktuaren aldeko txostena jaso du. Urtegia Donostia hornitzeko eraiki zen, baina duela 40 urte baino gehiagotik ez da erabiltzen.

2024/01/22 - 19:34

Jaurlaritzak eta Aldundiak bi urteko epean erabakiko dute Urdaibaiko Guggenheimari argi berdea eman edo ez

Lehendakariak aurreratu du museoaren Patronatuak "hausnarketa epea" behar duela. Urdaibain museoaren aldekoa ote den zuzenean galdetuta ere, Urkulluk erantzun du: "Ez da erraza jarrera zehatz bat izatea proiektua eta kudeaketa ezagutzen ez ditugunean".

2024/01/22 - 06:00

Arrantza debekatuta dago jada Bizkaiko Golkoko frantziar uretan, otsailaren 20ra arte

Euskal arrantzaleek haserrea agertu dute, eta ohartarazi dute legatzaren eskaintza murriztu egingo dela. Eusko Jaurlaritzak azaldu du arrain gutxiago harrapatuko denez, litekeena dela prezioak gora egitea.

2024/01/21 - 15:28

Galiziako kostaldean agertutako plastikozko pinporten harira manifestazioa egin dute Santiagon

Ehun bat talde ekologistak eta itsasoaren sektoreko taldeek eta milaka herritarrek administrazioek arazoari aurre egiteko erakutsi duten atzerapena eta utzikeria salatu dituzte.

2024/01/20 - 14:07

Frantziak arrantzaleei ezarritako debekuak arrainaren prezioa garestitu dezake, Tapiaren esanetan

Ekonomikoaren Garapen, Jasangarritasun eta Ingurumen sailburuak esan du Frantziako Gobernuak Bizkaiko Golkoan arrantzari jarritako debekuak alturako lau itsasontziri eragingo diela.

2024/01/19 - 20:45

Arrantza debekatuta izango da Bizkaiko Golkoko frantziar uretan hilabetez, astelehenetik

Euskal arrantzaleek haserrea agertu dute, eta ohartarazi dute legatzaren eskaintza murriztu egingo dela. Espainiako Gobernuak ere Bizkaiko Golkoan sare bidezko arrantza debekatuko du. Hala ere, ez du zehaztu noiztik nora egongo den indarrean debekua eta zein arrantza-ontziri eragingo dien.

2024/01/18 - 14:27

Bizkaiak ez du 'Toconao'ko pelletik atzeman, eta mareak Frantziako kostaldera eraman dituela uste du

Arantza Atutxa Natura Ingurune eta Nekazaritza diputatuak baieztatu du lurraldeko hondartzetan jasotako mikropastikoen kopurua ohikoa dela.

2024/01/12 - 14:35

''Gure hondartzetan jasotako plastikozko pinportak ez dira Galiziakoak''

Oihanek Cabezas AZTIko ikerlariak baieztatu du gure hondartzetan jasotako pelletak ez direla Toconao ontziak galdutakoak. Hurrengo lau egunetako aurreikuspenen arabera, ez du uste plastiko hondakin haiek gurera iritsiko direnik.